1 Pẽẽtũrũ 2:20 - ꞌBuuk cĩ Thõõth cĩ Nyekuci

²⁰ Aitiõõ ꞌgii ꞌcĩ ammũdaannu niig hatĩ uukennu, hĩnĩngĩtĩ thõõth ꞌcĩ ẽꞌthẽcannu thõng tõõ. Nẽẽthĩ, aggatannuung hatĩ Nyekuci hatĩ emmeeꞌthu ꞌcannan, hĩnĩngĩtĩ adĩmannu thõõth ꞌcĩ abũnnaa.

1 Pẽẽtũrũ 2:20 ပူးပေါင်းရင်းမြစ်များ

Maatteeo 26:67

Nĩngĩtĩ attũũrĩkĩ nẽẽg Yeesu ammũt nẽ ĩddaacõ ĩnõõnnõ athĩnĩĩ cĩggĩĩng, atabaang ũgẽẽgĩ ĩnõõnnõ thõng,

Maatteeo 5:47

Nẽ má ĩꞌthaayyu niig eet ꞌcĩg ammĩnannuung ngagiit diooni, ne ꞌyioko ꞌthẽk ꞌcĩ ĩdĩmattu niig ꞌcĩ ĩllõõan eet ũgĩ ho? Hõllõngaa nooyyia adĩman eeta ꞌcĩg hõllõngaa aga Nyekuc buúk noho?

Maarko 14:65

Ma nĩngaata, iꞌthiattaaĩ ũgẽẽgĩ uttuurrik Yeesu ammũta nẽ ecebit hẽbẽrĩ cĩgĩnnĩg cẽrẽma nẽ ĩddaacõ athĩnĩĩ nẽ ĩĩttĩk, “Duha da, hĩ nganĩ ꞌcĩg ĩddaayyi nganiit ko!” Nẽ athegereeꞌnya ꞌcĩg baag aattĩg nĩngaata vẽlẽk, iita ootti Yeesu nẽ uukito.

ꞌLuuka 6:32

“Má ammĩnannu niig eet ꞌcĩg ammĩnannuung ngagiit dioo, occa ꞌthẽk ꞌyioko ainnu ĩdĩmattu authet ꞌcĩ abũnnaa? Tananga ꞌthẽccanniooha buúk ammĩnan eet ꞌcĩg adĩman ĩhõõggõ jurrung.

1 Korinthia 4:11

Hĩĩ noho, nga aalla adakeet magĩthĩ nẽ aammeet kõrra, hahimteenna ceremwaanĩĩ ꞌcĩg ꞌthaꞌtharĩg, adĩmanneet eeta ꞌbuth nẽ aitioonneet õlõ tõõ.

ꞌGalaaꞌthia 4:18

Abũnnaa hatĩ gõõng aattiyyu hõdõõkõthĩ dĩkĩĩm nẽ ĩdĩmattu thõõth ꞌcĩ abũnnaa, tananga hĩĩ naa ꞌrẽẽn hĩ ngagiita.

Eevvetho 5:10

Nẽ ummuddia thõõth ꞌcĩ aaꞌnyĩk Makayyioohit haccamanoothĩk.

Pilippi 4:18

Nẽ ꞌyioko, haꞌnyaha naa ꞌgii vẽlẽk ꞌcĩ hadiimi hĩllõõan. Aanytaangu niig nganĩĩt ꞌbaaninit ꞌcĩ maka baa ĩꞌthõõakaangu haꞌnyahaaha Epavorodito. Aaĩ ꞌbaaniniti ciee hĩ ꞌgaarrieeniti ꞌcĩ õꞌngõlĩ ẽmmẽdĩ ꞌcĩ accamana Nyekuci.

1 Pẽẽtũrũ 2:19

Accamanannuung hatĩ Nyekuci ngagiit, hatĩ adĩmannu thooꞌthiok ꞌcĩg agayyu niig ainnu aũlan nẽ etemeeꞌthu thooꞌthiok ꞌcĩg adĩmannuung ngagiit makayyiooha ꞌcĩg abathĩ ꞌbuth, hĩnĩngĩtĩ agayyu Nyekuc.

1 Pẽẽtũrũ 3:14

Nẽẽthĩ, má occa accananiinnu niig, hĩnĩngĩtĩ adĩmannu thõõth ꞌcĩ abũnnaa, adũmannuung hatĩ Nyekuci, hĩnĩngĩtĩ thõõth tĩho. “Ma hapuppuddu hode hiꞌngollinnu thooꞌthiok ꞌcĩg occa adĩmaneekuung nẽẽg ngagiita.”

1 Pẽẽtũrũ 3:17

Mẽẽn ngaatĩ accananiinnu, hĩnĩngĩtĩ adĩmannu thõõth ꞌcĩ abũnnaa, hatĩ adiim Nyekuci haau noho, hĩllõõan ngaatĩ accananiinnu, hĩnĩngĩtĩ adĩmannu thõõth ꞌcĩ abathĩ.