1 Pẽẽtũrũ 2:7 - ꞌBuuk cĩ Thõõth cĩ Nyekuci

⁷ Nẽ niig eeta ꞌcĩg elemmu ĩnõõnnõ ho, aaddi bẽẽ ciee gẽrrẽẽt. Nẽẽthĩ, hĩ eet ꞌcĩg hõllõngaa ẽlẽmĩ, “Ikia ĩĩ bẽẽ ꞌcĩ tiiri gẽrrẽẽt,”

1 Pẽẽtũrũ 2:7 ပူးပေါင်းရင်းမြစ်များ

Maatteeo 21:42

Nĩngĩtĩ annẽẽkĩ Yeesu ĩhõõggõ, “Agayyu niig baa aduha ꞌBuuhi cĩ Nyekuci aĩ, “ ‘Ikia ĩĩ tiir bẽẽ baa abũrĩ teheꞌnyiooha gẽrrẽẽt hĩllõõan ꞌgõõnõgĩ vẽlẽk. ꞌGii ꞌcĩ baa adtican Makayyioohiti cieeni, nẽ ubulaneet ngagĩĩt gẽrrẽẽt ũdũt.’

ꞌLuuka 2:32

Ĩĩn nẽẽ lanyit ꞌcĩ eterꞌtheek loonyin vẽlẽk thõõth cunni, nẽ aꞌnyahaak hatĩ eet cugunnig Ĩꞌthĩraẽl bulẽẽnĩt.”

ꞌLuuka 2:34

Nĩngĩtĩ aggatanĩ ꞌThimiõõnẽ ĩhõõggõ nẽ ĩĩnnĩk ꞌcĩ ĩĩn Maria aattĩ loholeeco, “Aꞌnyahaak hatĩ loholeec ciee eet ũgĩ bathi nẽ aꞌnyahaak ũgĩ bũnnai Ĩꞌthĩraẽla. Ĩꞌthõõa hatĩ Nyekuci ĩnõõnnõ hĩĩ terethiinit, nẽẽthĩ, mẽẽlĩg hatĩ eeta ꞌcĩg abũrĩ ĩnõõnnõ gẽrrẽẽt,

ꞌLuuka 20:17

Nĩngĩtĩ akannĩ Yeesu eet hẽbẽrĩ ĩꞌthõng nẽ ijin ĩĩnnĩk, “Aduha ꞌBuuhi cĩ Nyekuci ne baa eheeddi aĩ, “ ‘Ĩĩ bẽẽ baa abũrĩ teheꞌnyiooha bẽẽ ꞌcĩ tiiri gẽrrẽẽt’?

Yõaannẽ 4:42

Ma baa ho, iita uduktaak nẽẽg ngaa nicci ĩĩttĩk, “Hẽlẽmta naag Yeesu, hĩnĩngĩtĩ thõõth ꞌcĩ aduha nẽẽ dẽẽdẽ, hõllõngaa hẽlẽmma, hĩnĩngĩtĩ thõõth baa aduhaakeet nii diooni. Hẽlẽmta, hĩnĩngĩtĩ ĩko ĩĩn nẽẽ Ellioohit cĩ lootu dĩdĩ!”

Dtiicanĩ cĩg ꞌThooyyiahu 26:19

“Nẽ ꞌyioko habu Agirippa, baa hõllõngaa haburi naa thõõth cĩ molook ꞌcĩ aku hẽẽtahujjieen ko.

ꞌRooma 10:21

Nẽẽthĩ, õthõõth Nyekuci eet cĩg Ĩꞌthĩraẽlĩ aĩ, “Waathĩn hũtũrũũr, hodongi naa athĩn cĩgannĩg hẽẽtahujjieen, hĩnĩngĩtĩ eet ꞌcĩg hõllõngaa athĩknĩ nẽ ũtũbũrĩt Nyekuc.”

ꞌRooma 15:31

Alayyio, hátĩ heellia naa athĩnĩĩ cĩg eet ꞌcĩg hõllõngaa ĩĩn lemmiook, looccaa cĩ ꞌJudeea, hátĩ horoong hẽlẽmĩ dtiici caannĩ nĩĩca lemmioohĩĩ cĩg ꞌJeruꞌthalẽmĩ,

2 Korinthia 2:16

Nẽ eeta ꞌcĩg iꞌngittõõthĩ, õꞌngõlĩ nyeemuut ꞌcĩ abũnnaa hĩ ĩhõõggõ, muyuuk ꞌcĩ õꞌngõlĩ daahĩth, nẽ hĩ eet cĩg eelliaa, õꞌngõlĩ nyeemuut hĩ ĩhõõggõ, muyuuk cĩ rũgẽtõ nẽ nganĩ ꞌthẽk ꞌcĩ occa ũũlũ ngaatĩ adticanĩ dtiic icci aaddi ho?

Kolooꞌthe 2:10

Nẽ baa iita itiliꞌthu niig jurrung lemiittaa cunuung, hĩnĩngĩtĩ iittu eet cĩg Krĩstõ ꞌcĩ ĩĩn Makayyioohit ꞌcĩ aggam ꞌtirrian hĩ makaaꞌthĩt vẽlẽk.

Tiito 3:3

Baa gõõng haggiithi naag hõjõthẽẽkĩ thõõth cĩ Nyekuci, hĩnĩngĩtĩ hõllõngaa haga nẽ hĩĩtõ appahacaaꞌnya ꞌcĩg habũraneek thooꞌthiok ꞌcĩg abathĩ ꞌcĩg iggoolleet ngagĩĩta. Baa gõõng hĩĩgĩn eet ꞌcĩg habathĩ nẽ halĩĩlĩ hẽlẽggĩ cĩg eetuk, aaburreekeet eeta nẽ haaburreek naag buúk eet vẽlẽk.

Ebereei 11:31

Baa ĩĩn Rahabĩ ꞌwaaꞌngiahit umwa, nẽẽthĩ, baa aꞌnyak nẽẽ lemiinit nẽ ikia utuguny hoppoccwa baag au Ĩꞌthĩraẽla. Ma ho, iittiõõ hõllõngaa aruhi nẽẽ hĩ eet baag abũrĩ Nyekuci.

Ebereei 4:11

Nẽẽthĩ ꞌyioko, hidticatõ gẽrrẽẽt, hátĩ huduhunit nĩngĩtĩ ꞌyiomman tĩho, hiittiõõ ẽẽtĩ ꞌcĩ abacĩ tõõ. Nẽẽthĩ, má habũrĩ Nyekuc hĩ baa abũrĩ eeta cĩg Ĩꞌthĩraẽlĩ, hadhukiaa hatĩnĩ.

1 Pẽẽtũrũ 1:8

Ammĩnannu niig Yeesu tananga nga ĩcĩnĩt ĩnõõnnõ. Tananga hõllõngaa acinnu ĩnõõnnõ ꞌyioko, elemmu niig ĩnõõnnõ nẽ accamattoothihu taliittaa ꞌcĩ aꞌnyak bulẽẽnĩt ꞌcĩ hõllõngaa athithanni.

1 Pẽẽtũrũ 2:4

Iita hĩ Yeesu Krĩstõ. Ĩĩn nẽẽ Makayyioohit ꞌcĩ aaĩ hĩ bẽẽ ꞌcĩ arũgĩ, ꞌcĩ baa abũrĩ eeta baag ẽbẽra Nyekuci nẽ aaddi hĩ ĩnõõnnõ gẽrrẽẽt.

1 Pẽẽtũrũ 2:8

nẽ, “Bẽẽ ꞌcĩ adaaca eet hĩ bẽẽ ꞌcĩ aaꞌnyĩk ĩhõõggõ hetteedito looc.” Baa adaaca ĩhõõggõ bẽẽ, hĩnĩngĩtĩ baa hõllõngaa ẽlẽmĩ nẽẽg nyeemuut nẽ tabiinit ꞌcĩ baa adiimik Nyekuci ĩhõõggõ niccia.