1 Pẽẽtũrũ 2:9 - ꞌBuuk cĩ Thõõth cĩ Nyekuci

⁹ Nẽ ĩĩgĩnnu niig eet ꞌcĩg eberriaau iittu paadĩrꞌnya cĩg habuuak, cĩg looc ꞌcĩ ẽllẽẽmĩthĩ nẽ tarĩ, iittu eet cĩg Nyekuci, hátĩ illimatteek eet dĩhĩthẽẽnĩt cĩ eet baa avvaannuung ngagiit muguuratõõ iita lanyitaa cĩnnĩ ĩcĩ ĩllõõanĩ.

1 Pẽẽtũrũ 2:9 ပူးပေါင်းရင်းမြစ်များ

Maatteeo 4:16

Tananga aattĩg eeta cugunnig muguratõõ, acĩn hatĩ nẽẽg lanyit ꞌcĩ õõppẽr. Tananga aattĩg nẽẽg muguraa cĩ daahĩthõõ, attũlla hatĩ lanyit ĩhõõggõ.”

Maatteeo 5:16

Nẽ ꞌgõõla hõdẽẽthõng, aꞌnyĩĩk thooꞌthiok ꞌcĩg abũnnaa ꞌcĩg adĩmani nii hatalanyit hudtuukta eeta vẽlẽk, hatĩ hĩdĩhĩthĩt eeta Maaꞌnyu cĩ hẽẽtkujjieen.”

ꞌLuuka 1:79

hikia hũttũhũla eet ꞌcĩg aattĩg muguratõõ, hĩ ꞌcĩg aattĩg ꞌriiyyia cĩ daahĩthõõ nẽ eteretheheet ngagĩĩt ꞌgõõl ꞌcĩ haattiyyi lõꞌngõõc.”

Yõaannẽ 17:19

Hẽlẽmanaa naa ẽlẽ caannĩ, hĩnĩngĩtĩ ĩhõõggõ, hátĩ hĩĩtõ nẽẽg ooo eet cĩg thõõth ꞌcĩ ĩĩn dĩdĩ.

Dtiicanĩ cĩg ꞌThooyyiahu 20:28

Uꞌthuutti eleeti cugguung nẽ ũtũhayyu lothippit cĩ lemmiook baag aaꞌnyuung Lorii ꞌcĩ Ẽllẽẽmĩth ngagiit ũtũhaac. Ĩĩtõ tũhayyiook cĩg lothippit cĩ lemmiook cĩg Nyekuci, baa ũũta nẽẽ biyyiẽẽtĩĩ cĩgĩnnĩg.

Dtiicanĩ cĩg ꞌThooyyiahu 26:18

hadiimmii naa nganiit bĩĩt ꞌbuuk ĩhõõggõ hẽbẽrĩ cĩggĩĩng, hátĩ hũtũngteek muguur, hõõt hĩ lanyit nẽ tarĩ, hũtũngteek ꞌtirrian cĩ ꞌThĩttaanõ, hõõt ꞌtirrianaa cĩ Nyekuci. Hátĩ hũtũngtoothĩk ꞌthẽccanẽẽta cĩggĩĩng nẽ lemiittaa cĩnĩĩng hĩ nganĩĩta, iita ĩĩtõ nẽẽg buúk dhoorit cĩg eet ꞌcĩg ẽllẽẽmĩth cĩg Nyekuci.’

Dtiicanĩ cĩg ꞌThooyyiahu 26:28

Ẽdẽcĩ Agirippa Paaulo anneek, “Occa ꞌyioko ammuhi nii ꞌthaawaa ꞌcĩ huturi ho, occa alũllũũmannaa nganĩĩt hikia hĩĩ Kristiaani nĩĩcĩ noho?”

ꞌRooma 9:24

Hĩĩgĩn naag eet ꞌcĩg heberriaa ho, eetinii cĩg ꞌJudeei hĩ ĩcĩg hõllõngaa ĩĩn ꞌJudeei,

1 Korinthia 3:17

Má ĩꞌthaan eet umwaa ꞌCieeth cĩ Nyekuci, ĩꞌthaan hatĩ Nyekuci ĩnõõnnõ buúk, hĩnĩngĩtĩ ẽllẽẽmĩth ꞌCieeth cĩ Nyekuci nẽ iiginnu niig ꞌCieeth tĩho.

Eevvetho 1:14

Aaꞌnyeet Lorii ꞌcĩ Ẽllẽẽmĩth ngagĩĩt buúk hagaac hĩĩtõ, hammũda hatĩ naag thooꞌthiok vẽlẽk ꞌcĩg itiangꞌtheek Nyekuci eet cĩgĩnnĩg. Nẽẽthĩ hatĩ heellia naaga, hátĩ hĩdĩhĩthĩ Nyekuci, hĩnĩngĩtĩ bulẽẽnĩt cĩnnĩ.

Eevvetho 1:6

Baa tarbal nẽẽ gẽrrẽẽt hĩ ngagĩĩt, ngaatĩ aaꞌnyeet Ngeerĩnĩ ꞌcĩ ammĩnan nẽẽ gẽrrẽẽt, nẽẽthĩ hoti ho, occa hadĩhĩth naag Nyekuc.

Eevvetho 3:21

Aꞌnyĩĩk lothippit cĩ lemmioohu hĩ Yeesu Krĩstõ haanytĩk Nyekuc bulẽẽnĩt irkiꞌnyia hĩ irkiꞌnyia! Aamẽn.

Pilippi 3:14

Havviri naa, hátĩ hẽdẽcaak iret nẽ hátĩ hũmmũda dũman ꞌcĩ avvaanna Nyekuci hũũk hẽẽtahujjieen, hĩnĩngĩtĩ ꞌgii ꞌcĩ adĩman Yeesu Krĩstõ.

Kolooꞌthe 1:13

Ikia ẽẽlaeet Nyekuci ngagĩĩt habuccieetaa cĩ ꞌThĩttaanõ nẽ aꞌnyahaaeet habuccieetaa cĩ Ngeerĩnĩ ꞌcĩ ammĩnan nẽẽnĩ,

2 Timotteeo 1:9

Baa ẽẽlaeet ngagĩĩt Nyekuci nẽ ẽbẽraaeet hĩĩtõ eet cĩgĩnnĩg ꞌcĩg haattĩg authetaa ꞌcĩ ẽllẽẽmĩthĩ. Adĩman Nyekuci hoti, hõllõngaa, hĩnĩngĩtĩ thõõth ꞌcĩ hadĩman naaga, adĩman nẽẽ noho, hĩnĩngĩtĩ bũnnai cĩnnĩ. Baa aaꞌnyeet Nyekuci ngagĩĩt bũnnai, ꞌthaarĩĩ cĩg Yeesu Krĩstõ, baa nga heteheꞌnyiaa lõõcĩ.

Tiito 2:14

Baa ẽlẽmana nẽẽ ẽlẽ cĩnnĩ hadaak hĩnĩngĩtĩ ngagĩĩta, hátĩ hõõgaeet ꞌthẽccanẽẽtĩ vẽlẽk nẽ aaꞌnyeet hĩĩtõ eet cĩgĩnnĩg ꞌcĩg ũtũũnyeet nẽẽ hĩĩtõ eet cĩgĩnnĩg, ꞌcĩg hadiim hadtican thooꞌthiok ꞌcĩg abũnnaa dĩdĩ.

1 Pẽẽtũrũ 1:2

Baa agauung Nyekuci Baangẽẽtĩ ngagiit nẽ ẽbẽraauung baa hũnũũk nẽ aaꞌnyuung Lorii cĩnnĩ ngagiit elleemit. Nẽ hĩnĩngĩtĩ thõõth icci, ĩthĩktu niig ĩnõõnnõ nẽ utuunyuung nẽẽ ngagiit biyyiẽẽtĩĩ cĩg Yeesu Krĩstõ. Aꞌnyĩĩk Nyekuc haaꞌnyuung bũnnai hĩ ganõn ꞌcĩ maka gẽrrẽẽt.

1 Pẽẽtũrũ 2:5

Iiginnu niig buúk biyyiẽẽn ꞌcĩg arũgĩ, ꞌcĩg ẽhẽnytĩ Nyekuci ꞌcieeth cĩ loriio. Nẽ tarĩ, iittu niig buúk lothippit cĩ paadĩrꞌnya ꞌcĩg ẽllẽẽmĩthĩ. Eelluung hatĩ Yeesu Krĩstõ ngagiit aanytĩk Nyekuc ꞌgaarriẽẽn ꞌcĩg accamana Nyekuci.

1 Pẽẽtũrũ 4:11

Má aꞌnyahi ꞌbaaninit ꞌcĩ õthõõthĩ, duhaak eet thõõth cĩ Nyekuci. Má aꞌnyahi ꞌbaaninit ꞌcĩ ẽẽlĩ eeta, dticcian ꞌthẽk noho ꞌtirriaanaa ĩbaa aaꞌnyi Nyekuci. Adiim occa adticanni hẽlẽggĩ vẽlẽk ꞌgõõlaa ꞌcĩ occa aꞌnyahaakĩ Nyekuc bulẽẽnĩt, hĩnĩngĩtĩ Yeesu Krĩstõ ꞌcĩ abuli nẽ ittiran irkiꞌnyia hĩ irkiꞌnyia. Aamẽn.

Terethiinit 1:6

Aaꞌnyeet nẽẽ hĩĩtõ habuẽẽt hĩ paadĩrꞌnya hĩ eet ꞌcĩg hadticanoothĩk Nyekuc Maaꞌnyĩ. Aꞌnyĩĩk hubuli nẽẽ haꞌnyak ꞌtirrian ꞌcĩ aalla ooo! Aamẽn.

Terethiinit 20:6

Aggatan Nyekuci eet ꞌcĩg ẽllẽẽmĩth ꞌcĩg arũgtha nẽẽ daahĩthaa ꞌcĩ oou. Aitiõõ daahĩthĩ ꞌcĩ uruto hõllõngaa aꞌnyak ꞌtirrian hĩ ĩhõõggõ. Nẽẽthĩ, au hatĩ ĩĩn nẽẽg paadĩrꞌnya cĩg Nyekuci hĩ cĩg Krĩstõ, aggam hatĩ nẽẽg looc hõdẽĩ hĩ ĩnõõnnõ irkiꞌnyia aalib hõdẽĩ.

Terethiinit 5:10

Aaꞌnyĩhuu nii ĩhõõggõ hiita hĩĩtõ habuẽẽt hĩ paadĩrꞌnya ꞌcĩg adticanoothĩk Nyekuc. Aggam hatĩ nẽẽg looc nicci.”