1 Pẽẽtũrũ 2:17 - ꞌBuuk cĩ Thõõth cĩ Nyekuci

¹⁷ Itingolli eet vẽlẽk nẽ ĩmmĩnattu ꞌgotoonogu hĩ ngoonogu ꞌcĩg ĩĩn lemmiook. Itingolli Nyekuc nẽ itingollieeu habu cunuung.

1 Pẽẽtũrũ 2:17 ပူးပေါင်းရင်းမြစ်များ

ꞌThianaattõ 20:11

Ẽdẽcĩ Abũrahamĩ ĩnõõnnõ anneek, “Baa hammuhi naa haini, ‘Aitiõõ ẽẽtĩ umwaa ngaati ꞌcĩ iꞌngolli Nyekuc tõõ, aruhaanna hatĩ nẽẽg nganĩĩt ngaa caannĩ ho.’

ꞌThianaattõ 22:12

Ma nĩngaata, ĩĩnnĩk aajĩlõ ĩnõõnnõ, “Ma haruhi loholeec! Hagawa naa ngaatĩ iꞌngoliini nii Nyekuc dĩdĩ, hĩnĩngĩtĩ hõllõngaa ẽdẽnĩ nii ngeeruni ꞌcĩ odoyyii ho.”

ꞌThianaattõ 42:18

Ma baa kõr ꞌcĩ ĩĩn iyyio, ikia ũũk uduhaak Yothebo ĩhõõggõ ĩĩnnĩk, “Hĩĩnĩ naa eet ꞌcĩ hiteelli Nyekuc. Má adĩmannu thõõth hĩcĩ haduha naa ho, arũgnu thĩ hatĩnĩ.

Luugithõõ 20:12

Tingõlĩ maaꞌnyu hĩ ngaanu, hátĩ rũũg ĩꞌthõng looccaa ꞌcĩ aaꞌnyuung Makayyioohiti Nyekuci cunuung ko.

Maatteeo 22:21

Ẽdẽcĩ nẽẽg anneek, “Cĩ habu cobbi cĩ ꞌRooma.” Ẽdẽcĩ Yeesu anneek, “Aanytĩk habu cĩ ꞌRooma hẽlẽggĩ cĩgĩnnĩg nẽ aanytĩhu Nyekuc hẽlẽggĩ cĩgĩnnĩg.”

Yõaannẽ 13:35

Má ammĩnanoonnu niiga, aga hatĩ eeta vẽlẽk aĩ, iiginnu niig nuyyiook cĩgannĩg.”

ꞌRooma 12:10

Ĩmmĩnanit ꞌgoonogu haauto hĩ ꞌgotoonogu hĩ ngoonogu nẽ ubuluꞌthu ĩhõõggõ hĩllõõanit eleeti cugguung.

ꞌRooma 13:7

Ũdũmatteek makayyiook occoro hode ꞌrabbẽẽt nẽ itingollieeu ĩhõõggõ.

2 Korinthia 7:1

ꞌGotoonoga hĩ ngoonoga, hĩcĩ haꞌnyahit naag thooꞌthiok ꞌcĩg tiirik ꞌcĩg aduha Nyekuci ho, haaut ꞌrẽẽna hẽlẽggẽẽnnĩ vẽlẽk ĩcĩg occa aaꞌnyĩk eleeti hĩ loriẽẽt cĩggaac hĩĩtõ ꞌriiring. Hadiim hĩĩgĩn eet ꞌcĩg abũnnaa nẽ haꞌnyahit authet ꞌcĩ hiꞌngoliini Nyekuc.

Eevvetho 5:21

Ĩthĩhĩt ꞌgoonogu ꞌcĩg ĩĩn lemmiook tẽẽlꞌthĩtaa cĩ Krĩstõ.

Pilippi 2:3

Ma hĩĩgĩnnu muruꞌthiook nẽ ma hathĩngõõnyaneeku ꞌgoonogu. Irritatta eleeti cugguung hĩĩtõ hĩdĩcĩg nẽ icittu ꞌgoonogu haauto hĩcĩ ĩllõõannuung ngagiita.

1 Timotteeo 6:1

Má aaĩ appahaca ꞌcĩ ĩĩn lemmioohit cĩ Nyekuci, occa itieelli nẽẽ makayyioohit cĩnnĩ gẽrrẽẽt ũdũt, hátĩ hiittiõõ hõllõngaa aaꞌnyĩk ꞌthaar cĩg Nyekuci hĩ ꞌlimman cĩnnĩ ngaaoni.

Ebereei 13:1

Aallattia ĩmmĩnanit ꞌgoonoggu haauto hĩ ꞌgotoonogu hĩ ngoonogu.

1 Pẽẽtũrũ 1:22

Baa ũtũũnytau niig ꞌthẽccanẽẽt cugguung baa elemmu thõõth ꞌcĩ ĩĩn dĩdĩ, nẽẽthĩ ꞌyioko, ammĩnanoonnu niig dĩdĩ. Nẽ adiim aallattia ĩmmĩnanit eleeti cugguung ꞌthinneetini dĩdĩ.

1 Pẽẽtũrũ 2:13

Adiimmuung Makayyioohiti ngagiit ĩthĩhĩt thooꞌthiok cĩg ꞌgaala cugguung vẽlẽk, ettebehini habu cobbi ꞌcĩ aggam eet vẽlẽk.

1 Pẽẽtũrũ 5:5

ꞌGõõlaa ꞌcĩ aaĩ hoti, niig nyahaappanĩta, itingolli eet ꞌcĩg ĩĩtõ makatĩg hĩ ngagiita, ĩthĩhĩt thõõth cĩnĩĩng. Nẽ idticattoothĩk niig vẽlẽk ꞌgoonogu ꞌthĩnneetinii ꞌcĩg tarbalĩg, hĩnĩngĩtĩ, “Abũrĩ Nyekuci eet ꞌcĩg athĩngõõnyanĩ nẽẽthĩ, aaꞌnyĩk nẽẽ eet ꞌcĩg hõllõngaa athĩngõõnyan bũnnai.”