1 Pẽẽtũrũ 3:20 - ꞌBuuk cĩ Thõõth cĩ Nyekuci

²⁰ loriẽẽt cĩg eet baag hõllõngaa athĩhĩ Nyekuc baangaani, baa ẽrẽ Nyekuci hũtũngteek ꞌthẽccanẽẽt cĩggĩĩng waathinnioohĩĩ baag nga ẽhẽnytĩ Nõõa haahũl thõng. Baa eet turkiyyio thõng, ꞌcĩg baag eelliaa tawaanaa ĩbaa maka gẽrrẽẽt.

1 Pẽẽtũrũ 3:20 ပူးပေါင်းရင်းမြစ်များ

ꞌThianaattõ 6:13

ikia uduhaak nẽẽ Nõõa ĩĩnnĩk, “Hataba naa hũcũda eet hĩ looc vẽlẽk hĩĩ ꞌthĩĩ, hĩnĩngĩtĩ ꞌthẽccanẽẽt ꞌcĩg adtican nẽẽg ko.

ꞌThianaattõ 6:3

Ma kõr umwa, õthõõth Nyekuci Makayyioohiti ĩĩ, “Iittiõõ hatĩ hõllõngaa hẽlẽmaakĩ Lori caannĩ ꞌcĩ aꞌnyĩĩk eet rũgẽt ko, haau hĩ ĩhõõggõ ĩꞌthõng, hĩnĩngĩtĩ ĩĩn nẽẽg eet haaga. Nẽ kõr nicci ĩꞌthõng dtuurnanĩt cĩ lootu, iittiõõ hatĩ ẽẽtĩ ꞌcĩ nga arũgĩ hallaꞌnganit irkiꞌnyia cĩgĩnnĩg hĩĩtõ ꞌmiia hõdẽĩ hĩ hẽẽn ꞌramma tõõ (120).”

ꞌThianaattõ 6:5

Baa aga Makayyioohiti ꞌthẽccanẽẽt ꞌcĩg adĩman eeta loota nĩnga vẽlẽk nẽ aga ngaatĩ abaꞌthĩ muhẽẽnĩtĩ vẽlẽk ꞌcĩ aꞌnyak eeta ꞌthinneetinii cĩggĩĩng buúk.

ꞌThianaattõ 6:8

Nẽẽthĩ, baa accamana Makayyioohiti Nõõa.

ꞌThianaattõ 7:13

Ma kõr niccia, iita uduhunit Nõõa hĩ ngaa cĩnnĩ hĩ buul cĩgĩnnĩg ꞌcĩg ĩĩn iyyio ho, ꞌThẽm hĩ Haam hĩ ꞌJavẽth hĩ ngaaĩ cĩggĩĩng haahũlatõõ.

ꞌThianaattõ 8:1

Baa ammuha Nyekuci Nõõa hĩ eet cĩg õlõ cĩnnĩ hĩ idiꞌngwa baag aꞌngĩdeek nẽẽ haahũlatõõ vẽlẽk waathinnioohĩĩ baag ammũlũũnyanĩ tawanĩ looc, nĩngĩtĩ aaꞌnyĩkĩ ngõõt huuhan looc hõdõhõk.

ꞌThianaattõ 8:18

Ma baa uduhutta Nõõa hĩ ngaa cĩnnĩ hĩ lõhõlĩ cĩgĩnnĩg hĩ ngaaĩ cĩg lõhõlĩ cĩgĩnnĩg battaala,

Maatteeo 7:14

Nẽẽthĩ, lũdũc hattũũg ꞌcĩ õkõ ĩĩcĩ rũgẽtõ. Nẽ õkõmĩ ngaatĩ hanũĩ ꞌgõõl ꞌcĩ õkõ ĩĩca ho gẽrrẽẽt, nẽ hĩdĩcĩg eeta ꞌcĩg ẽdẽcĩ ꞌgõõl tĩho.

ꞌLuuka 12:32

“Niig nuyyiooha cĩgannĩg ꞌcĩg ngatũrĩg haaga ho, ma hiteelinnu, hĩnĩngĩtĩ accamanoothĩk Maaꞌnyu ngaatĩ aaꞌnyuung ngagiit habuccieet cĩnnĩ.

Dtiicanĩ cĩg ꞌThooyyiahu 2:41

Baa ĩĩn eeta ꞌcĩg elemit nyeemuut icci nẽ aggamit baattithimo aalibꞌnya iyyio nẽ ittoorriothoothĩk hĩ ꞌgõõnõgĩ cĩg kõr niccia.

ꞌRooma 9:22

Baa adiim Nyekuci ẽtẽrꞌtha liilii cĩnnĩ nẽ ẽdẽẽnya ꞌtirrian cĩnnĩ hĩ eet vẽlẽk ꞌcĩg occa adiim aruhi. Nẽẽthĩ hinnianĩ, baa ẽmmẽẽthĩ nẽẽ ĩhõõggõ.

Eevvetho 5:26

Baa aaꞌnyĩk Krĩstõ lemmiook helleemito ngaatĩ ũũnyĩ ĩhõõggõ maamĩ, ꞌtirriaanaa cĩ thõõth cĩ Nyekuci.

Ebereei 11:7

Nẽ tarĩ, baa lemiinit ꞌcĩ aaꞌnyĩk Nõõa hẽtẽhẽnya haahũl cobbi, hẽẽla halang cĩnnĩ hiittiõõ hõllõngaa arũddĩ tawaanatõõ. Baa athĩhĩ nẽẽ Nyekuc baa eggerꞌnyeek ĩnõõnnõ thooꞌthiohĩĩ ꞌcĩg nga hẽdẽẽnyta ũdũt. Lemiittaa cĩnnĩ, ikia ũtũbũr nẽẽ eet cĩg lootu vẽlẽk nẽ ikia ĩĩ eet ꞌcĩ abũnnaa, hĩnĩngĩtĩ lemiinit.

1 Pẽẽtũrũ 1:22

Baa ũtũũnytau niig ꞌthẽccanẽẽt cugguung baa elemmu thõõth ꞌcĩ ĩĩn dĩdĩ, nẽẽthĩ ꞌyioko, ammĩnanoonnu niig dĩdĩ. Nẽ adiim aallattia ĩmmĩnanit eleeti cugguung ꞌthinneetini dĩdĩ.

1 Pẽẽtũrũ 1:9

Ĩĩn hatĩ dũmanĩ ꞌcĩ elemmu niig ĩnõõnnõ, elliaanĩt cĩ loriẽẽt cugguung.

1 Pẽẽtũrũ 2:25

Baa arahattu niig aauttu hĩ aꞌtha ꞌcĩg iꞌngittõõthĩ thõng, nẽ ꞌyioko, oboddiaau hĩ tũhayyioohit cunuung ꞌcĩ aꞌthuunnuung ngagiita.

1 Pẽẽtũrũ 3:19

Ma ho, aaꞌnyĩk Nyekuci Krĩstõ hũũk hirrioonĩk loriẽẽt ꞌcĩg aattĩg baabuutha,

1 Pẽẽtũrũ 4:19

Nẽẽthĩ hoti ho, má accananniinnu niig ꞌgõõlaa ꞌcĩ aaꞌnyĩk Nyekuc haccamanoothĩk, aallattia ĩdĩmanit thooꞌthiok ꞌcĩg aũlan nẽ akattu Nyekuc baa ẽhẽnytaannuung hẽbẽrĩ rũgẽtaa cunuung, hĩnĩngĩtĩ aitiõõ hatĩ nẽẽ hõllõngaa ũũnnikuunga.

2 Pẽẽtũrũ 2:5

Nẽ korrioohĩĩ baag Nõõa, baa hõllõngaa ammaannĩk Nyekuci eet ꞌcĩg abũrĩ ĩnõõnnõ loota nĩnga. Baa aruk nẽẽ ĩhõõggõ tawaana nẽ ẽẽla Nõõa hĩ eet tũkĩramma halaangatõõ cĩnnĩ, hĩnĩngĩtĩ baa ĩĩn Nõõa eet ꞌcĩ irrioon thõõth ꞌcĩ aũlanĩ.

2 Pẽẽtũrũ 3:15

Má hataarroꞌthu ngaatĩ ereeini Makayyioohiti, hĩnĩngĩtĩ adiim nẽẽ eet vẽlẽk heellia. Thõõth baa aduha ꞌgõtõõnẽẽtĩ cĩnaac Paaulo buúk ciee, baa ẽhẽẽdakuung waraga ꞌgẽẽnyĩthaa baa aaꞌnyĩk Nyekuci ĩnõõnnõ.