1 Pẽẽtũrũ 2:5 - ꞌBuuk cĩ Thõõth cĩ Nyekuci

⁵ Iiginnu niig buúk biyyiẽẽn ꞌcĩg arũgĩ, ꞌcĩg ẽhẽnytĩ Nyekuci ꞌcieeth cĩ loriio. Nẽ tarĩ, iittu niig buúk lothippit cĩ paadĩrꞌnya ꞌcĩg ẽllẽẽmĩthĩ. Eelluung hatĩ Yeesu Krĩstõ ngagiit aanytĩk Nyekuc ꞌgaarriẽẽn ꞌcĩg accamana Nyekuci.

1 Pẽẽtũrũ 2:5 ပူးပေါင်းရင်းမြစ်များ

Luugithõõ 19:6

iiginnu hatĩ niig habuccieet caannĩ cĩ paadĩrꞌnyaannu, eet cĩgannĩg ꞌcĩg ẽllẽẽmĩthĩ.’ Nyeemuut ꞌcĩ adiim aduhaahi nii eet cĩg Ĩꞌthĩraẽlĩ ho cieeni.”

ꞌRooma 12:1

Nẽẽthĩ niig ꞌgotoonoga hĩ ngoonoga, halayyuung naa ngagiit tamaatittaa cĩ Nyekuci, aanytĩk eleeti cugguung haauto hĩ ꞌgaarriẽẽna ꞌcĩg arũgĩ, hĩĩ tẽllĩg haccamana Nyekuci, ĩĩn ciee ꞌgõõl ꞌcĩ occa alaiinnu niiga.

ꞌRooma 15:16

hátĩ hĩĩ dticciannioohit cĩ Yeesu Krĩstõ ꞌcĩ hadticanoothihi eet ꞌcĩg hõllõngaa ĩĩn ꞌJudeei, ꞌcĩ haꞌnyahi dtiic ꞌcĩ hallimanĩĩ nyeemuut ꞌcĩ abũnnaa cĩ Nyekuci, hátĩ hĩĩtõ eeta ꞌcĩg hõllõngaa ĩĩn ꞌJudeei ꞌbaaninit ꞌcĩ ẽlẽmĩ Nyekuci, ꞌcĩ ũtũũny Lorii ꞌcĩ Ẽllẽẽmĩthĩ.

1 Korinthia 3:16

Hõllõngaa agayyu niig aĩ, ĩĩn eleeti cugguung ꞌCieeth cĩ Nyekuci nẽ aaĩ Lorii cĩ Nyekuci hĩ ngagiita?

1 Korinthia 3:9

Hĩnĩngĩtĩ hĩĩgĩnna naag dticcianniook cĩg Nyekuci, iiginnu niig mana hĩ ꞌCieeth cĩ Nyekuci.

1 Korinthia 6:19

Hõllõngaa agayyu niig ngaatĩ ĩĩnnĩ eleeti cugguung ꞌCieeth cĩ Lori ꞌcĩ Ẽllẽẽmĩth ꞌcĩ aaĩ hĩ ngagiit baa aaꞌnyuung Nyekuci? Hõllõngaa ĩĩn eleeti cugguung diooni;

2 Korinthia 6:16

Ganõn iina ꞌcĩ aꞌnyak ꞌCieeth cĩ Nyekuci hĩ hẽlẽggĩ ꞌcĩg aar eeta hĩĩtõ nyekuꞌnya ho? Hĩnĩngĩtĩ hĩĩgĩn naag ꞌCieeth cĩ Nyekuc ꞌcĩ arũgĩ. Hĩcĩ aduha ꞌBuuhi cĩ Nyekuci aĩ, “Haaĩ hatĩ naa hĩ ĩhõõggõ nẽ hookorria hĩ ĩhõõggõ. Hĩĩnĩ hatĩ naa Nyekuc cĩnĩĩng nẽ ĩĩtõ nẽẽg eet cĩgannĩg.”

ꞌGalaaꞌthia 6:10

Nẽẽthĩ, hĩdĩmanit eet vẽlẽk jurrung, hatĩ hummuddia ꞌrõtĩ ꞌcĩ hadĩmanĩ ĩhõõggõ jurrung, ettebehini hatĩ ĩĩn nẽẽg eet ꞌcĩg ẽlẽmĩ Makayyioohit Yeesu.

Pilippi 1:11

Aaꞌnyuung hatĩ Yeesu Krĩstõ aallattia idticanit dtiicanĩ ꞌcĩg abũnnaa, ꞌcĩg aꞌnyahaak Nyekuc bulẽẽnĩt hĩ dĩhĩthẽẽnĩt.

Pilippi 2:17

Aaĩ lemiiniti cunuung hĩ dtiic cunuung hĩ ꞌgaarrieeniti ꞌcĩ aaꞌnyĩhoothĩk Nyekuc. Tananga hudduuttoothĩk biyyieeta cĩgannĩg buúk hĩ ꞌgaarrieenit hõdẽĩ, hatali hatĩ gẽrrẽẽt hĩ ngagiita.

Pilippi 4:18

Nẽ ꞌyioko, haꞌnyaha naa ꞌgii vẽlẽk ꞌcĩ hadiimi hĩllõõan. Aanytaangu niig nganĩĩt ꞌbaaninit ꞌcĩ maka baa ĩꞌthõõakaangu haꞌnyahaaha Epavorodito. Aaĩ ꞌbaaniniti ciee hĩ ꞌgaarrieeniti ꞌcĩ õꞌngõlĩ ẽmmẽdĩ ꞌcĩ accamana Nyekuci.

Kolooꞌthe 3:17

Nẽ ꞌgii vẽlẽk ꞌcĩ adĩmannu, hode thõõth ꞌcĩ othooꞌthu, ĩdĩmanit, hĩnĩngĩtĩ Makayyioohit Yeesu, ngaatĩ atallu Nyekuc Baangeet ꞌthaarĩĩ cĩg Krĩstõ.

1 Timotteeo 3:15

Má hõllõngaa hakuu hĩdĩĩkoothong, etereꞌthii hatĩ waraga ciee ꞌgõõl ꞌcĩ occa haattiyyi naag lothippiti cĩ lemmiook cĩg halang cĩ Nyekuci jurrung, hĩnĩngĩtĩ hĩĩgĩn naag halang cĩ Nyekuci ꞌcĩ arũgĩ, ꞌcĩ ĩĩn hitiir ꞌcĩ õkõmĩ ꞌcĩ hammũdaanĩ thõõth ꞌcĩ ĩĩn dĩdĩ.

Ebereei 3:6

Nẽẽthĩ, ĩĩn Krĩstõ Ngeertĩ Nyekuci ꞌcĩ aggam eet cĩg Nyekuci. Nẽ hĩĩgĩn naag eet tĩko, hatĩ haalla haꞌthĩlan nẽ huꞌthuutti muhẽẽnĩt ꞌcĩ abũnnaa.

1 Pẽẽtũrũ 2:9

Nẽ ĩĩgĩnnu niig eet ꞌcĩg eberriaau iittu paadĩrꞌnya cĩg habuuak, cĩg looc ꞌcĩ ẽllẽẽmĩthĩ nẽ tarĩ, iittu eet cĩg Nyekuci, hátĩ illimatteek eet dĩhĩthẽẽnĩt cĩ eet baa avvaannuung ngagiit muguuratõõ iita lanyitaa cĩnnĩ ĩcĩ ĩllõõanĩ.

1 Pẽẽtũrũ 4:11

Má aꞌnyahi ꞌbaaninit ꞌcĩ õthõõthĩ, duhaak eet thõõth cĩ Nyekuci. Má aꞌnyahi ꞌbaaninit ꞌcĩ ẽẽlĩ eeta, dticcian ꞌthẽk noho ꞌtirriaanaa ĩbaa aaꞌnyi Nyekuci. Adiim occa adticanni hẽlẽggĩ vẽlẽk ꞌgõõlaa ꞌcĩ occa aꞌnyahaakĩ Nyekuc bulẽẽnĩt, hĩnĩngĩtĩ Yeesu Krĩstõ ꞌcĩ abuli nẽ ittiran irkiꞌnyia hĩ irkiꞌnyia. Aamẽn.

1 Pẽẽtũrũ 4:17

Iꞌthianaaĩ Nyekuci ẽttẽẽd thooꞌthiok cĩg eet cĩgĩnnĩg ẽlẽk. Má iꞌthianaanĩ hĩ ngagĩĩt, aaĩ occa hinnia hatĩ hĩ eet ꞌcĩg abũrĩ nyeemuut cĩnnĩ ꞌcĩ abũnnaa hutuno?

Terethiinit 1:6

Aaꞌnyeet nẽẽ hĩĩtõ habuẽẽt hĩ paadĩrꞌnya hĩ eet ꞌcĩg hadticanoothĩk Nyekuc Maaꞌnyĩ. Aꞌnyĩĩk hubuli nẽẽ haꞌnyak ꞌtirrian ꞌcĩ aalla ooo! Aamẽn.

Terethiinit 20:6

Aggatan Nyekuci eet ꞌcĩg ẽllẽẽmĩth ꞌcĩg arũgtha nẽẽ daahĩthaa ꞌcĩ oou. Aitiõõ daahĩthĩ ꞌcĩ uruto hõllõngaa aꞌnyak ꞌtirrian hĩ ĩhõõggõ. Nẽẽthĩ, au hatĩ ĩĩn nẽẽg paadĩrꞌnya cĩg Nyekuci hĩ cĩg Krĩstõ, aggam hatĩ nẽẽg looc hõdẽĩ hĩ ĩnõõnnõ irkiꞌnyia aalib hõdẽĩ.

Terethiinit 3:12

Nẽ ẽẽtĩ ꞌcĩ ũtũbũr thõõth cĩ ꞌThĩttaanõ ũdũt, haaꞌnyihi hatĩ naa ĩnõõnnõ hĩĩ miirik cĩ ꞌCieeth cĩ Nyekuc caannĩ nẽ iittiõõ hõllõngaa aduhun battaala tarĩ ũdũt. Heheedihi hatĩ naa ꞌthaar cĩg Nyekuc caannĩ eleetinii cĩggĩĩng, ĩĩn hatĩ nẽẽg eet cĩg ꞌtaaũn cobbi cĩ Nyekuc caannĩ, ĩnõõ ꞌJeruꞌthalẽmĩ ꞌcĩ ĩĩn ngeju ꞌcĩ hatĩ ĩꞌthõõa Nyekuci caannĩ hẽẽtahujjieen hikia loota nẽ hatĩ heteheedĩha naa ꞌthaar cĩgannĩg buúk eleetinii cĩggĩĩng.

Terethiinit 5:10

Aaꞌnyĩhuu nii ĩhõõggõ hiita hĩĩtõ habuẽẽt hĩ paadĩrꞌnya ꞌcĩg adticanoothĩk Nyekuc. Aggam hatĩ nẽẽg looc nicci.”