1 Pẽẽtũrũ 3:5 - ꞌBuuk cĩ Thõõth cĩ Nyekuci

⁵ Baa gõõng ꞌgõõl ꞌcĩ aattiyyi ngaaĩ ꞌcĩg ala Nyekuc nẽ aarrik ꞌthinneeti cĩggĩĩng hĩ ĩnõõnnõ cieeni, baa aaꞌnyĩk nẽẽg eleeti cĩggĩĩng helleemito ꞌgõõlaa ꞌcĩ athĩknĩ maaccwa cĩggĩĩng.

1 Pẽẽtũrũ 3:5 ပူးပေါင်းရင်းမြစ်များ

ꞌLuuka 2:37

Ma baa adaak maac cĩnnẽẽnĩ, ikia ĩĩ ngaatĩbõyyĩ ĩꞌthõng hõdõlanit irkiꞌnyia cĩgĩnnĩg hĩĩtõ hẽẽn turkiyyio hĩ ꞌwec. Aalla alayyi nẽẽ ꞌCieethaa cĩ Nyekuci baalin hĩ waathĩn nẽ ẽdẽta ẽlẽ ꞌgẽẽna waathinniook ũgĩ.

Dtiicanĩ cĩg ꞌThooyyiahu 1:14

Õmmõtõõ ꞌthooyyiaha hõdõõkõthĩ nẽ alayyio ngaatĩ hõdẽẽthõng hĩ ngaaĩ ũgĩ, hĩ Maria aattĩ Yeesu hĩ ꞌgõtõõnõgĩ cĩgĩnnĩg.

Dtiicanĩ cĩg ꞌThooyyiahu 9:36

ꞌTaaũnaa cĩ ꞌJõõppa, baa aaĩ nuyyioohiti umwaa ꞌcĩ ngayyi ꞌcĩ haĩ ꞌthaar Tabitha. Baa haĩ ꞌthaar ũgĩ cĩgĩnnĩg ꞌGiriheeyyi ꞌDõõrka, nĩngĩtĩ aĩ mẽggẽẽr. Baa adĩman nẽẽ thõõth ꞌcĩ abũnnaa ngaatĩ ẽẽlĩ hullaha.

Eevvetho 5:33

Nẽẽthĩ ꞌthẽk, adiim ammĩnan maac ngaa cĩnnĩ hĩcĩ ammĩnan nẽẽ ẽlẽ cĩnnĩ, nẽ adiim iꞌngolli ngaa maac cĩnnĩ.

1 Timotteeo 2:10

Nẽ ngaaĩ ꞌcĩg aĩ halayya nẽ hĩmmĩnatta Nyekuc, aꞌnyĩĩk hĩdĩmatteek ꞌgõõnõgĩ thooꞌthiok ꞌcĩg abũnnaa.

1 Timotteeo 2:15

Nẽẽthĩ, ẽẽla hatĩ Nyekuci ngaaĩ hittirria lõhõlĩ, hatĩ aꞌthũũnnĩ nẽẽg lemiinit cĩnĩĩng hĩ mĩnnan hĩ ꞌlẽẽmĩth hĩ ngaatĩ aattiyyi jurrung.

1 Timotteeo 5:10

Abũnnaa agayyi nẽẽ gẽrrẽẽt ngaatĩ adticanĩ thooꞌthiok ꞌcĩg abũnnaa, ꞌcĩg aattĩg hĩ ꞌcĩg iroktaanĩ lõhõlĩ cĩgĩnnĩg jurrung, hĩ ngaatĩ akũmanẽẽkĩ hẽẽrõn õlõõ cĩnnĩ, akũmaneek eet cĩg Nyekuci õlõõ cĩnnĩ jurrung, ẽẽl pĩĩrnattiaak nẽ ĩrrĩcana ngaatĩ adticanĩ thooꞌthiok vẽlẽk ꞌcĩg abũnnaa.

1 Timotteeo 5:5

Nẽ ngaatĩbõyyĩ ꞌcĩ appĩĩrna dĩdĩ, cĩ aitiõõ ittioonnioha cĩgĩnnĩg tõõ, aarĩk nẽẽ lemiinit hĩ muhẽẽnĩt cĩnnĩ vẽlẽk hĩ Nyekuc nẽ ala ĩnõõnnõ hõdõõkõthĩ waathĩn hĩ baalin vẽlẽk, hátĩ hẽẽl Nyekuci ĩnõõnnõ.

Ebereei 11:11

Baa lemiinit ꞌcĩ aaꞌnyĩk Thaara haꞌnyak loholeec, tananga baa hõllõngaa aꞌnyaki nẽẽnĩ nẽ baa atahaany gẽrrẽẽt. Baa ẽlẽmĩ nẽẽ thõõth baa aduhaak Nyekuci ĩnõõnnõ.

1 Pẽẽtũrũ 1:3

Hĩdĩhĩthĩt Nyekuc Maaꞌnyĩ Makayyioohit cĩnaac Yeesu Krĩstõ. Tamaatittaa cĩnnĩ ĩcobbi, aaꞌnyeet Nyekuci ngagĩĩt rũgẽt ꞌcĩ ĩĩn ngeju hĩ muhẽẽnĩt ꞌcĩ abũnnaa ꞌcĩ aalla ũdũt, ngaatĩ arũgthaanĩ Yeesu daahĩtha.