1 Pẽẽtũrũ 2:16 - ꞌBuuk cĩ Thõõth cĩ Nyekuci

¹⁶ Hĩnĩngĩtĩ õõgtau niig aauttu lõꞌngõõc, nẽẽthĩ, nga iiginnu appahacaaꞌnya cĩg Nyekuci noho, nẽẽthĩ, ma hadticaniinnu thõõth ꞌcĩ ooggiannu aaut lõꞌngõõc ko, ĩdĩmattĩ thooꞌthiok ꞌcĩg abathĩ.

1 Pẽẽtũrũ 2:16 ပူးပေါင်းရင်းမြစ်များ

Maatteeo 23:13

“Pĩĩrnanĩt hĩ ngagiit ꞌlimmanniook cĩg nyattal cĩ Mũũꞌtha hĩ Variꞌtheei, niig oloꞌngiaaha cieegi! Aꞌnyuuggu niig habuccieet cĩ hẽẽtkujjieen hẽbẽrẽẽnnĩĩ cĩg eetuk. Nẽ aitiõõ niig hõllõngaa occa aduhunnu habuccieet cĩ hẽẽtkujjieen hode ẽlẽmaaku eet ꞌcĩg adiim aduhuni.

Yõaannẽ 15:22

Má baa hiittiõõ naa hõllõngaa hakuu haduhaahi ĩhõõggõ, occa ꞌyioko baa hõllõngaa aga nẽẽg ꞌthẽccanẽẽt cĩggĩĩng. Nẽẽthĩ ꞌyioko, iittiõõ ꞌgõõl ꞌcĩ nga alĩĩtanĩ nẽẽg ꞌthẽccanẽẽt tõõ.

ꞌRooma 6:18

Baa õõgtau niig ꞌthẽccaana nẽ ꞌyioko iita iittu appahacaaꞌnya ꞌcĩg adĩmannu thooꞌthiok ꞌcĩg abũnnaa.

ꞌRooma 6:22

Nẽẽthĩ ꞌyioko, hĩcĩ õõgtau niig ꞌthẽccaana nẽ iittu appahacaaꞌnya cĩg Nyekuci ho, ikia ꞌbaaniniti baa ammũdaannu niig ko, uukuung ngagiit thõõthaa ꞌcĩ ẽllẽẽmĩth hĩ rũgẽtaa ꞌcĩ aalla ooo.

1 Korinthia 7:22

Ma baa ẽbẽra Makayyioohiti appahacaaꞌnya, iita ĩĩtõ nẽẽg eet cĩgĩnnĩg ꞌcĩg õõgta. Nẽ ma ẽbẽra nẽẽ eet ꞌcĩg õõgta ẽlẽk, iita ĩĩtõ nẽẽg appahacaaꞌnya cĩg Krĩstõ.

ꞌGalaaꞌthia 5:1

Nẽẽthĩ ꞌyioko, õõgaeet ngagĩĩt Yeesu Krĩstõ haaut lõꞌngõõc. Nẽ tarĩ, uꞌthuutti thõõth ꞌcĩ aattiyyu lõꞌngõõc ko jurrung, ma nga hĩĩgĩnnu appahacaaꞌnya cĩg nyattal cĩ Mũũꞌtha tarĩ.

ꞌGalaaꞌthia 5:13

Niig ꞌgoonoga cieegi, baa ẽbẽraauung Nyekuci ngagiit aaut lõꞌngõõc. Nẽẽthĩ, ma hõꞌngõõtaneeku rũgẽt ꞌcĩ aattiyyu lõꞌngõõc ko, hĩ authet cĩ ꞌthẽccaanõ, idticattoothĩk ꞌgotoonogu hĩ ngoonogu cugguung ꞌgõõlaa ꞌcĩ ammĩnanoonnu thõng.

Eevvetho 6:6

Ĩthĩhĩt ĩhõõggõ, hõllõngaa hĩnĩngĩtĩ haccamattoothĩk nẽẽg hatĩ ebekuung ngagiit thõng diooni, nẽẽthĩ, ĩthĩhĩt ĩhõõggõ hĩ appahacaaꞌnya cĩg Krĩstõ ꞌcĩg adĩman tabiinit cĩ Nyekuci ꞌthinneetini dĩdĩ.

Kolooꞌthe 3:24

Ummuhuttooth ĩĩtõ, ammũdaannu hatĩ niig thooꞌthiok ꞌcĩg arigiꞌthu hĩ Makayyioohit hĩĩ ꞌbaaninit cunuung. Nẽ Makayyioohiti ꞌcĩ adticanoothiku niig ko, ĩnõõnnõ Krĩstõ.

1 Tẽꞌthaloonika 2:5

Agayyu niig buúk nga hĩttĩmatta naag ngaatĩ hĩggõõlla eet umwa. Aga Nyekuci buúk ngaatĩ aitiõõnnĩ thõõth baa hadĩmanna naag, hõllõngaa ĩĩn ꞌgii ꞌcĩ hammũtta lõbõlõbẽẽꞌthĩt cĩnaang.

ꞌJeemith 1:25

Nẽẽthĩ, ẽẽtĩ ꞌcĩ arrĩcanaa ngaatĩ ammũdaanĩ thõõth ꞌcĩ aduha nyattalĩ ꞌcĩ abũnnaa, baa õõga eet haauto lõꞌngõõc nẽ aala ĩdĩman thõõth icci nẽ hõllõngaa ataarrothi thõõth baa athĩhĩ nẽẽnĩ nẽ ĩdĩmana, aggatan hatĩ Nyekuci ĩnõõnnõ, hĩnĩngĩtĩ thõõth ꞌcĩ adĩman nẽẽ ho.

ꞌJeemith 2:12

Othoothit nẽ idticattu thooꞌthiok hĩ eeta ꞌcĩg hatĩ etteedothoothĩk thooꞌthioha nyattaalaa ꞌcĩ õõga eet haauto lõꞌngõõc,

2 Pẽẽtũrũ 2:19

Ĩggõõl nẽẽg ĩhõõggõ anneek haaꞌnyuung aaut lõꞌngõõc nẽ ĩĩn nẽẽ nẽẽg appahacaaꞌnya cĩg ꞌthẽccaanak, hĩnĩngĩtĩ ĩĩn eeta appahacaaꞌnya cĩg hẽlẽggĩ ꞌcĩg aggam ĩhõõggõ.

ꞌJuud 1:4

Haduha naa thõõth icci, hĩnĩngĩtĩ ĩnĩkta eeta ũgẽẽgĩ ꞌcĩg hõllõngaa ẽlẽmĩ Nyekuc hõrggẽẽnaa cunuung ꞌcieethaa cĩ laiitto, ꞌcĩg õthõõth aĩ, ẽlẽmaakeet Nyekuci ngagĩĩt bũnnaiittaa cĩnnĩ, ngaatĩ hadĩmanĩ thooꞌthiok ꞌcĩg ĩĩn ꞌriiring. Baa ẽtẽhẽẽdĩ ukẽẽnĩtĩ cĩ eet ꞌcĩg abũrĩ Nyekuc ko baa hũnũũk ẽlẽk. Hĩnĩngĩtĩ baa ẽppẽhan nẽẽg ꞌTirriannioohit cĩnaac ꞌcĩ odoyyii, ĩnõõnnõ Makayyioohiti Yeesu Krĩstõ.