1 Pẽẽtũrũ 2:6 - ꞌBuuk cĩ Thõõth cĩ Nyekuci

⁶ Hĩcĩ eheeddi ꞌBuuhaa cĩ Nyekuci aĩ, “Ĩcĩnĩt nõõ, haarihi naa bẽẽ ꞌThiona, bẽẽ ꞌcĩ tiiri ꞌcĩ eberriaa ꞌcĩ aarĩhoothĩk õkĩca, nẽ ẽẽtĩ ꞌcĩ ẽlẽmĩ ĩnõõnnõ, hõllõngaa hatĩ aggam ngaaoni ũdũt.”

1 Pẽẽtũrũ 2:6 ပူးပေါင်းရင်းမြစ်များ

ꞌThianaattõ 49:24

Nẽẽthĩ, aalla attiran iriggia cĩnnẽẽnĩ, nẽ ittiranit ĩbaati cĩgĩnnẽẽgĩ, hĩnĩngĩtĩ aꞌthiit cĩ ꞌTirriannioohit ꞌcĩ ĩllõõan vẽlẽk cĩ Yakobo, hĩnĩngĩtĩ Tũhayyioohit Lõbarab cĩ Ĩꞌthĩraẽlĩ.

Maatteeo 12:18

“Dticciannioohit caannĩ cieeni baa hẽbẽra naana, hamĩna naa ĩnõõnnõ, nẽ haccamanoothihi naa, hĩnĩngĩtĩ ĩnõõnnõ, haarihi hatĩ naa Lori caannĩ hĩ ĩnõõnnõ. Nẽ hatĩ aꞌnyahaak nẽẽ eet bũnnai loonyini vẽlẽk.

Maarko 12:10

Ma ho, ĩĩnnĩk Yeesu ĩhõõggõ, nga nooyyia itigiilit niig thõõth baa eheeddi ꞌBuuhaa cĩ Nyekuci aĩ, “ ‘Bẽẽ baa abũrĩ teheꞌnyiooha, ikia ĩĩ bẽẽ ꞌcĩ ĩllõõan gẽrrẽẽt ꞌgoonoginni vẽlẽk?

ꞌLuuka 20:17

Nĩngĩtĩ akannĩ Yeesu eet hẽbẽrĩ ĩꞌthõng nẽ ijin ĩĩnnĩk, “Aduha ꞌBuuhi cĩ Nyekuci ne baa eheeddi aĩ, “ ‘Ĩĩ bẽẽ baa abũrĩ teheꞌnyiooha bẽẽ ꞌcĩ tiiri gẽrrẽẽt’?

ꞌLuuka 23:35

Baa arannĩ makayyiooha cĩg eetuk Yeesu hẽbẽrẽẽnnĩĩ cĩg lothippit ꞌcĩ baa abĩlĩ nĩngaata aĩ, “Ma gõõng ẽẽla nẽẽ eet hõdõõkõthĩ, aꞌnyĩĩk thĩ da aattĩ hẽẽla ẽlẽ cĩnnĩ kõr nicci, hatĩ ĩĩn Krĩstõ ꞌcĩ ẽbẽra Nyekuci.”

Yõaannẽ 7:38

Ẽẽtĩ ꞌcĩ ẽlẽmma nganĩĩta, aꞌnyĩĩk hikia hũhũdĩ! Hĩnĩngĩtĩ aduha ꞌBuuhi cĩ Nyekuci aĩ, ‘Ariha hatĩ maama cĩg rũgẽtaak ꞌthĩnĩtaa cĩnnĩ.’ ”

Dtiicanĩ cĩg ꞌThooyyiahu 1:16

nẽ õthõõth ĩĩ, “ꞌGotoonoga hĩ ngoonoga, ikia thõõth baa eheeddi ꞌBuuhaa cĩ Nyekuci edeeꞌnyia ꞌgõõlẽẽ baa aduha Lorii ꞌcĩ Ẽllẽẽmĩth baarkit ũtũũgaa cĩ Daavide, thõõth baa ẽtẽrꞌthẽẽkĩ ꞌJuuda Ithkarioote eet haggamit Yeesu.

ꞌRooma 10:11

Hĩcĩ aduha ꞌBuuhi cĩ Nyekuci aĩ, “Ẽẽtĩ ꞌcĩ ẽlẽmĩ ĩnõõnnõ, hõllõngaa hatĩ aggam ngaaoni ũdũt.”

Eevvetho 1:4

Baa nga hẽtẽhẽnya Nyekuci looc, baa ammĩnanneet nẽẽ ngagĩĩt nẽ aaꞌnyĩk Krĩstõ hẽbẽraeet ngagĩĩt hĩĩtõ eet cĩgĩnnĩg ꞌcĩg hẽllẽẽmĩth ꞌcĩg hammĩrĩ muumaa cĩ Nyekuci. Hĩnĩngĩtĩ baa ammĩnanneet Nyekuci ngagĩĩta,

Eevvetho 2:20

hõdẽĩ, hĩthakthoothĩk naag ꞌcieeth cĩnnĩ ꞌcĩ ẽhẽnytĩ nẽ aauto ꞌthooyyiaha hĩ põrõvẽtaaꞌnya hĩ õkõlakꞌnya nẽ aau Yeesu Krĩstõ hĩ miirihi.

2 Timotteeo 3:16

Aku thõõth vẽlẽk ꞌcĩ eheeddi ꞌBuuhaa cĩ Nyekuci, hĩ Nyekuc ꞌcĩ abũnnaa ꞌcĩ eelleet hillimanit eet thõõth ꞌcĩ ĩĩn dĩdĩ nẽ eelleet heterethit eet ꞌgõõl ꞌcĩ abathĩ, hĩ ngaatĩ hallimanẽẽkĩ eet ꞌgõõl ꞌcĩ aattiyyi ꞌlimmaanaa ꞌcĩ abũnnaa.

1 Pẽẽtũrũ 2:4

Iita hĩ Yeesu Krĩstõ. Ĩĩn nẽẽ Makayyioohit ꞌcĩ aaĩ hĩ bẽẽ ꞌcĩ arũgĩ, ꞌcĩ baa abũrĩ eeta baag ẽbẽra Nyekuci nẽ aaddi hĩ ĩnõõnnõ gẽrrẽẽt.

1 Pẽẽtũrũ 2:8

nẽ, “Bẽẽ ꞌcĩ adaaca eet hĩ bẽẽ ꞌcĩ aaꞌnyĩk ĩhõõggõ hetteedito looc.” Baa adaaca ĩhõõggõ bẽẽ, hĩnĩngĩtĩ baa hõllõngaa ẽlẽmĩ nẽẽg nyeemuut nẽ tabiinit ꞌcĩ baa adiimik Nyekuci ĩhõõggõ niccia.

2 Pẽẽtũrũ 1:20

Nẽẽthĩ, adiim occa agayyu niig jurrung ainnu, aitiõõ ẽẽtĩ umwaa ꞌcĩ occa aga thõõth ꞌcĩ aduha põrõvẽtaaꞌnya ꞌBuuhaa cĩ Nyekuci ẽmmẽn tõõ.

2 Pẽẽtũrũ 3:16

Õthõõth Paaulo thooꞌthiok iccig vẽlẽk waragẽẽtĩĩ cĩgĩnnĩg nẽ õkõmĩ thooꞌthioha ũgẽẽgĩ ꞌcĩg aduha nẽẽnĩ. Aruk eeta ũgẽẽgĩ ꞌcĩg aggiithi eleeti cĩggĩĩng, ngaatĩ õꞌngõõtanĩ thõõth ꞌcĩ aduha Paaulo. Adĩman nẽẽg hoti hĩ thooꞌthiok cĩg ꞌBuuk cĩ Nyekuci ũgĩ buúk.