1 Pẽẽtũrũ 3:9 - ꞌBuuk cĩ Thõõth cĩ Nyekuci

⁹ Ma haruhaannu oolo thooꞌthiohĩĩ ꞌcĩg abathĩ, hode ma hodommu ꞌgoonogu ꞌcĩg odoommuung ngagiita. Nẽẽthĩ hinnianĩ, aggatanit eet ꞌcĩg odoommuung thõng. Thõõth baa avvaannuung Nyekuci ngagiit ĩdĩmanit cieeni nẽ aggatannuung hatĩ nẽẽ, hĩnĩngĩtĩ thõõth icci.

1 Pẽẽtũrũ 3:9 ပူးပေါင်းရင်းမြစ်များ

ꞌThianaattõ 42:25

Ma baa idiimito oboddioothĩ ꞌgotoonoggia ĩĩcĩ olu, uduhaak Yothebo dticcianniook cĩgĩnnĩg haarrik haal lohoddwaanĩĩ cĩg ꞌgotoonogiinni nẽ uduhaak ĩhõõggõ hĩnĩktẽẽhĩ ꞌrabbẽẽt baag au ũũtĩ ꞌgotoonoggia haal lohoddwaanĩtõõ cĩggĩĩng, nẽ tarĩ uduhaak hũkũmattẽẽhĩ ꞌgẽẽn ꞌcĩ adahoothi ꞌgõõla buúk. Ma baa ĩdĩmanit dticcianniooha thooꞌthiok iccig ẽlẽk,

Maatteeo 19:29

Ẽẽtĩ ꞌcĩ ũtũngeek õlõ cĩnnĩ hode ꞌgõtõõnõgĩ hĩ ngõõnõgĩ hode maaꞌnyĩ hĩ aattĩnnĩ, hode manẽẽn cĩgĩnnĩg, hĩnĩngĩtĩ nganĩĩta, ammũda hatĩ nẽẽ ꞌbaaninit tabattĩ ꞌmiia hõdẽĩ nẽ hatĩ ũmmũda rũgẽt ꞌcĩ aalla ooo.

Maatteeo 25:34

“Nẽ hatĩ uduhaak habuui eet ꞌcĩg aattĩg ĩĩcĩ aꞌthiit cĩnnĩ cobbi ĩĩnnĩk, ‘Iita niig ꞌcĩg aggatanuung Baaba ẽlẽk ko, iita uduhunit habuccieet baa ũkũmaneek Nyekuci baa ꞌthianaattaa cĩ tehenyiinit cĩ lootu.

Maatteeo 5:39

Nẽẽthĩ, haduhaakuung hanneekuung, ma haburru eet ꞌcĩ adĩmannuung ngagiit ꞌbuth. Má atabaaꞌngi eet umwaa mũũcĩc cĩ aꞌthiit cobbi, aꞌnyĩĩk hatabaang cĩ aꞌthiit ꞌcĩ hidici buúk.

Maatteeo 5:44

Nẽẽthĩ, haduhaakuung hanneekuung, ĩmmĩnanit mĩrõk cugguung nẽ alayyiooyyu eet ꞌcĩg adĩmannuung ngagiit ꞌbuth.

Maarko 10:17

Ma baa iꞌthianaaĩ Yeesu weet, avvira hinnia ẽẽtĩ umwaa hikia hakat huruꞌnyia muumaa cĩnnĩ nẽ ĩĩnnĩk, “ꞌLimmannioohit ꞌcĩ abũnnaa, hadĩmani occa naa hutuno, hátĩ hũmmũda rũgẽt ꞌcĩ aalla ooo?”

ꞌLuuka 10:25

Baa aku ajin ẽẽtĩ umwaa ꞌcĩ aga nyattal cĩ Mũũꞌtha gẽrrẽẽt Yeesu anneek, “ꞌLimmannioohit, ne occa ꞌthẽk ꞌcĩ occa hadĩmani naa, hátĩ haaꞌnya Nyekuci hũrũg ũdũt?”

ꞌLuuka 18:18

Ma ho, ijin ꞌgaalacĩ umwaa Yeesu ĩĩnnĩk, “ꞌLimmannioohit ꞌcĩ abũnnaa, ne occa ꞌcĩ adiim hadĩmani naa, hátĩ hũmmũda rũgẽt ꞌcĩ aalla ũdũt?”

ꞌRooma 12:14

Alaac Nyekuc haggatan eet ꞌcĩg adĩmannuung ngagiit ꞌbuth. Alaac ĩnõõnnõ haggatan ĩhõõggõ thõng, hiittiõõ hõllõngaa accĩĩn thõng.

ꞌRooma 12:17

Ma haruhaannu oolo hĩ eet ꞌcĩ adĩmannuung ngagiit ꞌbuth. Nẽ ĩdĩmanit thooꞌthiok ꞌcĩg ammuk eeta vẽlẽk aĩ abũnnaa.

ꞌRooma 8:28

Nẽ haga naag buúk haĩ hẽlẽggẽẽnnĩ vẽlẽk, adtican Nyekuci ꞌgii ꞌcĩ abũnnaa, hĩnĩngĩtĩ eet ꞌcĩg ammĩnan ĩnõõnnõ, baag avvaa tabiittaa cĩnnĩ.

ꞌRooma 8:30

Nĩngĩtĩ ẽlẽmmĩ Nyekuci eet baag ẽbẽra nẽẽ baa ĩĩcĩ oou ẽlẽk nẽ otholit bulẽẽnĩt cĩnnĩ hĩ ĩhõõggõ.

ꞌGalaaꞌthia 3:14

Ikia ẽẽlaeet Yeesu Krĩstõ ngagĩĩt, hátĩ haaꞌnyĩhoothĩk eet ꞌcĩg hõllõngaa ĩĩn ꞌJudeei, ꞌgattanĩ baa aaꞌnyĩk Nyekuci Abũrahaamõ, ꞌthaarĩĩ cĩg Yeesu Krĩstõ, hátĩ hummuddia naag Lori ꞌcĩ Ẽllẽẽmĩth lemiitta, hĩ baa aduha Nyekuci aĩ, hĩꞌthõõa hatĩnĩ.

Eevvetho 4:32

Nẽẽthĩ hinnianĩ, ĩĩtõ tarbalĩg nẽ atamaattihu ꞌgoonogu, hĩ baa ammaannikuung Nyekuci ngagiit, hĩnĩngĩtĩ Krĩstõ.

1 Tẽꞌthaloonika 5:15

Ĩcĩnĩt jurrung, ma haruhaannu oolo, ĩĩtõ tarbalĩg hĩ lemmiook hõdõõkõthĩ hĩ eet vẽlẽk.

Ebereei 12:17

Agayyu niig urutaa cĩnnĩ ikia idiim Eꞌthaau haggatan maaꞌnyia ĩnõõnnõ, aku hinnia abũrĩ maaꞌnyia thõng. Nẽẽthĩ, baa aꞌnyaman Eꞌthaau ngaatĩ amammaayanĩ maaꞌnyĩ hõbõdaaĩ ꞌthĩnĩt haggatan ĩnõõnnõ, tananga baa arruui nẽẽ gẽrrẽẽt.

Ebereei 6:14

ĩĩ, “Haggatannii hatĩ naa nganiit dĩdĩ nẽ haaꞌnyii lõhõlĩ ꞌcĩg mẽẽlĩg gẽrrẽẽt.”

1 Pẽẽtũrũ 5:10

Tarbalꞌthẽẽtaa cĩnnĩ, baa ũtũvvaauung ngagiit Nyekuci, hátĩ otholit bulẽẽnĩt cĩnnĩ ꞌcĩ aalla ũdũt, hĩnĩngĩtĩ Yeesu Krĩstõ. Nẽẽthĩ, urutaa ꞌcĩ accanatteeu hĩdĩhĩdĩĩc, ẽẽlannuung hatĩ nẽẽ ngagiit nẽ aaꞌnyuung okomit lemiittaa cunuung.