1 Pẽẽtũrũ 3:8 - ꞌBuuk cĩ Thõõth cĩ Nyekuci

⁸ Dtuurnatta, aaut niig vẽlẽk hõdẽĩ lõꞌngõõc, ĩĩtõ tarbalĩg nẽ atamaattik ꞌgoonogu buúk, ĩmmĩnanit ꞌgotoonogu hĩ ngoonogu nẽ ma hathĩngõõnyannu.

1 Pẽẽtũrũ 3:8 ပူးပေါင်းရင်းမြစ်များ

Maatteeo 18:33

Aitiõõ baa hõllõngaa ammaannihi nii ꞌgoonu ꞌcĩ ĩĩn dticciannioohit hĩ baa hammaannikii naa nganiit inni?’

ꞌLuuka 10:33

“Nẽẽthĩ urutaa cĩnnĩ, uppwaanna Thamaritaanõcĩ umwaa nĩngaata. Ma adtuuha eet nicci awaalĩth loota ho, aarria ĩnõõnnõ ꞌthĩnĩt nẽ atamaatĩk eet nicci.

Dtiicanĩ cĩg ꞌThooyyiahu 2:1

Ma kõr cĩ Karrama cĩ Waathinniook Hẽẽn ꞌTur, baa aattĩg nuyyiooha vẽlẽk ngaatĩ hõdẽẽthõng.

Dtiicanĩ cĩg ꞌThooyyiahu 27:3

Ma loohoth cĩnnĩ, hiita hõdõlatta ꞌtaaũn cĩ ꞌThidõõnẽ, ma nĩngaata ikia atamaatĩk Jullio Paaulo, nĩngĩtĩ ẽlẽmaakĩ ĩnõõnnõ hũũk hĩcĩn ꞌgõõnõgĩ, hõõt haanytĩk ĩnõõnnõ hẽlẽggĩ ꞌcĩg adiim nẽẽnĩ.

Dtiicanĩ cĩg ꞌThooyyiahu 28:7

Baa haĩ ꞌgaalac cĩ dtuungo Pubilio, baa aꞌnyak nẽẽ õlõ nĩngaata. Ma ho, ikia ũtũvveet nẽẽ ngagĩĩt halangatõõ cĩnnĩ nẽ hõõt haautta waathinniook iyyio nĩngaata.

Dtiicanĩ cĩg ꞌThooyyiahu 4:32

Baa aꞌnyak lemmiooha vẽlẽk muhẽẽnĩt hĩ ꞌthĩnneeti, ꞌgõõla hõdẽẽthõng. Baa aitiõõ ẽẽtĩ ꞌcĩ aꞌnyak ijjio cĩgĩnnĩg ẽmmẽn tõõ, nẽẽthĩ, baa õthõl nẽẽg hẽlẽggĩ vẽlẽk ꞌcĩg aꞌnyahĩ.

ꞌRooma 12:10

Ĩmmĩnanit ꞌgoonogu haauto hĩ ꞌgotoonogu hĩ ngoonogu nẽ ubuluꞌthu ĩhõõggõ hĩllõõanit eleeti cugguung.

ꞌRooma 15:5

Aaꞌnyuung occa hatĩ Nyekuci temeethi hĩ kũttan hĩ lori cĩ rũmẽẽttõ hõrggẽẽnaa cunuung hĩcĩ anuyyu Yeesu Krĩstõ,

1 Korinthia 1:10

Hammaannikuung naa ngagiit ꞌgotoonoga hĩ ngoonoga, ꞌthaarĩĩ cĩg Makayyioohit cĩnaac Yeesu Krĩstõ, ũrũmtĩ baaĩ nuun niig vẽlẽk, hátĩ hiittiõõ ngẽrõõnĩtĩ hõrggẽẽnaa cunuung tõõ, hátĩ horoong ũrũmtĩ jurrung muhẽẽtta hĩ ꞌthinneetinii cugguung.

1 Korinthia 12:26

Má ẽkẽdan dhooriti umwaanĩ, ẽkẽdan ẽlẽ vẽlẽk. Má hõllõngaa ẽkẽdan dhooriti umwaanĩ, accamanoothĩk ẽlẽ vẽlẽk.

Eevvetho 4:2

Ĩĩtõ tarbalĩg gẽrrẽẽt nẽ aꞌnyaktu ꞌthinneeti ꞌcĩg alalĩ, aꞌnyahit ꞌthinneeti ꞌcĩg makatĩg hĩ ꞌgoonogu nẽ etemeeꞌthu thooꞌthiok vẽlẽk mĩnnaniitta.

Eevvetho 4:31

Ũtũngteek tõngõrõrẽẽꞌthĩt hĩ liilii hĩ ngoongoi hĩ jore hĩ thõõth ꞌcĩ othooꞌthu ꞌgoonogu ꞌbuth hĩ thooꞌthiok vẽlẽk ꞌcĩg abathĩ.

Eevvetho 4:32

Nẽẽthĩ hinnianĩ, ĩĩtõ tarbalĩg nẽ atamaattihu ꞌgoonogu, hĩ baa ammaannikuung Nyekuci ngagiit, hĩnĩngĩtĩ Krĩstõ.

Pilippi 2:3

Ma hĩĩgĩnnu muruꞌthiook nẽ ma hathĩngõõnyaneeku ꞌgoonogu. Irritatta eleeti cugguung hĩĩtõ hĩdĩcĩg nẽ icittu ꞌgoonogu haauto hĩcĩ ĩllõõannuung ngagiita.

Pilippi 3:16

Nẽẽthĩ ꞌyioko, adiim occa haalla haꞌthũũnnĩ naag thõõth ꞌcĩ ĩĩn dĩdĩ ꞌcĩ haꞌnyahit ẽlẽk ko.

Kolooꞌthe 3:12

Nẽẽthĩ hoti ho, ammĩnannuung Nyekuci ngagiit nẽ ẽbẽraauung ĩĩtõ eet cĩgĩnnĩg ꞌcĩg ẽllẽẽmĩthĩ. Nẽẽthĩ, atamaattik ꞌgoonogu nẽ iittu tarbalĩg, ma hathĩngõõnyannu, etemeethit thooꞌthiok.

Ebereei 13:1

Aallattia ĩmmĩnanit ꞌgoonoggu haauto hĩ ꞌgotoonogu hĩ ngoonogu.

ꞌJeemith 2:13

hĩnĩngĩtĩ aitiõõ hatĩ hõllõngaa ammaannothoothĩk ẽẽtĩ ꞌcĩ baa hõllõngaa ammaannĩk ꞌgõõnõgĩ. Nẽẽthĩ, má baa ammaannihi nii ꞌgoonogu, ammaannikii hatĩ Nyekuci nganiit kõr ꞌcĩ hatĩ ẽttẽẽdĩkĩ nẽẽ eet thooꞌthiok.

ꞌJeemith 3:17

Nẽẽthĩ ĩĩcĩ oou, tẽlla ꞌgẽẽnyĩthĩ ꞌcĩ aku hẽẽtahujjieen. Abbĩꞌthĩĩ tamaati hĩ dtiicanĩ ꞌcĩg abũnnaa. Hõllõngaa ahal eeta nẽ aduha thõõth ꞌcĩ ĩĩn dĩdĩ hõdõõkõthĩ.

ꞌJeemith 5:11

Hadĩhĩth naag eet baag adĩhan ꞌcannan. Ĩthĩktu niig ꞌcannan cĩ ꞌJõõbĩ nẽ icittu ꞌgii ꞌcĩ aku adĩmaneek Makayyioohiti ĩnõõnnõ uruta. Aꞌnyak Makayyioohiti tamaati cobbi.

1 Pẽẽtũrũ 1:22

Baa ũtũũnytau niig ꞌthẽccanẽẽt cugguung baa elemmu thõõth ꞌcĩ ĩĩn dĩdĩ, nẽẽthĩ ꞌyioko, ammĩnanoonnu niig dĩdĩ. Nẽ adiim aallattia ĩmmĩnanit eleeti cugguung ꞌthinneetini dĩdĩ.

1 Pẽẽtũrũ 2:17

Itingolli eet vẽlẽk nẽ ĩmmĩnattu ꞌgotoonogu hĩ ngoonogu ꞌcĩg ĩĩn lemmiook. Itingolli Nyekuc nẽ itingollieeu habu cunuung.

1 Pẽẽtũrũ 5:5

ꞌGõõlaa ꞌcĩ aaĩ hoti, niig nyahaappanĩta, itingolli eet ꞌcĩg ĩĩtõ makatĩg hĩ ngagiita, ĩthĩhĩt thõõth cĩnĩĩng. Nẽ idticattoothĩk niig vẽlẽk ꞌgoonogu ꞌthĩnneetinii ꞌcĩg tarbalĩg, hĩnĩngĩtĩ, “Abũrĩ Nyekuci eet ꞌcĩg athĩngõõnyanĩ nẽẽthĩ, aaꞌnyĩk nẽẽ eet ꞌcĩg hõllõngaa athĩngõõnyan bũnnai.”

2 Pẽẽtũrũ 1:7

nẽ ittoorrihu ꞌgõõl ꞌcĩ haaꞌnyĩkĩ Nyekuc haccamanoothĩk ꞌgõõl ꞌcĩ hĩĩgĩnnĩ tarbalĩg hĩ ꞌgotoonogeet hĩ ngoonogeet, nẽ ittoorrihu tarbalꞌthẽẽt hĩ ꞌgotoonogeet hĩ ngoonogeet mĩnnan cĩ eet vẽlẽk.

1 Yõaannẽ 3:14

Má hammĩnan naag ꞌgotoonogeet hĩ ngoonogeet, ẽtẽrꞌtha thõõth ciee aĩ, hũtũngteek naag daahĩth hiita rũgẽta. Nẽẽthĩ, ẽẽtĩ ꞌcĩ hõllõngaa ammĩnan ꞌgõtõnĩ hode ngõõnĩ, nga aalla nẽẽ daahĩtha.