1 Pẽẽtũrũ 2:21 - ꞌBuuk cĩ Thõõth cĩ Nyekuci

²¹ Hĩnĩngĩtĩ baa ẽbẽraauung Nyekuci ngagiit hátĩ accanattĩ, hĩcĩ anuyyu ꞌcannan baa Krĩstõ baa ẽtẽrꞌtha nẽẽ ngaatĩ accananiini hĩnĩngĩtĩ ngagiita.

1 Pẽẽtũrũ 2:21 ပူးပေါင်းရင်းမြစ်များ

Maatteeo 10:38

nẽ ẽẽtĩ ꞌcĩ hõllõngaa irriongan hurucce cĩnnĩ nẽ ũnũa nganĩĩta, hõllõngaa ĩĩn nuyyioohit caannĩ.

Maatteeo 11:29

Elemit dtiic ꞌcĩ haaꞌnyuung naana nẽ aanytaangu hillimanuung ngagiita, hĩnĩngĩtĩ tarbal nganĩĩt ꞌthĩnĩt nẽ hatĩ ummuddiaau ꞌyiomman cĩ loriẽẽt cugguung.

Maatteeo 16:24

Nĩngĩtĩ aduhaakĩ Yeesu nuyyiook cĩgĩnnĩg annẽẽkĩ, “Má adiim eet umwaa ĩĩn nuyyioohit caannĩ, aꞌnyĩĩk hataarõthĩ ẽlẽ cĩnnĩ nẽ irriongan hurucce cĩnnĩ nẽ ũnũa nganĩĩta.

ꞌLuuka 24:26

Erekuung baa nooyyia ngagiit ngaatĩ occa accananiini Krĩstõ nga haaꞌnyĩhoothĩk bulẽẽnĩtĩ cĩnnẽẽnĩ?”

Yõaannẽ 13:15

Haaꞌnyuung naa ngagiit terethiinit ẽlẽk, õõt ĩdĩmanit niig buúk hĩcĩ hadĩmaneekuung naa ngagiit ko.

Yõaannẽ 16:33

Baa huduhaahuung naa thõõth icci, hátĩ aaut lõꞌngõõc, hĩnĩngĩtĩ nganĩĩta. Ammũdaannu hatĩ ꞌcannan looccaa nĩĩcĩ. Nẽẽthĩ, aanytĩk ꞌthinneeti cugguung hokomit! Hĩllõõana naa looc nicci.”

Dtiicanĩ cĩg ꞌThooyyiahu 14:22

Baa aaꞌnyĩk nẽẽg ꞌthinneeti cĩg nuyyioohu hokomit nẽ irrioottĩk ĩhõõggõ huꞌthuutti lemiinit. Nĩngĩtĩ aduhaakĩ ĩhõõggõ annẽẽkĩ, “Hippiirria ꞌthẽk nga huduhunit habuccieet cĩ Nyekuci.”

Dtiicanĩ cĩg ꞌThooyyiahu 17:3

ẽddẽẽbak eet pĩĩrnanĩt cĩ Krĩstõ hĩ ngaatĩ ũrũgaaĩ nẽẽ daahĩtha. Baa õthõõth Paaulo aĩ, “Ĩĩn Yeesu ꞌcĩ haduhaakuung naa ngagiit ko Krĩstõ.”

Dtiicanĩ cĩg ꞌThooyyiahu 9:16

Nganĩĩt hatĩ ꞌcĩ heterꞌtheehi ĩnõõnnõ ꞌgõõl ꞌcĩ accananiini, hĩnĩngĩtĩ ꞌthaar cĩgannĩg.”

ꞌRooma 8:29

Hĩnĩngĩtĩ eeta baag aga Nyekuci ngaanĩngĩtĩ baarkit, ikia ẽbẽra nẽẽ ĩhõõggõ hiita haauto hĩ Ngeerĩnẽẽnĩ, hátĩ hikia haau nẽẽ hĩ loholeec ꞌcĩ oou ꞌgotoonoginnii hĩ ngoonogiinni ĩĩcĩg mẽẽlĩg.

1 Korinthia 11:1

Ũnnẽẽc terethiinit caannĩ hĩcĩ hanũ naa terethiinit cĩ Krĩstõ.

Eevvetho 5:2

nẽ ĩmmĩnattoou hĩ baa ammĩnanneet Krĩstõ ngagĩĩt nẽ ẽlẽmana ẽlẽ cĩnnĩ hĩĩ ꞌgaarrieenit ꞌcĩ õꞌngõlĩ ẽmmẽdĩ, ꞌcĩ abũnnaa ꞌcĩ aaꞌnyĩhoothĩk Nyekuc.

Pilippi 2:5

Aanytĩk muhẽẽnĩt cunuung hudukto hĩcĩ Yeesu Krĩstõ thõng.

1 Tẽꞌthaloonika 3:3

Hõllõngaa hadiimma naag eet umwa hũtũngeek thõõth cĩ Nyekuci, hĩnĩngĩtĩ thooꞌthiok ꞌcĩg abathĩ baag hammũdaanna naaga. Baa agayyu niig buúk jurrung ngaatĩ hatĩ haccananiini naaga.

1 Tẽꞌthaloonika 4:2

Ummuhuttooth thõõth baa hallimannuung naag ngagiit ꞌthaarĩĩ cĩg Makayyioohit Yeesu.

2 Timotteeo 3:12

Nẽẽthĩ ꞌthẽk, ẽẽtĩ umwaa ꞌcĩ adiim aĩ haau authetaa ꞌcĩ anũĩ thõõth cĩ Yeesu Krĩstõ, ammũda hatĩ ꞌcannan.

Ebereei 2:10

Baa Nyekuc ꞌcĩ ẽhẽnyta hẽlẽggĩ vẽlẽk ꞌtirriaanaa cĩnnĩ nẽ ikia ẽbẽan nẽẽ dioo ngaatĩ aaꞌnyĩkĩ Yeesu hũbũna ꞌcannaana, hátĩ hũũppan Yeesu ngaatĩ ẽẽlanĩ eet nẽ otholit bulẽẽnĩt cĩnnĩ.

1 Pẽẽtũrũ 1:20

Baa ẽbẽra Nyekuci ĩnõõnnõ hĩĩ ellioohit cunuung, baa nga heteheꞌnyiaa lõõcĩ. Nẽẽthĩ ꞌyioko, ikia eteretheehuung Nyekuci ĩnõõnnõ ngagiit waathinnioohĩĩ ꞌcĩg adtuurna ho, hĩnĩngĩtĩ ngagiita.

1 Pẽẽtũrũ 2:24

Baa ẽhẽẽl Krĩstõ ꞌthẽccanẽẽt cĩggaac. Baa ododdothoothĩk nẽẽ hurucceea, hátĩ hiittiõõ hõllõngaa hẽꞌthẽcan naag tarĩ nẽ hátĩ hĩthĩhĩt thõõth ꞌcĩ aũlanĩ. Aaꞌnyuung nẽẽ ngagiit ũbũttaath ngatũbẽẽnnĩĩ cĩgĩnnĩg.

1 Pẽẽtũrũ 3:18

Hĩnĩngĩtĩ baa adaahĩ Krĩstõ tabattĩ hõdẽẽthõng, hĩnĩngĩtĩ ꞌthẽccanẽẽt cĩggaac. Baa nga hẽꞌthẽcan nẽẽ thõõth umwa ũdũt, nẽẽthĩ, baa adaahĩ nẽẽ, hĩnĩngĩtĩ ꞌthẽccanniook, hátĩ huukuung ngagiit hĩ Nyekuc. Baa aruhi nẽẽ hadaak, nĩngĩtĩ aaꞌnyĩkĩ Nyekuci ĩnõõnnõ hũrũga Loriia.

1 Pẽẽtũrũ 3:9

Ma haruhaannu oolo thooꞌthiohĩĩ ꞌcĩg abathĩ, hode ma hodommu ꞌgoonogu ꞌcĩg odoommuung ngagiita. Nẽẽthĩ hinnianĩ, aggatanit eet ꞌcĩg odoommuung thõng. Thõõth baa avvaannuung Nyekuci ngagiit ĩdĩmanit cieeni nẽ aggatannuung hatĩ nẽẽ, hĩnĩngĩtĩ thõõth icci.

1 Pẽẽtũrũ 4:1

Nẽẽthĩ hoti ho, hĩ baa accananni Krĩstõ loota nĩnga, adiim akũmanoothiku, hátĩ agaac ngaatĩ hatĩ accananiinnu niig buúk hĩ baa nẽẽnĩ. Hĩnĩngĩtĩ ẽtẽrꞌtha ꞌcannani ngaatĩ ũtũngteehu niig ꞌthẽccan.

1 Pẽẽtũrũ 4:13

Accamattoothĩk ngaatĩ accananiinnu hĩ baa Krĩstõ. Akũmaneekuung hatĩ ꞌcannani ciee ngagiit umuddia taliinit ꞌcĩ maka, hatĩ õbõda nẽẽ bulẽẽttaa cĩnnĩ.

1 Yõaannẽ 2:6

Má hõthõõth naag haĩ hĩĩgĩn cĩgĩnnĩg, abũnnaa hanũ terethiinit cĩ Krĩstõ.

1 Yõaannẽ 3:16

ꞌGõõl ꞌcĩ hagaĩ naag mĩnnan cieeni. Baa ẽlẽmana Yeesu Krĩstõ ẽlẽ cĩnnĩ, hĩnĩngĩtĩ ngagĩĩta. Nẽ adiim occa hẽlẽmana naag buúk eleeti cĩggaac, hĩnĩngĩtĩ ꞌgotoonogeet hĩ ngoonogeet.

Terethiinit 12:11

Baa ĩllõõan eeta ꞌThĩttaan biyyiẽẽtĩĩ cĩg Mĩꞌnyõõnak, nẽ ĩllõõanit ngaatĩ ĩĩnĩ nẽẽg hẽbẽrĩ cĩg lemiinit cĩnĩĩng hĩ Nyekuc. Baa hõllõngaa ammĩnan nẽẽg rũgẽt cĩnĩĩng gẽrrẽẽt, ĩnõõ ꞌcĩ hõllõngaa itieelini nẽẽg daahĩth ko.