1 Pẽẽtũrũ 3:15 - ꞌBuuk cĩ Thõõth cĩ Nyekuci

¹⁵ Itingolli Krĩstõ nẽ aanytĩhu hĩĩ Makayyioohit rũgẽtaa cunuung. Má ajinnuung eet umwaa thõõth cĩ lemiinit cunuung, ũkũmattoothĩk hõdõõkõthĩ, hátĩ attacanit, nẽẽthĩ, ĩdĩmanit thõõth icci tarbalꞌthẽẽta hĩ ngaatĩ iꞌngoliinnu ĩnõõnnõ.

1 Pẽẽtũrũ 3:15 ပူးပေါင်းရင်းမြစ်များ

Dtiicanĩ cĩg ꞌThooyyiahu 21:39

Ẽdẽcĩ Paaulo anneek, “Hĩĩnĩ naa ꞌJudeeinit nẽ harittia ꞌtaaũnaa cobbi cĩ ꞌTaartho looccaa cĩ ꞌCilicia. Ẽlẽ aꞌnyaa baaĩ nuun hothooꞌthioa hĩ eeta.”

Dtiicanĩ cĩg ꞌThooyyiahu 24:25

Ma baa õthõõth Paaulo thõõth cĩ Nyekuci ꞌcĩ aũlan hĩ ꞌgõõl ꞌcĩ haꞌthũũnnĩ ẽlẽ hĩ thõõth ꞌcĩ etteedini thooꞌthioha, ikia itiẽẽlĩ Pelicce gẽrrẽẽt nẽ ĩĩ, “Ẽlẽ, ĩnẽẽnĩ, ũũppanit nicciaag cĩg kõr icci! Bĩĩt da nõõnĩ. Ma hatĩ hammũda ꞌthaa kõr umwa, hauyyi hatĩnĩ.”

Kolooꞌthe 1:23

Nẽẽthĩ, má aallannu elemmu nẽ okomtu thõõth ꞌcĩ ĩĩn dĩdĩ, ma hẽꞌngẽlannu thõõthaa baa ĩĩn dĩdĩ ĩbaa ithiktu niig nyeemuutaa ꞌcĩ abũnnaa. Baa irrioonni nyeemuut ꞌcĩ abũnnaa ho looc vẽlẽk nẽ naa Paaulo, baa ẽbẽraawa Nyekuci hĩĩ dticciannioohit ꞌcĩ hirriooni thõõth icci.

Kolooꞌthe 1:27

Hĩnĩngĩtĩ baa adiimmuung ngagiit Nyekuci eet ꞌcĩg hõllõngaa ĩĩgĩnnu ꞌJudeei, agaac ngaatĩ ĩĩnnĩ baliiniti hĩ bulẽẽnĩt cĩ Krĩstõ cunuung buúk. Thõõth ꞌcĩ ammiꞌthi ho cieeni. Aaĩ Krĩstõ hĩ ngagiita. Aaꞌnyuung thõõth ciee ngagiit agaac ngaatĩ hatĩ othollu niig bulẽẽnĩt cĩnnĩ.

Kolooꞌthe 1:5

hĩnĩngĩtĩ muhẽẽnĩtĩ ꞌcĩ abũnnaa ꞌcĩ aꞌnyaku niiga, itiangthoothikuung ngagiit hẽẽtahujjieen. Baa ithiktu niig muhẽẽnĩt ꞌcĩ abũnnaa ho ĩĩcĩ oou, baa elemmu nyeemuut ꞌcĩ ĩĩn dĩdĩ, ꞌcĩ ĩĩn nyeemuut ꞌcĩ abũnnaa,

Kolooꞌthe 4:6

Aanytĩk thõõth ꞌcĩ othooꞌthu niig hõdõõkõthĩ haaꞌnyĩk eet ꞌcĩg athiknuung ngagiit haccamattoothĩk, hátĩ agaac ngaatĩ occa attacannu eet vẽlẽk ꞌcĩg ajinnuung ngagiit ꞌgõõlaa ꞌcĩ abũnnaa.

Tiito 1:2

ĩĩn ciee lemiinit hĩ ꞌgẽẽnyĩth ꞌcĩ aaĩ muhẽẽttaa ꞌcĩ abũnnaa ĩĩcĩ rũgẽt ꞌcĩ aalla ooo, baa aduha Nyekuci baangaani. Aitiõõ Nyekuci hõllõngaa õõlõngĩ.

Ebereei 3:6

Nẽẽthĩ, ĩĩn Krĩstõ Ngeertĩ Nyekuci ꞌcĩ aggam eet cĩg Nyekuci. Nẽ hĩĩgĩn naag eet tĩko, hatĩ haalla haꞌthĩlan nẽ huꞌthuutti muhẽẽnĩt ꞌcĩ abũnnaa.

Ebereei 6:1

Nẽẽthĩ, hũtũngteek ngaatĩ hõbõdẽẽkĩ ꞌlimman cĩ Krĩstõ baa oou hiriiri. Hõõt ĩĩcĩ oou, hátĩ heggeenyit hagaac ꞌlimman cĩ Krĩstõ. Nẽ dĩdĩ, occa hõllõngaa hadiim hiꞌthianaanĩ tarĩ ngaatĩ, hallimanĩ thooꞌthiok ꞌcĩg tiirik ꞌcĩg haduhaanĩ ꞌthẽccanẽẽt nẽ helemit Nyekuc.

1 Pẽẽtũrũ 1:17

Ummuhutooth ngaatĩ hõllõngaa ahalĩ Nyekuci baangẽẽtĩ cunuung cĩ hẽẽtkujjieen ꞌcĩ alayyu niig ko eeta. Etteedĩk hatĩ nẽẽ eet hõdẽĩ hõdẽĩ thõõth nẽ ũdũman ꞌgõõlaa ꞌcĩ baa thooꞌthiok ꞌcĩg adĩman ẽẽtĩ loota nĩnga. Nẽẽthĩ hoti ho, adiim iꞌngollinnu Nyekuc nga aattiyyu looccaa ꞌcĩ aattiyyu hĩcĩ iiginnu tahan ko.

1 Pẽẽtũrũ 3:2

hĩnĩngĩtĩ acĩn hatĩ nẽẽ ꞌgõõl ꞌcĩ adĩkꞌthĩ nii Nyekuc nẽ aau ꞌgõõlaa ꞌcĩ aũlanĩ.

1 Pẽẽtũrũ 3:4

Aꞌnyĩĩk ꞌlẽẽmĩth ꞌcĩ aku ꞌthinneetinii cugguung haaꞌnyuung ngagiit aaut lõꞌngõõc nẽ iittu tarbalĩg. Ĩĩn ciee ꞌlẽẽmĩth ꞌcĩ aalla ĩꞌthõng nẽ accamana Nyekuci gẽrrẽẽt.