1 Pẽẽtũrũ 2:22 - ꞌBuuk cĩ Thõõth cĩ Nyekuci

²² Baa hõllõngaa ẽꞌthẽcan Krĩstõ thõõth umwa hode aduha õlõng.

1 Pẽẽtũrũ 2:22 ပူးပေါင်းရင်းမြစ်များ

Maatteeo 27:19

Ma baa nga iccioloongan Pĩlaatõ dtaabawa cĩnnĩ ĩcĩ habuẽẽꞌthĩtõõ, ikia ĩꞌthõõa ngaa cĩnnĩ nyeemuut ꞌcĩ aĩ, “Ma haddangaahi eet niccia ammĩrĩ hataa, hĩnĩngĩtĩ accanannaa nganĩĩt honoothi aabaal gẽrrẽẽt, hĩnĩngĩtĩ ĩnõõnnõ.”

Maatteeo 27:4

Nẽ ĩĩ, “Hẽꞌthẽcana, hõhõppõõcana eet ꞌcĩ ammĩrĩ, nga hẽꞌthẽcan ꞌgiimwa ũdũt.” Ẽdẽcĩ nẽẽg aĩ, “Ne niccia hĩ ngagĩĩt? Ĩĩn niccia thõõth cunni ẽmmẽn.”

ꞌLuuka 23:41

Aũlan ngaatĩ huukẽnĩ naag, hĩnĩngĩtĩ thooꞌthiok ꞌcĩg abathĩ ꞌcĩg hadĩman naaga, nẽẽthĩ, aꞌngaaꞌnyi ẽẽtĩ ciee haaga.”

ꞌLuuka 23:47

Ma adtuuha ꞌgaalac cĩ ũũrũta thooꞌthiok iccig vẽlẽk ho, ĩdĩhĩth Nyekuc nẽ ĩĩ, “Occa ꞌthẽk baa ĩĩn ẽẽtĩ ciee eet ꞌcĩ abũnnaa.”

Yõaannẽ 1:47

Ma baa acĩn Yeesu Nathaniele aku obokii ho, ikia õthõõth ĩnõõnnõ ĩĩ, “Eet ꞌcĩ ĩĩn Ĩꞌthĩraẽleenit dẽẽdẽ cieeni, ꞌcĩ hõllõngaa ĩĩn oloꞌngiaahit.”

Yõaannẽ 8:46

Nganĩ hõrggẽẽnaa cunuung ꞌcĩ occa ammũda ꞌthẽccan hĩ nganĩĩta? Má haduhaakuung naa thõõth dĩdĩ nẽ hõllõngaa ẽlẽmmaangu inni?

2 Korinthia 5:21

Tananga baa hõllõngaa ĩĩn Krĩstõ ꞌthẽccannioohit, baa aaꞌnyĩk Nyekuci ĩnõõnnõ hĩĩ ꞌgaarrieenit, hĩnĩngĩtĩ ꞌthẽccanẽẽt cĩggaac, hátĩ hũbũttaath naag nẽ elemeet Nyekuci.

Ebereei 4:15

Aga paadĩrĩ cobbi pĩĩrnanĩt cĩnaac vẽlẽk, hĩnĩngĩtĩ baa ĩttĩmanĩ nẽẽ pĩĩrnatta ꞌgoolliohĩ vẽlẽk hĩ naaga, nẽẽthĩ aitiõõ ĩnõõnnõ ꞌthẽccanĩ tõõ!

Ebereei 9:28

adaahĩ thĩ Krĩstõ buúk tabattĩ hõdẽẽthõng hĩĩ ꞌgaarrieenit ꞌcĩg attik ꞌthẽccanẽẽt cĩg eet ꞌcĩg mẽẽlĩg. Õbõda hatĩ Krĩstõ tarĩ, hõllõngaa õbõda hikia hittik ꞌthẽccanẽẽt cĩggaac diooni, õbõda Krĩstõ aꞌnyaha elliaanĩt cĩg eet ꞌcĩg ẽrẽ ĩnõõnnõ.

1 Yõaannẽ 2:1

Lõhõlĩ cĩgannĩg, hẽhẽẽdakuung naa ngagiit waraga icci, hátĩ hiittiõõ hõllõngaa adĩmannu ꞌthẽccanẽẽt. Nẽẽthĩ, má ĩdĩmattu ꞌthẽccan, adĩman Yeesu Krĩstõ Ẽẽtĩ ꞌcĩ Abũnnaa hõdõõkõthĩ, thõõth ꞌcĩ aũlanĩ nẽ aduhaak hatĩ nẽẽ Maaꞌnyĩ hũtũngeek ꞌthẽccanẽẽt cĩggaac.

1 Yõaannẽ 3:5

Nẽ agayyu niig aĩ baa aku Krĩstõ, hátĩ hittik ꞌthẽccanẽẽt battaala nẽ aitiõõ ꞌthẽccanĩ hĩ ĩnõõnnõ tõõ.

Terethiinit 14:5

Eet ꞌthẽk ꞌcĩg nga hoolongit ũdũt nẽ occa hõllõngaa aꞌngaaꞌnyi haaga.