1 Pẽẽtũrũ 2:15 - ꞌBuuk cĩ Thõõth cĩ Nyekuci

¹⁵ Adiimmuung Nyekuci ngagiit ibilli eet ꞌcĩg õthõõth thooꞌthiok cĩg ꞌgiithẽttaak, ꞌgõõlaa ꞌcĩ adĩmannu thooꞌthiok ꞌcĩg aũlanĩ.

1 Pẽẽtũrũ 2:15 ပူးပေါင်းရင်းမြစ်များ

Maatteeo 25:2

Baa aggiithi buheeci ꞌcĩg ĩĩn ꞌtur nẽ eggeenyito ꞌtur.

Maatteeo 7:26

Nẽẽthĩ, ẽẽtĩ ꞌcĩ hõllõngaa athĩhĩ thooꞌthiok cĩgannĩg ko nẽ idticanõõĩ, aaĩ nẽẽ hĩ ꞌgiiꞌthiahiti ꞌcĩ ẽhẽnyĩt ꞌcieeth ngaatĩ ĩĩn hathaac.

ꞌRooma 1:21

Tananga baa aga ꞌthẽccanniooha Nyekuc, baa hõllõngaa abuluth nẽẽg ĩnõõnnõ haau hĩ Nyekuci dĩdĩ, hode anneek ĩnõõnnõ ĩlaallẽ, nẽẽthĩ, ikia ẽꞌthẽcanĩ muhẽẽnĩtĩ cĩnĩĩng nẽ abathit ꞌthinneeti cĩggĩĩng.

ꞌGalaaꞌthia 3:1

Niig ꞌgiiꞌthiaha cĩg ꞌGalaaꞌthia ho! Abuuyyuung occa ꞌthẽk ngagiit nganĩ? Baa odooddothoothĩk Yeesu Krĩstõ hurucceea hẽbẽrẽẽnnĩĩ cugguung vẽlẽk.

1 Tẽꞌthaloonika 4:3

Adiimmuung ngagiit Nyekuci aꞌnyahit ꞌthinneeti ꞌcĩg ẽllẽẽmĩthĩ nẽ ma hattihoonnu tahatak.

1 Tẽꞌthaloonika 5:18

Ĩĩttĩk Nyekuc ĩlaallẽ hõdõõkõthĩ, hĩnĩngĩtĩ ꞌgõõl ꞌcĩ adiimmuung nẽẽ ngagiit aautti hĩ lemmiooha ho cieeni, niig eeta ꞌcĩg elemmu Yeesu Krĩstõ.

1 Timotteeo 1:13

Tananga baa gõõng hothoothi naa thooꞌthiok ꞌcĩg abathĩ ꞌcĩg hõdõõmĩ Nyekuc, hĩ ꞌcĩg huuki lemmiook cĩgĩnnĩg gẽrrẽẽt, aalla ammaannĩkaa nẽẽ nganĩĩt noho, hĩnĩngĩtĩ baa nga hẽlẽm naa ĩnõõnnõ nẽ nga haga thõõth ꞌcĩ hadticani ho buúk.

Tiito 2:8

ꞌLimmaneek eet thõõth cĩ Nyekuci ꞌcĩ ĩĩn dĩdĩ jurrung, hátĩ hiittiõõ hõllõngaa ẽppẽhan eet umwaanĩ. Aꞌngaaõn hatĩ mĩrõha cugunnig, hĩnĩngĩtĩ aitiõõ thõõth ꞌcĩ abathĩ ꞌcĩ ammũda hĩ nganiit hode hĩ ngagĩĩt tõõ.

Tiito 3:3

Baa gõõng haggiithi naag hõjõthẽẽkĩ thõõth cĩ Nyekuci, hĩnĩngĩtĩ hõllõngaa haga nẽ hĩĩtõ appahacaaꞌnya ꞌcĩg habũraneek thooꞌthiok ꞌcĩg abathĩ ꞌcĩg iggoolleet ngagĩĩta. Baa gõõng hĩĩgĩn eet ꞌcĩg habathĩ nẽ halĩĩlĩ hẽlẽggĩ cĩg eetuk, aaburreekeet eeta nẽ haaburreek naag buúk eet vẽlẽk.

1 Pẽẽtũrũ 2:12

Aaut jurrung hatĩ arũmeennu hĩ eet ꞌcĩg nga helemit Nyekuc, tananga õhõppõõcannuung nẽẽg ngagiit thooꞌthiohĩĩ ꞌcĩg abathĩ. Ma hatĩ kõr ꞌcĩ ẽttẽẽdĩ Nyekuci thooꞌthiok, adĩhĩth hatĩ nẽẽg Nyekuc ngaatĩ aduhaanĩ thooꞌthiok ꞌcĩg abũnnaa ꞌcĩg baag acĩn adĩmani niina.

1 Pẽẽtũrũ 3:16

Attacanit ĩhõõggõ ꞌthinneetinii ꞌcĩg alalĩ nẽ aanytĩk muhẽẽnĩt cĩ ꞌthinneeti cugguung hĩĩ tẽlla. Má othooꞌthuung eeta ꞌbuth, aggam hatĩ ĩhõõggõ ngaaoni hatĩ acĩn rũgẽt cunuung ꞌcĩ abũnnaa, hĩnĩngĩtĩ iiginnu niig cĩg Krĩstõ.

1 Pẽẽtũrũ 3:17

Mẽẽn ngaatĩ accananiinnu, hĩnĩngĩtĩ adĩmannu thõõth ꞌcĩ abũnnaa, hatĩ adiim Nyekuci haau noho, hĩllõõan ngaatĩ accananiinnu, hĩnĩngĩtĩ adĩmannu thõõth ꞌcĩ abathĩ.

1 Pẽẽtũrũ 4:2

Ẽtẽrꞌtha thõõth ciee aĩ ũtũngteehu niig hẽlẽggĩ ꞌcĩg ĩĩdĩ ꞌthinneeti cugguung nẽ idiimtu ithiktu thõõth cĩ Nyekuci rũgẽtaa cunuung vẽlẽk.

2 Pẽẽtũrũ 2:12

Aattĩg ꞌlimmanniooha cieeg ĩĩn oloꞌngiaak ko hĩ idiꞌngwaana cĩg moru ꞌcĩg aitiõõ muhẽẽnĩtĩ tõõ, ꞌcĩg arrittiaa, hátĩ hagamtĩ nẽ urugti thõng. Õthõõth nẽẽg thooꞌthiok ꞌcĩg abathĩ ꞌcĩg hõllõngaa aga buúk. Nẽẽthĩ, aduheek hatĩ ĩhõõggõ dtiicanĩ cĩggĩĩng ꞌcĩg abathĩ ho ẽmmẽn hĩĩtõ ꞌthĩĩ.

ꞌJuud 1:10

Õdõõm hinnia eeta cieeg makaaꞌthĩt cĩ hẽẽtkujjieen ꞌcĩ hõllõngaa aga nẽẽgĩ. Aattĩg nẽẽg hĩ idiꞌngwaana ꞌcĩg hõllõngaa aꞌnyak muhẽẽnĩt, adĩman nẽẽg hẽlẽggĩ ꞌcĩg aduhaak muhẽẽnĩtĩ cĩnĩĩng, nĩngĩtĩ ĩkõõthakĩ eleeti cĩggĩĩng daahĩth ẽmmẽn.