1 Pẽẽtũrũ 2:24 - ꞌBuuk cĩ Thõõth cĩ Nyekuci

²⁴ Baa ẽhẽẽl Krĩstõ ꞌthẽccanẽẽt cĩggaac. Baa ododdothoothĩk nẽẽ hurucceea, hátĩ hiittiõõ hõllõngaa hẽꞌthẽcan naag tarĩ nẽ hátĩ hĩthĩhĩt thõõth ꞌcĩ aũlanĩ. Aaꞌnyuung nẽẽ ngagiit ũbũttaath ngatũbẽẽnnĩĩ cĩgĩnnĩg.

1 Pẽẽtũrũ 2:24 ပူးပေါင်းရင်းမြစ်များ

ꞌThianaattõ 22:6

Ma nĩngaata, aaꞌnyĩk Abũrahamĩ Iꞌthaako hirriongan ꞌrĩĩma cĩg ꞌgaarrieettak ko nẽ aꞌnyak nẽẽ habath hĩ ꞌgwoo, nĩngĩtĩ õõkõrĩ nẽẽ hĩ loholeec diooni.

Maatteeo 27:26

Nĩngĩtĩ õõgakĩ Pĩlaatõ ĩhõõggõ Barabbath nẽ uduhaak athegereeꞌnya cĩgĩnnĩg huukito Yeesu nẽ otoddoyyieek hurucceea.

Maatteeo 5:20

Haduhaakuung dĩdĩ, má ꞌthẽk hõllõngaa anuyyu tilooinit cĩ Nyekuci jurrung ĩllõõanit Variꞌtheei hĩ ꞌlimmanniook cĩg Nyattaalak, hõllõngaa hatĩ aduhunnu habuccieet cĩ hẽẽtkujjieen ũdũt!”

Maatteeo 8:17

Baa adticanni thõõth ciee hẽdẽcaak thõõth baa aduha põrõvẽtaacĩ Iꞌthaia aĩ, “Iiggia nẽẽ mooriꞌthiook cĩggaang vẽlẽk nẽ aaꞌnyeet ngagĩĩt hũbũttayyia.”

Maarko 15:15

Hĩnĩngĩtĩ baa adiim Pĩlaatõ eet haccamattoothĩk, nĩngĩtĩ õõgakĩ nẽẽ ĩhõõggõ Barabbath. Nẽ uduhaak eet cĩgĩnnĩg huukito Yeesu nẽ aaꞌnyĩk hõõt hotoddoyyieek ĩnõõnnõ hurucceea.

ꞌLuuka 4:18

“Aaꞌnyĩhoothĩhaa nganĩĩt Lorii cĩ Makayyiookto, hĩnĩngĩtĩ ẽbẽraawa nẽẽ nganĩĩt hillimaneek eet ꞌcĩg ĩĩn hullaha, nyeemuut cĩnnĩ ꞌcĩ abũnnaa. Ĩꞌthõõannaa nẽẽ hikia huduhaak baabuuthnya nyeemuut ꞌcĩ ooggianĩ nẽẽgĩ, hĩ nyeemuut cĩ acĩnẽẽnĩ rubenniaaha, nẽ hikia hẽẽla eet ꞌcĩg arratan ꞌgoonoggia,

Yõaannẽ 1:29

Ma loohoth cĩnnĩ, udtuuha Yõaannẽ Yeesu ngaatĩ akuuni hĩ ĩnõõnnõ, nĩngĩtĩ õthõõthĩ Yõaannẽ aĩnnĩ, “Ĩcĩnĩt Mĩꞌnyõõn cĩ Nyekuci ꞌcĩ attik ꞌthẽccanẽẽt cĩg eetuk!

Yõaannẽ 19:1

Ma nĩngaata, aaꞌnyĩk Pĩlaatõ Yeesu huuki nyanĩnna.

Dtiicanĩ cĩg ꞌThooyyiahu 10:35

nẽẽthĩ, ẽlẽmĩ eet loonyini vẽlẽk ꞌcĩg iꞌngolli ĩnõõnnõ nẽ ĩdĩmanit thõõth ꞌcĩ aũlanĩ.

Dtiicanĩ cĩg ꞌThooyyiahu 10:39

“Hĩĩgĩn naag hẽbẽrĩ cĩg thooꞌthiok vẽlẽk ꞌcĩg adĩman Yeesu looccaa cĩ ꞌJudeei hĩ ꞌJeruꞌthalẽma. Baa aruk eeta cĩg ꞌJudeei Yeesu nẽ otoddoyyieek hurucceea,

Dtiicanĩ cĩg ꞌThooyyiahu 13:29

Ma baa ĩdĩmanit nẽẽg thooꞌthiok vẽlẽk ꞌcĩg õthõõthĩ ꞌBuuhi cĩ Nyekuci Yeesu, iita aarria nẽẽg ĩnõõnnõ hurucceea loota nẽ õõt ũmmũtĩta.

Dtiicanĩ cĩg ꞌThooyyiahu 5:30

Baa aruku niig Yeesu ngaatĩ odooddiku hurucceea. Nẽẽthĩ, baa ũrũgũtha Nyekuci baa ala hĩbaangĩ cĩggaac baarkit ĩnõõnnõ daahĩtha.

ꞌRooma 6:11

ꞌGõõla hõdẽẽthõng, ma nga haaꞌnyiku eleeti cugguung haggamuung ꞌthẽccanĩ. Nẽẽthĩ hinnia, aaꞌnyuung Yeesu Krĩstõ ngagiit rũgẽt nẽ aauttu ꞌgõõlaa ꞌcĩ accamana Nyekuci.

ꞌRooma 6:13

Ma haaꞌnyiku ꞌgoolliok ũgĩ cĩg eleeti cugguung ꞌthẽccan, aanytĩk eleeti cugguung Nyekuc, hĩ eeta ꞌcĩg ũrũgta daahĩtha nẽ aanytĩhu eleeti cugguung hĩ ĩnõõnnõ, hátĩ ĩdĩmanit thooꞌthiok ꞌcĩg abũnnaa.

ꞌRooma 6:16

Hõllõngaa agayyu niig ngaatĩ iiginnu appahacaaꞌnya cĩg hẽlẽggĩ ꞌcĩg athiknu niiga? Occa iiginnu niig appahacaaꞌnya cĩg ꞌthẽccaanak nẽ adaaktu, hode occa iiginnu appahacaaꞌnya ꞌcĩg athiknu Nyekuc, ꞌcĩ hatĩ aaꞌnyuung ngagiit ũbũttaath rũgẽtaa cunuung.

ꞌRooma 6:2

Aitiõõ ũdũt! Hĩnĩngĩtĩ ꞌthẽccan, haauto naag hĩ eeta ꞌcĩg hadaahito ẽlẽk nẽ occa nga haalla harũgĩ naag ꞌthẽccaana hutuno?

ꞌRooma 6:22

Nẽẽthĩ ꞌyioko, hĩcĩ õõgtau niig ꞌthẽccaana nẽ iittu appahacaaꞌnya cĩg Nyekuci ho, ikia ꞌbaaniniti baa ammũdaannu niig ko, uukuung ngagiit thõõthaa ꞌcĩ ẽllẽẽmĩth hĩ rũgẽtaa ꞌcĩ aalla ooo.

ꞌRooma 6:7

Hĩnĩngĩtĩ ma hadaahĩ naag hõdẽĩ hĩ Krĩstõ, hiita hõõgta naag ꞌtirriaanaa cĩ ꞌthẽccaanõ.

ꞌRooma 7:6

Nẽẽthĩ ꞌyioko, iittiõõ nyattalĩ hõllõngaa aggammeet ngagĩĩt tarĩ, hĩnĩngĩtĩ baa hadaahito naag, hĩnĩngĩtĩ nyattal nẽ iitiõõ hõllõngaa hĩĩgĩn naag appahacaaꞌnya cĩgĩnnĩg. Nẽẽthĩ ꞌyioko, occa hidticattoothĩk naag Nyekuc, hõllõngaa ꞌgõõlaa ꞌcĩ haꞌthũũnnĩ nyamacaar cĩ nyattal baa ꞌrẽẽnĩ, nẽẽthĩ, hadticanoothĩk, hĩnĩngĩtĩ haauto naag ꞌgõõlaa ꞌcĩ ĩĩn ngeju ĩcĩ Loriio.

1 Korinthia 15:3

Hĩnĩngĩtĩ baa huduhaahuung naa ngagiit nyeemuut ꞌcĩ abũnnaa ꞌcĩ tiiri, hĩ baa ꞌthẽk adukiaaka nganĩĩt baa aĩ, adaahĩ Krĩstõ, hĩnĩngĩtĩ ꞌthẽccanẽẽt cĩggaac, hĩ baa aduha ꞌBuuhi cĩ Nyekuci.

2 Korinthia 6:17

Nẽẽthĩ hoti ho, “Aĩ Makayyioohiti nẽẽ, “Ũtũngteek niig eet ꞌcĩg hõllõngaa ĩĩn lemmiook eꞌngerrio hĩ ĩhõõggõ, ma hahummu hẽlẽggĩ ꞌcĩg ĩĩn ꞌriiring nẽ hatĩ helemuung naa ngagiita.”

ꞌGalaaꞌthia 3:13

Ikia ẽẽlaeet ngagĩĩt Yeesu Krĩstõ ꞌcĩĩnẽttaa cĩ aꞌnyaha nyattalĩ, ngaatĩ aku õkõõĩ nẽẽ ꞌcĩĩnẽnĩt cĩnaac hĩ baa aduha ꞌBuuhi cĩ Nyekuci aĩ, “Aggam ꞌngĩllama eet ꞌcĩg aruk eet nẽ irimitheek hẽẽta”

Eevvetho 5:9

hĩnĩngĩtĩ aꞌnyaha lanyit ciee aaĩ hĩ ngagiit ko, thõõth ꞌcĩ abũnnaa hĩ ꞌcĩ aũlanĩ hĩ ꞌcĩ ĩĩn dĩdĩ diooni.

Pilippi 1:11

Aaꞌnyuung hatĩ Yeesu Krĩstõ aallattia idticanit dtiicanĩ ꞌcĩg abũnnaa, ꞌcĩg aꞌnyahaak Nyekuc bulẽẽnĩt hĩ dĩhĩthẽẽnĩt.

Kolooꞌthe 2:14

Ikia umummuunyan Nyekuci thooꞌthiok ꞌcĩg abathĩ baag etteedothoothĩkeet ngagĩĩt, hĩnĩngĩtĩ thõõth ꞌcĩ habũrrĩ nyattal cĩ Mũũꞌtha. Baa ittik nẽẽ ĩhõõggõ battaala nẽ otoddoeek hurucceea.

Kolooꞌthe 2:20

Baa adaaktu niig hĩ Krĩstõ, hĩnĩngĩtĩ ꞌlimman cĩ eet cĩg looc nicci ẽlẽk nẽ tarĩ, aalla nga anuyyu niig ꞌlimman cĩnĩĩng ꞌcĩ aĩ,

Kolooꞌthe 3:3

Hĩnĩngĩtĩ baa aauttu niig hĩcĩ adaaktu ẽlẽk, nẽ ꞌyioko iyyangꞌthĩ rũgẽtĩ cunuung ꞌcĩ ĩĩn ngeju hĩ Krĩstõ ꞌcĩ aaĩ hĩ Nyekuc.

Ebereei 10:10

Nẽ tabiittaa nĩĩca, hiita helleemito naag, hĩnĩngĩtĩ ẽlẽmana Yeesu Krĩstõ ẽlẽ cĩnnĩ ũdũt hĩĩ ꞌgaarrieenit tabattĩ hõdẽẽthõng, hĩnĩngĩtĩ eet vẽlẽk.

Ebereei 10:5

Ĩnõõ baa akuuni Krĩstõ loota nĩnga, hikia hĩĩnnĩk Nyekuc, “Baa hõllõngaa adiimi nii ꞌgaarriẽẽn cĩg idiꞌngwaanu hode atabi ꞌbaaninit ꞌcĩ ũũny ꞌthẽccanẽẽt. Nẽẽthĩ, baa aaꞌnyaa nii nganĩĩt ẽlẽ caannĩ hẽlẽmana hĩĩ ꞌbaaninit.

Ebereei 12:13

“Ũkũmatteek ꞌgõõl hũbũna,” hátĩ hiittiõõ eeta ꞌcĩg hõllõngaa attiran hĩ ꞌcĩg ahuuli lemiittaa cĩnĩĩng, hõllõngaa ẽttẽẽd looc.

Ebereei 7:26

Ĩĩn Yeesu paadĩr cobbi ꞌcĩ hadiim naag, hĩnĩngĩtĩ ẽllẽẽmĩth nẽẽnĩ, tẽlla nẽ hiꞌthihi ꞌthẽccan. Aitiõõ Yeesu ꞌthẽccanĩ tõõ nẽ aaꞌnyĩhoothĩk nĩngĩtĩ cobbi cĩ bulẽẽttõ hẽẽtahujjieen.

Ebereei 9:28

adaahĩ thĩ Krĩstõ buúk tabattĩ hõdẽẽthõng hĩĩ ꞌgaarrieenit ꞌcĩg attik ꞌthẽccanẽẽt cĩg eet ꞌcĩg mẽẽlĩg. Õbõda hatĩ Krĩstõ tarĩ, hõllõngaa õbõda hikia hittik ꞌthẽccanẽẽt cĩggaac diooni, õbõda Krĩstõ aꞌnyaha elliaanĩt cĩg eet ꞌcĩg ẽrẽ ĩnõõnnõ.

ꞌJeemith 5:16

Má baa ẽꞌthẽcattoou niiga, occa aduhaaku ꞌgoonogu ꞌthẽccanẽẽt ꞌcĩg baa adĩmannu ho. Nẽẽthĩ, alayyiooyyu eleeti hõdẽĩ, hátĩ hũtũngeek Makayyioohiti ꞌthẽccanẽẽt cugguung. Attiran laiiniti cĩ eet ꞌcĩ abũnnaa nẽ aga ngaatĩ eelluung ngagiit gẽrrẽẽt.

1 Yõaannẽ 2:29

Hĩcĩ haga naag haĩ, adĩman Krĩstõ thõõth ꞌcĩ aũlanĩ, haga naag buúk haĩ ĩĩn eeta vẽlẽk ꞌcĩg adĩman thõõth ꞌcĩ aũlan, lõhõlĩ cĩg Nyekuci.

1 Yõaannẽ 3:7

Niig lohollia, ma haaꞌnyiku eet umwa higgooluung thõõthaa cĩ. Ma adĩman eeta thõõth ꞌcĩ aũlanĩ, ẽtẽrꞌtha thõõth tĩho aĩ, ĩĩn nẽẽg eet ꞌcĩg abũnnaa, hĩcĩ abũnnaa Krĩstõ.

Terethiinit 22:2

Ariha hidiaa nicciee hõrggẽẽnaa cĩ ꞌtaaũnõõ nẽ ũnũ ꞌgõõl cobbi cĩ ꞌtaaũn nicci. Dẽmẽtwaanĩĩ cĩg hidioo nicci, aaĩ hẽẽt cĩ rũgẽtõõ, ꞌcĩ õddõngõt nyĩlõhẽẽnnĩ vẽlẽk. Õddõngta hẽẽt nicciee hẽẽn ꞌcĩg abbiiri õmmõtõ hĩ ꞌramma nẽ bõllõõha cĩgĩnnĩg buúk ĩĩn ẽgẽrnaac ꞌcĩ ahũd eeta loonyini vẽlẽk hũbũttaathõ ũdũt, hátĩ hiittiõõ mõõrĩthĩ tõõ.