Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




1 Pẽẽtũrũ 3:18 - ꞌBuuk cĩ Thõõth cĩ Nyekuci

18 Hĩnĩngĩtĩ baa adaahĩ Krĩstõ tabattĩ hõdẽẽthõng, hĩnĩngĩtĩ ꞌthẽccanẽẽt cĩggaac. Baa nga hẽꞌthẽcan nẽẽ thõõth umwa ũdũt, nẽẽthĩ, baa adaahĩ nẽẽ, hĩnĩngĩtĩ ꞌthẽccanniook, hátĩ huukuung ngagiit hĩ Nyekuc. Baa aruhi nẽẽ hadaak, nĩngĩtĩ aaꞌnyĩkĩ Nyekuci ĩnõõnnõ hũrũga Loriia.

အခန်းကိုကြည့်ပါ။ ကော်ပီ




1 Pẽẽtũrũ 3:18
34 ပူးပေါင်းရင်းမြစ်များ  

Ma baa nga iccioloongan Pĩlaatõ dtaabawa cĩnnĩ ĩcĩ habuẽẽꞌthĩtõõ, ikia ĩꞌthõõa ngaa cĩnnĩ nyeemuut ꞌcĩ aĩ, “Ma haddangaahi eet niccia ammĩrĩ hataa, hĩnĩngĩtĩ accanannaa nganĩĩt honoothi aabaal gẽrrẽẽt, hĩnĩngĩtĩ ĩnõõnnõ.”


Ma baa acĩn Pĩlaatõ ngaatĩ aitioonni ꞌgõõl ꞌcĩ õõganĩ nẽẽ Yeesu tõõ nẽ iꞌthiattaaĩ eeta awacahit gẽrrẽẽt ko, ittiha nẽẽ maam nẽ ũtũũny athĩn cĩgĩnnĩg hẽbẽrẽẽnnĩĩ cĩg lothippitaak nẽ ĩĩ, “Hammiri naa biyyiẽẽtĩĩ cĩg eet icci, ĩĩn niccia thõõth cunuung.”


Ẽrẽk ĩhõõggõ bũnnai cĩ Nyekuci, hĩnĩngĩtĩ hõkõ naa hĩ Baaba nẽ hõllõngaa hatĩ acĩnnaangu nganĩĩt tarĩ.


“Nĩngĩtĩ anneeka, ‘Ẽbẽraai Nyekuci cĩ hĩbaangĩ cĩggaac nganiit gaa tabiinit cĩnnĩ, hátĩ cĩĩn Eet ꞌcĩ Abũnnaa nẽ ithihu molook cĩ ũtũg cĩnnĩ.


Aburru hinnia Eet ꞌcĩ Ẽllẽẽmĩth ꞌcĩ Abũnnaa ꞌcĩ ĩĩn hõdẽẽthõng nẽ ĩttĩngatteehu Pĩlaatõ hõõgahuung ꞌloorriahit ꞌcĩ aruk eeta.


Nẽẽthĩ, baa aduha Lorii ꞌcĩ Ẽllẽẽmĩth ꞌtirriaanaa cĩnnĩ, ngaatĩ ĩĩnnĩ Yeesu Krĩstõ Makayyioohit cĩnaac Ngeertĩ Nyekuci, hĩnĩngĩtĩ baa arũgtha Nyekuci ĩnõõnnõ daahĩtha.


Baa aaꞌnyĩk Nyekuci Yeesu hadaak, hĩnĩngĩtĩ ꞌthẽccanẽẽt cĩggaac nẽ ũrũgũtha ĩnõõnnõ daahĩtha, hátĩ helemeet Nyekuci ngagĩĩta.


nẽ hĩnĩngĩtĩ leminit cĩnaac, ikia aaꞌnyeet Krĩstõ ngagĩĩt eliinit cĩ Nyekuci ꞌcĩ hõllõngaa occa hammũda, ngaatĩ haattiyyi naag ꞌyioko ho. Nẽ haccamattoothĩk ngaatĩ hatĩ hõthõlĩ bulẽẽnĩt cĩ Nyekuci.


Nẽ má aaĩ Lorii cĩ Nyekuc baa arũgtha Yeesu daahĩtha hĩ ngagiita, aaꞌnyĩk hatĩ Nyekuci baa arũgtha Krĩstõ daahĩtha eleeti cugguung ꞌcĩg occa adaahĩ ho, rũgẽt Loriiaa cĩnnĩ ĩcĩ aaĩ hĩ ngagiita.


Hõllõngaa occa adĩman nyattalĩ cĩ Mũũꞌtha thõõth icci, hĩnĩngĩtĩ aaꞌnyĩk thõõth ꞌcĩ habũranẽẽkĩ naag nyattal, hiittiõõ hõllõngaa attiranĩ. Nẽẽthĩ, baa õõgauung ngagiit Nyekuci, ngaatĩ ĩꞌthõõanĩ Ngeerĩnĩ hikia haau hĩ naag ꞌthẽccanniooha nẽ ĩĩ ꞌgaarrieenit cĩ ꞌthẽccanẽẽt cĩggaac. Adticaniini Nyekuci ẽlẽ cĩ Yeesu habathanĩ ꞌthẽccan.


Nẽ hõllõngaa hĩĩgĩnna makayyiook cĩg hattĩnganeekuung ngagiit ꞌgii ꞌcĩ occa elemmu. Hadticanni naag hĩ ngagiit hõdẽĩ, hĩnĩngĩtĩ taliinit cunuung, hátĩ iita okomit niig lemiittaa cunuung.


Tananga baa odooddothoothĩk nẽẽ hurucceea, aaĩ hĩcĩ baa appĩĩrna ꞌtirriani cĩnnẽẽnĩ. Nẽ ꞌyioko, arũgĩ nẽẽ ꞌtirriaanaa cĩ Nyekuci. Noho, happĩĩrna hatĩ naag buúk hĩ baa Krĩstõ. Nẽẽthĩ nẽẽꞌthẽk, acinnu hatĩ harũgĩ naag hĩ ĩnõõnnõ ꞌtirriaanaa cĩ Nyekuci nẽ hatĩ hidticattoothihuung ngagiita.


Tananga baa hõllõngaa ĩĩn Krĩstõ ꞌthẽccannioohit, baa aaꞌnyĩk Nyekuci ĩnõõnnõ hĩĩ ꞌgaarrieenit, hĩnĩngĩtĩ ꞌthẽccanẽẽt cĩggaac, hátĩ hũbũttaath naag nẽ elemeet Nyekuci.


Hĩnĩngĩtĩ athĩhĩ Yeesu Krĩstõ Nyekuc Baangeet cĩnaac, ĩnõõ ꞌcĩ aku aaꞌnyĩkĩ nẽẽ ẽlẽ cĩnnĩ hĩĩ ꞌgaarrieenit cĩ ꞌthẽccanẽẽt cĩggaac ko, hatĩ hẽẽlaeet ngagĩĩt looccaa cĩ ꞌthẽccaneetu.


Ikia ẽẽlaeet ngagĩĩt Yeesu Krĩstõ ꞌcĩĩnẽttaa cĩ aꞌnyaha nyattalĩ, ngaatĩ aku õkõõĩ nẽẽ ꞌcĩĩnẽnĩt cĩnaac hĩ baa aduha ꞌBuuhi cĩ Nyekuci aĩ, “Aggam ꞌngĩllama eet ꞌcĩg aruk eet nẽ irimitheek hẽẽta”


Nẽẽthĩ ꞌyioko, ikia ũkũtaneet Krĩstõ ngagĩĩt, hĩnĩngĩtĩ athĩhĩ nẽẽ Nyekuc nẽ occa iittiõõ hõllõngaa hiꞌngolli naag ngaatĩ hõõĩ hĩ Nyekuc cũrũmũũm muumaa cĩnnĩ.


Baa ẽlẽmana nẽẽ ẽlẽ cĩnnĩ hadaak hĩnĩngĩtĩ ngagĩĩta, hátĩ hõõgaeet ꞌthẽccanẽẽtĩ vẽlẽk nẽ aaꞌnyeet hĩĩtõ eet cĩgĩnnĩg ꞌcĩg ũtũũnyeet nẽẽ hĩĩtõ eet cĩgĩnnĩg, ꞌcĩg hadiim hadtican thooꞌthiok ꞌcĩg abũnnaa dĩdĩ.


Nẽ tabiittaa nĩĩca, hiita helleemito naag, hĩnĩngĩtĩ ẽlẽmana Yeesu Krĩstõ ẽlẽ cĩnnĩ ũdũt hĩĩ ꞌgaarrieenit tabattĩ hõdẽẽthõng, hĩnĩngĩtĩ eet vẽlẽk.


Ummuhit dako nõõ ꞌgõõl ꞌcĩ ũũnyĩ biyyieeta cĩg Krĩstõ muhẽẽnĩt cĩ ꞌthinneeti cĩggaac, hĩnĩngĩtĩ ꞌthẽccanẽẽt ꞌcĩg hadĩman naag, hátĩ halaac Nyekuc ꞌcĩ arũgĩ ũdũt. ꞌTirrianaa cĩ Lori ꞌcĩ aalla ũdũt, ikia ẽlẽmana Yeesu ẽlẽ cĩnnĩ hĩ ꞌgaarrieenit ꞌcĩ ẽllẽẽmĩth, hĩnĩngĩtĩ ꞌthẽccanẽẽt cĩggaac.


Má baa hẽlẽmana Yeesu ẽlẽ cĩnnĩ irkiꞌnyia vẽlẽk, occa baa appĩĩrna nẽẽ tabattĩ mẽẽlĩg nganĩngĩtĩ ẽhẽnytaanĩ lõõcĩ. Nẽẽthĩ, baa ẽlẽmana nẽẽ ẽlẽ cĩnnĩ tabattĩ hõdẽẽthõng diooni dtuurnattaa cĩ kõr tĩho, hátĩ hĩĩ nẽẽ ꞌgaarrieenit ꞌcĩ ũũny ꞌthẽccanẽẽta.


adaahĩ thĩ Krĩstõ buúk tabattĩ hõdẽẽthõng hĩĩ ꞌgaarrieenit ꞌcĩg attik ꞌthẽccanẽẽt cĩg eet ꞌcĩg mẽẽlĩg. Õbõda hatĩ Krĩstõ tarĩ, hõllõngaa õbõda hikia hittik ꞌthẽccanẽẽt cĩggaac diooni, õbõda Krĩstõ aꞌnyaha elliaanĩt cĩg eet ꞌcĩg ẽrẽ ĩnõõnnõ.


Etteediku niig eet thooꞌthiok nẽ uruktu eet ꞌcĩg ammĩrĩ, tananga ẽlẽmĩ thooꞌthiok cugguung.


Ma ho, aaꞌnyĩk Nyekuci Krĩstõ hũũk hirrioonĩk loriẽẽt ꞌcĩg aattĩg baabuutha,


Nẽẽthĩ hoti ho, hĩ baa accananni Krĩstõ loota nĩnga, adiim akũmanoothiku, hátĩ agaac ngaatĩ hatĩ accananiinnu niig buúk hĩ baa nẽẽnĩ. Hĩnĩngĩtĩ ẽtẽrꞌtha ꞌcannani ngaatĩ ũtũngteehu niig ꞌthẽccan.


Baa illimanoothĩk nyeemuut ꞌcĩ abũnnaa eet ꞌcĩg adaahito, hátĩ má etteedoothĩk ĩhõõggõ thõõth, hĩnĩngĩtĩ thooꞌthiok ꞌcĩg baag ĩdĩmanit nẽẽg rũgẽtaa cĩ, arũmĩ hatĩ loriẽẽta cĩggĩĩng hĩ Nyekuc.


Nẽ má haduhaak ꞌthẽccanẽẽt cĩggaac Nyekuc, haga ngaatĩ haarĩkĩ ꞌthinneeti cĩggaac hĩ ĩnõõnnõ haĩnnĩ, aũlan nẽẽ ngaatĩ ammaannĩkeet ngagĩĩt ꞌthẽccanẽẽt cĩggaac nẽ ũtũũnyeet thooꞌthiohĩĩ ꞌcĩg abathĩ vẽlẽk.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ