1 Pẽẽtũrũ 2:23 - ꞌBuuk cĩ Thõõth cĩ Nyekuci

²³ Tananga baa õdõõm eeta ĩnõõnnõ, baa hõllõngaa aruha nẽẽ oolo. Ma baa accananni nẽẽnĩ, baa hõllõngaa eggerꞌnyeek nẽẽ eet umwa. Nẽẽthĩ hinnianĩ, baa aalla aꞌnyak nẽẽ lemiinit hĩ Nyekuc ꞌcĩ ẽttẽẽd thooꞌthiok cĩg eetuk jurrung.

1 Pẽẽtũrũ 2:23 ပူးပေါင်းရင်းမြစ်များ

ꞌThianaattõ 18:25

Nẽ dĩdĩ, occa ꞌthẽk hõllõngaa aruhi eeta ꞌcĩg abũnnaa hĩ ꞌthẽccanniook hõdẽĩ. Nganiit loota nĩnga ꞌcĩ etteedi thooꞌthiok jurrung nẽ occa hõllõngaa adĩmani eet ꞌcĩg ammĩrĩ ꞌbuth.”

ꞌLuuka 23:41

Aũlan ngaatĩ huukẽnĩ naag, hĩnĩngĩtĩ thooꞌthiok ꞌcĩg abathĩ ꞌcĩg hadĩman naaga, nẽẽthĩ, aꞌngaaꞌnyi ẽẽtĩ ciee haaga.”

ꞌLuuka 23:46

Nĩngĩtĩ arruuẽnĩ Yeesu moloohaa cobbi gẽrrẽẽt aĩnnĩ, “Baaba, haarihi naa lori caannĩ attiaa cunni.” Ma baa õthõõth hoti ẽlẽk, ikia ẽttẽẽd nĩngaata noho.

ꞌLuuka 23:9

Ma nĩngaata, ijin Ẽrõõdẽ ĩnõõnnõ thooꞌthiok ꞌcĩg mẽẽlĩg gẽrrẽẽt, ijjaak hinnia Yeesu ĩnõõnnõ kim.

Dtiicanĩ cĩg ꞌThooyyiahu 17:31

Aarĩk nẽẽ kõr ꞌcĩ hatĩ ẽttẽẽdĩ thooꞌthiok cĩg lootu ꞌgõõlaa ꞌcĩ aũlan, eetaa ꞌcĩ ẽbẽra nẽẽnĩ. Baa eteretheek Nyekuci eet ngaatĩ arũgthaanĩ eet tĩho daahĩtha.”

Dtiicanĩ cĩg ꞌThooyyiahu 4:29

Makayyioohit, cĩĩn thõõth ꞌcĩ adĩmanneet ngagĩĩt eeta ꞌbuth ko. Hĩĩgĩnna naag dticcianniook cugunnig. ꞌBaaneet ngagĩĩt ꞌtirrian hĩrrĩcattaawa nyeemuut cunni.

Dtiicanĩ cĩg ꞌThooyyiahu 7:59

Ma baa nga õhõda nẽẽg Tẽẽvẽnõ, alayyi hinnia Tẽẽvẽnõ aĩ, “Makayyioohit Yeesu, bĩtĩ lori caannĩ.”

Dtiicanĩ cĩg ꞌThooyyiahu 9:1

Baa ara ẽrrẽan ꞌThaaulo nuyyiook cĩg Makayyiooktak ngaatĩ aduhaanĩ thooꞌthiok ꞌcĩg adiim aruhi ĩhõõggõ. Nẽ ũũk ẽttẽẽda waragẽẽt hĩ paadĩr cobbi,

ꞌRooma 2:5

Nẽẽthĩ, hĩnĩngĩtĩ ꞌlõõrĩth cunni hĩ thõõth ꞌcĩ hõllõngaa abũrrĩ ꞌthẽccanẽẽt cugunnig, athadeehi nii liilii cĩ Nyekuci ẽllaa cunni, hatĩ ikia kõrra ꞌcĩ alĩĩllĩ Nyekuci, hatĩ kõr ꞌcĩ ẽttẽẽdĩ nẽẽ thõõth ꞌgõõlaa cĩnnĩ ĩcĩ aũlanĩ.

Eevvetho 6:9

Nẽ niig makayyiooha, ĩdĩmanit niig buúk appahacaaꞌnya cugguung jurrung. Ma hadĩmannu ĩhõõggõ ꞌbuth, hĩnĩngĩtĩ agayyu niig aꞌnyak nẽẽg buúk Makayyioohit ꞌcĩ aaĩ hẽẽtahujjieen ꞌcĩ aduhõõ hĩ ꞌcĩ aꞌnyaku niiga, makayyioohit ꞌcĩ hõllõngaa ahal eeta.

2 Tẽꞌthaloonika 1:5

Ĩĩn ciee vẽlẽk thõõth ꞌcĩ ẽtẽrꞌtha aĩ, aũlan thõõth ꞌcĩ ẽttẽẽd Nyekuci nẽ ũkũmaneehuung nẽẽ ngagiit eliitta, ngaatĩ othollu hĩ Nyekuc habuccieet cĩnnĩ, hĩnĩngĩtĩ ꞌcannan ꞌcĩ emmeeꞌthu niig ꞌyioko ho.

2 Timotteeo 1:12

Ĩnõõ ꞌcĩ happĩĩrnanĩĩ naa hĩ ꞌyioko ho. Nẽ hõllõngaa haꞌngaaoni, hĩnĩngĩtĩ haga naa Krĩstõ ꞌcĩ helemi naa dĩdĩ nẽ õkõmĩ nganĩĩt ꞌthĩnĩt haini, ĩnõõnnõ ꞌcĩ occa aꞌthũũnna nganĩĩt dtiicaa cĩnnĩ, ĩꞌthõng kõr ꞌcĩ hatĩ õbõdaanĩ nẽẽnĩ.

2 Timotteeo 4:8

Nẽ ꞌthaa icci, ereeyyi nganĩĩt ꞌbaaniniti caannĩ ꞌcĩ abũnnaa, ꞌcĩ hatĩ aaꞌnya Makayyioohiti ꞌcĩ ẽttẽẽd thõõth jurrung kõr ꞌcĩ hatĩ õbõdaanĩ nẽẽ loota nĩnga. Nẽ hõllõngaa ꞌbaaninit caannĩ diooni, aaꞌnyĩk hatĩ nẽẽ ꞌbaaninit eet vẽlẽk ꞌcĩg accamana nẽ ẽrẽẽcõ ĩnõõnnõ kõr ꞌcĩ hatĩ uppwaannanĩ nẽẽnĩ.

Ebereei 12:3

Ummuhuttooth thõõth baa ẽmmẽẽꞌthĩ Yeesu doominit ꞌcĩ õdõõmĩ eeta ꞌcĩg ĩĩn ꞌthẽccanniook ĩnõõnnõ. Nẽẽthĩ, aitiõõ hõllõngaa hatĩ appĩĩrnannu nẽ ũtũngteehu lemiinit cunuung.

1 Pẽẽtũrũ 3:9

Ma haruhaannu oolo thooꞌthiohĩĩ ꞌcĩg abathĩ, hode ma hodommu ꞌgoonogu ꞌcĩg odoommuung ngagiita. Nẽẽthĩ hinnianĩ, aggatanit eet ꞌcĩg odoommuung thõng. Thõõth baa avvaannuung Nyekuci ngagiit ĩdĩmanit cieeni nẽ aggatannuung hatĩ nẽẽ, hĩnĩngĩtĩ thõõth icci.

1 Pẽẽtũrũ 4:19

Nẽẽthĩ hoti ho, má accananniinnu niig ꞌgõõlaa ꞌcĩ aaꞌnyĩk Nyekuc haccamanoothĩk, aallattia ĩdĩmanit thooꞌthiok ꞌcĩg aũlan nẽ akattu Nyekuc baa ẽhẽnytaannuung hẽbẽrĩ rũgẽtaa cunuung, hĩnĩngĩtĩ aitiõõ hatĩ nẽẽ hõllõngaa ũũnnikuunga.

Terethiinit 19:11

Ma ho, hĩcĩnootha hẽẽtkujjieen ngaatĩ abbuuhẽnĩ tarĩ, haau ngaburuur nẽ hudtuuha nyangõõllẽẽ ꞌcĩ õõrĩ ꞌcĩ aꞌthuhan ꞌthukannioohiti ꞌcĩ haĩ ꞌthaar cĩgĩnnĩg Lemmioohit, hĩ Thõõth ꞌcĩ ĩĩn Dĩdĩ. Gõõng ẽttẽẽd nẽẽ thooꞌthiok jurrung, hatĩ aduha thõõth umwa hode hatĩ õkõ jora.