1 Pẽẽtũrũ 3:1 - ꞌBuuk cĩ Thõõth cĩ Nyekuci

¹ Nẽẽthĩ, má ĩĩnĩ ngaa cĩ eeto, adiim athihi thõõth cĩ maac cunni. Tananga abũrĩ nẽẽ nyeemuut cĩnaang, aaꞌnyihi hatĩ nii ĩnõõnnõ hikia hĩĩ lemmioohit ꞌgõõlaa ꞌcĩ adĩmanĩĩ thooꞌthiok ꞌcĩg abũnnaa. Iittiõõ hatĩ eet umwaa ꞌcĩ occa aduhaak ĩnõõnnõ thõõth ꞌcĩ aku ĩĩnnĩ nẽẽ Lemmioohit tõõ,

1 Pẽẽtũrũ 3:1 ပူးပေါင်းရင်းမြစ်များ

ꞌThianaattõ 3:16

Nẽ ĩccĩĩn Nyekuci ngaa ĩĩnnĩk, “Hittoori hatĩ naa huciith hatĩ ũũkca loholeec nẽ hatĩ gõõng ũtũhũa nii lõhõlĩ huciitha. Abũraneehi hatĩ gõõng nii maac cunni nẽ ĩnõõnnõ hatĩ gõõng ꞌcĩ ĩĩn makayyioohit cunni.”

Maatteeo 18:15

“Má adĩmannii ꞌgotonu ꞌbuth, bĩĩt teretheek ĩnõõnnõ bathi cĩnnĩ ngaatĩ burki. Má athĩkniina, ẽẽla nii ĩnõõnnõ.

ꞌRooma 10:16

Nẽẽthĩ, baa hõllõngaa ẽlẽmĩ eeta cĩg Ĩꞌthĩraẽlĩ vẽlẽk nyeemuut ꞌcĩ abũnnaa ho. Hĩnĩngĩtĩ baa ajin põrõvẽtaacĩ Iꞌthaia Makayyioohit anneek, “Nganĩ baa ꞌcĩ ẽlẽm nyeemuut cĩnaang?”

ꞌRooma 6:17

Nẽẽthĩ ꞌyioko, ĩlaallẽ hĩ Nyekuc, tananga baa gõõng ĩĩgĩnnu niig appahacaaꞌnya cĩg ꞌthẽccaanak, iita ithiktu niig ꞌlimman baa allimanoothikuung ngagiita.

ꞌRooma 7:2

Terethiinit umwa ciee ꞌcĩ nyattaalõ, ngaa cĩ eeto, aꞌnyĩĩk haala hĩ maac cĩnnĩ dioo, hatĩ nga arũgĩ maac. Nẽẽthĩ, má adaak maac, ĩĩ nẽẽ ngaatĩbõyyĩ.

1 Korinthia 11:3

Nẽẽthĩ ꞌyioko, hadiimmuung naa ngagiit agaac ĩĩtõ, Makayyioohit cĩ eet ꞌcĩg maacĩg vẽlẽk Krĩstõ nẽ makayyioohit cĩ ngaa ꞌcĩ ngayyi, ẽẽtĩ ꞌcĩ maacẽẽnĩ nẽ Makayyioohit cĩ Krĩstõ Nyekuci.

1 Korinthia 14:34

occa hõllõngaa elemmiaakĩ ngaaĩ hothoothito lothippitaa cĩ lemmioohu. Occa ijjiaaki nẽ ĩthĩktõ haaga, hĩcĩ aduha nyattalĩ cĩ Mũũꞌtha.

1 Korinthia 7:16

Occa aga nii ngaa hutuno ngaatĩ ẽẽlanĩ maac cunni, hode occa aga nii maac hutuno, ngaatĩ occa ẽẽlanĩĩ ngaa cunni?

Eevvetho 5:33

Nẽẽthĩ ꞌthẽk, adiim ammĩnan maac ngaa cĩnnĩ hĩcĩ ammĩnan nẽẽ ẽlẽ cĩnnĩ, nẽ adiim iꞌngolli ngaa maac cĩnnĩ.

Kolooꞌthe 3:18

Niig ngaaĩ, ĩthĩhĩt maaccwa cugguung ꞌgõõlaa ꞌcĩ adiim Makayyioohiti.

Kolooꞌthe 4:5

Aaut jurrung hatĩ arũmeennu hĩ eet ꞌcĩg hõllõngaa ĩĩn lemmiook, illimatteek ĩhõõggõ nyeemuut cĩ Nyekuci hatĩ ammũdaannu ꞌgõõl ꞌcĩ arũmeennu hĩ ĩhõõggõ.

2 Tẽꞌthaloonika 1:8

ꞌcĩg aꞌnyak ꞌgwoo ꞌcĩ alanyĩtĩ. Uuk hatĩ Makayyioohiti cĩnaac Yeesu, eet ꞌcĩg hõllõngaa aga Nyekuc nẽ hõllõngaa athĩhĩ nyeemuut cĩnnĩ ꞌcĩ abũnnaa.

Ebereei 11:8

Lemiinit ꞌcĩ baa aaꞌnyĩk Abũrahaamõ hĩthĩk Nyekuc, baa aduhaak Nyekuci ĩnõõnnõ hũtũngeek õlõ cĩnnĩ nẽ ũũk looccaa umwaanĩ ĩĩcĩ hatĩ aaꞌnyĩk Nyekuci ĩnõõnnõ hũũk hirigith. Baa ajanĩ nẽẽ weet haaga nẽ hõllõngaa aga ꞌgõõl ꞌcĩ õkõõĩ ho.

Ebereei 5:9

Nẽ ꞌgõõlaa cĩ, ikia aaꞌnyĩk ꞌcannani Yeesu hũbũna, nẽẽ aga ngaatĩ ẽẽlĩ eet vẽlẽk cĩg athĩhĩ ĩnõõnnõ ooo.

1 Pẽẽtũrũ 1:22

Baa ũtũũnytau niig ꞌthẽccanẽẽt cugguung baa elemmu thõõth ꞌcĩ ĩĩn dĩdĩ, nẽẽthĩ ꞌyioko, ammĩnanoonnu niig dĩdĩ. Nẽ adiim aallattia ĩmmĩnanit eleeti cugguung ꞌthinneetini dĩdĩ.

1 Pẽẽtũrũ 3:2

hĩnĩngĩtĩ acĩn hatĩ nẽẽ ꞌgõõl ꞌcĩ adĩkꞌthĩ nii Nyekuc nẽ aau ꞌgõõlaa ꞌcĩ aũlanĩ.

1 Pẽẽtũrũ 3:7

Nẽ niig maaccwaana ꞌgõõlaa ꞌcĩ aduhõõ thõng, ũrũmtĩ hĩ ngaaĩ cugguung jurrung, itingolli ĩhõõggõ hĩ ꞌgoonogu ꞌcĩg hõllõngaa attiran haauto hĩ niiga, hĩcĩ othollu ꞌbaaninit cĩ rũgẽt ꞌcĩ ĩĩn ngeju, ĩdĩmanit ĩhõõggõ jurrung, hátĩ hiittiõõ ꞌgii ꞌcĩ occa alaam laiinit cunuung tõõ.

1 Pẽẽtũrũ 4:17

Iꞌthianaaĩ Nyekuci ẽttẽẽd thooꞌthiok cĩg eet cĩgĩnnĩg ẽlẽk. Má iꞌthianaanĩ hĩ ngagĩĩt, aaĩ occa hinnia hatĩ hĩ eet ꞌcĩg abũrĩ nyeemuut cĩnnĩ ꞌcĩ abũnnaa hutuno?