1 Pẽẽtũrũ 3:14 - ꞌBuuk cĩ Thõõth cĩ Nyekuci

¹⁴ Nẽẽthĩ, má occa accananiinnu niig, hĩnĩngĩtĩ adĩmannu thõõth ꞌcĩ abũnnaa, adũmannuung hatĩ Nyekuci, hĩnĩngĩtĩ thõõth tĩho. “Ma hapuppuddu hode hiꞌngollinnu thooꞌthiok ꞌcĩg occa adĩmaneekuung nẽẽg ngagiita.”

1 Pẽẽtũrũ 3:14 ပူးပေါင်းရင်းမြစ်များ

Maatteeo 10:28

Ma hiꞌngolinnu eet ꞌcĩg aruk ẽlẽ diooni nẽ hõllõngaa occa aruk lori buúk. Itingolli Nyekuc diooni ꞌcĩ occa aruk ẽlẽ hĩ lori cunuung ꞌgwoyyiaa ꞌcĩ aalla ũdũt.

Maatteeo 10:31

Ma hiteelinnu, hĩnĩngĩtĩ iiginnu niig eet ꞌcĩg tiirik ĩllõõannu hĩbaallĩ ꞌcĩg hidicig ꞌcĩg mẽẽlĩg.

Maatteeo 10:39

Ẽẽtĩ ꞌcĩ adiim aꞌthũũnnĩ rũgẽt cĩnnĩ loota nĩnga, adhuheek hatĩ rũgẽt cĩnnĩ ho tuu. Nẽ ẽẽtĩ ꞌcĩ adhuheek rũgẽt cĩnnĩ tuu, hĩnĩngĩtĩ nganĩĩta, aalla hatĩ rũgẽtĩ cĩnnĩ ũdũt.

Maatteeo 16:25

Hĩnĩngĩtĩ ẽẽtĩ ꞌcĩ adiim ẽẽla rũgẽt cĩnnĩ, adhuheek hatĩ tuu, nẽẽthĩ, ẽẽtĩ ꞌcĩ adhuheek rũgẽt cĩnnĩ tuu, hĩnĩngĩtĩ nganĩĩta, ammũda hatĩnĩ.

Maatteeo 19:29

Ẽẽtĩ ꞌcĩ ũtũngeek õlõ cĩnnĩ hode ꞌgõtõõnõgĩ hĩ ngõõnõgĩ hode maaꞌnyĩ hĩ aattĩnnĩ, hode manẽẽn cĩgĩnnĩg, hĩnĩngĩtĩ nganĩĩta, ammũda hatĩ nẽẽ ꞌbaaninit tabattĩ ꞌmiia hõdẽĩ nẽ hatĩ ũmmũda rũgẽt ꞌcĩ aalla ooo.

Maarko 10:29

Ẽdẽcĩ Yeesu ĩhõõggõ anneek, “Haduhaakuung dĩdĩ, má ũũnnĩk eet umwaa õlõ cĩnnĩ, hĩ ngõõnõgĩ, hĩ ꞌgõtõõnõgĩ, hĩ maaꞌnyĩ hode hĩ aattĩnnĩ, hĩ lõhõlĩ hode hĩ manẽẽn, hĩnĩngĩtĩ nganĩĩt hĩ nyeemuut ꞌcĩ abũnnaa,

Maarko 8:35

Má adiim ẽẽtĩ umwaa ẽẽla rũgẽt cĩnnĩ, adhuheek hatĩ nẽẽ rũgẽt cĩnnĩ ho tuu nẽ ẽẽtĩ ꞌcĩ adhuheek rũgẽt cĩnnĩ tuu, hĩnĩngĩtĩ nganĩĩt hĩ nyeemuut ꞌcĩ abũnnaa, ẽẽla hatĩ nẽẽ rũgẽt cĩnnĩ.

Yõaannẽ 14:1

Baa aduhaak Yeesu nuyyiook cĩgĩnnĩg anneek, “Ma haaꞌnyiku ꞌthinneeti hupuppudit, elemit Nyekuc nẽ ẽlẽmtaangu nganĩĩt buúk.

Yõaannẽ 14:27

Haaꞌnyuung naa ngagiit ganõn, nganĩĩt dioo ꞌcĩ occa haaꞌnyuung ganõn icci. Aitiõõ ganõnĩ ciee hõllõngaa aduhõõ hĩ ganõn ꞌcĩ occa aaꞌnyuung eeta cĩg looc nicci. Nẽẽthĩ, ma haaꞌnyiku ꞌthinneeti hupuppudit hode ma hiteelinnu.

Dtiicanĩ cĩg ꞌThooyyiahu 9:16

Nganĩĩt hatĩ ꞌcĩ heterꞌtheehi ĩnõõnnõ ꞌgõõl ꞌcĩ accananiini, hĩnĩngĩtĩ ꞌthaar cĩgannĩg.”

2 Korinthia 12:10

Eei, haccamanoothihi naa ngaatĩ happĩĩrnanĩĩ, hĩ ngaatĩ hodoominii, hĩ ngaatĩ huukẽnĩĩ, hĩ ngaatĩ homothiini hĩ ngaatĩ haccananiini, hĩnĩngĩtĩ Krĩstõ. Ĩnõõ ꞌcĩ ma happĩĩrna, hattirani.

Pilippi 1:29

nẽ aggatanuunga. Hõllõngaa aggatannuung, hĩnĩngĩtĩ aꞌnyaku niig lemiinit hĩ Krĩstõ diooni, nẽẽthĩ, aggatannuung, hĩnĩngĩtĩ accananiinnu niig buúk, hĩnĩngĩtĩ ĩnõõnnõ.

ꞌJeemith 1:12

Aggatan Nyekuci eet ꞌcĩg aꞌnyaman ꞌtĩmman, hĩnĩngĩtĩ má ĩllõõanit nẽẽg ꞌtĩmman tĩho, ammũda hatĩ nẽẽg dũman cĩ rũgẽtõ, baa aduhaak Nyekuci eet ꞌcĩg ammĩnan ĩnõõnnõ.

ꞌJeemith 5:11

Hadĩhĩth naag eet baag adĩhan ꞌcannan. Ĩthĩktu niig ꞌcannan cĩ ꞌJõõbĩ nẽ icittu ꞌgii ꞌcĩ aku adĩmaneek Makayyioohiti ĩnõõnnõ uruta. Aꞌnyak Makayyioohiti tamaati cobbi.

1 Pẽẽtũrũ 3:6

Baa athĩhĩ Thaara Abũrahaamõ nẽ ũtũvvũ ĩnõõnnõ ĩnnĩk makayyioohit cĩnnĩ. Iiginnu niig lõhõlĩ cĩgĩnnĩg dĩdĩ, hatĩ adĩmannu thõõth ꞌcĩ aũlanĩ nẽ hõllõngaa iꞌngoliinnu thõõth umwa.