1 Pẽẽtũrũ 2:1 - ꞌBuuk cĩ Thõõth cĩ Nyekuci

¹ Nẽẽthĩ hoti ho, ma nga haaburreeku eet ũgĩ nẽ ma haggiiꞌthu eeta, nẽẽthĩ, iꞌthiattaaĩ udukta thõõth ꞌcĩ ĩĩn dĩdĩ. Ma hanyigaranoonnu hode ma hothooꞌthu ꞌgoonogu ꞌbuth.

1 Pẽẽtũrũ 2:1 ပူးပေါင်းရင်းမြစ်များ

Maatteeo 15:7

Niig oloꞌngiaaha cieegi! Baa ẽbẽaneek põrõvẽtaacĩ Iꞌthaia baa othooꞌthuung ngagiit aĩ,

Maatteeo 23:28

Nẽẽthĩ ꞌgõõla hõdẽẽthõng, acĩnnuung eeta battaala iiginnu eet ꞌcĩg abũnnayyu nẽ ꞌthinneetinitõõ cugguung, ĩko nẽẽ iiginnu oloꞌngiaak hĩ ꞌthẽccanniook.

Maatteeo 24:51

Aku hatĩ uuk baattĩ olu dticciannioohit niccia ꞌbuth nẽ itiggia ĩnõõnnõ dtiicaa cĩnnĩ, hõõt hũrũmtĩ hĩ oloꞌngiaak, ngaatĩ arruuẽnĩ eeta hadahit nyĩgĩt huciitha.”

Maatteeo 7:5

Nii oloꞌngiaahiti, ꞌtiha nõõ iggooli ꞌcĩ aꞌnyahi hebereecaa cunni ho hátĩ cĩnĩ jurrung, nẽẽthĩ hátĩ ittiha tahahaac ꞌcĩ mĩllĩꞌnyĩ hebereecaa cĩ ꞌgotonoonu.

Maarko 12:15

Hũdũmatta occoro hode hiittiõõ hõllõngaa hadũmanna?” Nẽẽthĩ, baa aga Yeesu ngaatĩ aꞌnyahĩ nẽẽg muhẽẽnĩt ꞌcĩ abathĩ nẽ ẽdẽc ĩhõõggõ ĩĩnnĩk, “Inni idiimit niig otogollieehaangu nganĩĩt ko? Aꞌnyakta da ꞌdinaar hõdẽẽthõng hĩcĩn naana.”

ꞌLuuka 11:44

“Pĩĩrnanĩt hĩ ngagiita, hĩnĩngĩtĩ aattiyyu hĩ waanyĩta ꞌcĩg hõllõngaa edeeꞌnyia ꞌcĩg aathothi eeta, hĩnĩngĩtĩ hõllõngaa aga.”

ꞌLuuka 12:1

Baa aluttiaak eeta ꞌcĩg ĩĩn aalibꞌnya ꞌcĩg mẽẽlĩg ngaatĩ aayyi Yeesu ĩꞌthõng haathito ũgẽẽgĩ ꞌgõõnõgĩ. Nĩngĩtĩ iꞌthianaanĩ nõõ Yeesu irrioonĩkĩ nuyyiook cĩgĩnnĩg annẽẽkĩ, “Ma haaꞌnyiku ꞌlimman cĩ Variꞌtheei hidiahanuunga. Ĩĩn ꞌlimmanĩ cĩnĩĩng ko õlõng.

ꞌLuuka 6:42

Occa gõõng anneehi nii ꞌgotonu, ‘ꞌGõtõna, ĩꞌnya hittihaii tahahaac hebereecaa cunni,’ nẽ nẽẽ aitiõõ hõllõngaa acini iggooli hebereeca cunni ẽmmẽn? Nii oloꞌngiaahiti, ꞌtiha nõõ iggooli hebereecaa cunni nẽ thĩ hatĩ icinu ꞌgõõl ꞌcĩ attihaanĩ tahahaac hebereecaa cĩ ꞌgotonoonu.

Yõaannẽ 1:47

Ma baa acĩn Yeesu Nathaniele aku obokii ho, ikia õthõõth ĩnõõnnõ ĩĩ, “Eet ꞌcĩ ĩĩn Ĩꞌthĩraẽleenit dẽẽdẽ cieeni, ꞌcĩ hõllõngaa ĩĩn oloꞌngiaahit.”

ꞌRooma 1:29

Iita ẽꞌthẽcattõõ nẽẽg ꞌgoolliohĩĩ cĩg mẽẽlĩg nẽ ĩĩtõ eet ꞌcĩg abathĩ, ĩĩn lobolobbwaak nẽ idticatteek ꞌgõõnõgĩ thooꞌthiok ꞌcĩg abathĩ. Ehethiini hẽlẽggĩ cĩg eetuk, aruk eeta, ẽppẽhanõõ hĩ ꞌgõõnõgĩ, ĩggõõl eet nẽ ummuhit ngaatĩ adĩmanĩ thooꞌthiok ꞌcĩg abathĩ. Aangal ngaatĩ õꞌngõmtĩ ꞌgõõnõgĩ,

1 Korinthia 14:20

ꞌGotoonoga hĩ ngoonoga, ma haꞌnyaku muhẽẽnĩt hĩ lohollia ꞌcĩg hidicẽẽgĩ. Nẽ thõõthaa ꞌcĩ abathĩ, ĩmmĩrĩt aaut hĩ ĩdõlẽẽta nẽẽthĩ, muhẽẽttaa cunuung, aꞌnyahit muhẽẽnĩt hĩ eeta ꞌcĩg obbitẽẽgĩ.

1 Korinthia 5:8

Nẽẽthĩ hoti ho, huꞌthuutti karrama, hõllõngaa abũũlanĩĩ ꞌcĩg ũnũũhĩtõ ĩcĩg thõõth ꞌcĩ abathĩ, hode ĩcĩ ꞌthẽccaanõ, adahit karrama ũbũnẽẽtĩĩ ꞌcĩg aitiõõ abũũlana tõõ, ũbũnẽẽt cĩg thõõth ꞌcĩ ĩĩn dĩdĩ.

2 Korinthia 12:20

Homoꞌthi naa haini ma hikia naana, hõllõngaa hatali ngaatĩ hammũdaakuung ngagiit aattiyyu ꞌgõõlaa ꞌcĩ hõllõngaa hadiimi naana nẽ aitiõõ hatĩ niig buúk hõllõngaa atallu ꞌgõõl ꞌcĩ haayyi naana. Nẽ hiꞌngolli naa ngaatĩ occa aꞌnyaku ꞌgerenyi, hĩ inan hĩ lĩĩlĩẽẽnĩt hĩ voggongi hĩ tongomi hĩ ꞌrianĩĩth hĩ tahahaaꞌthĩt.

Eevvetho 4:31

Ũtũngteek tõngõrõrẽẽꞌthĩt hĩ liilii hĩ ngoongoi hĩ jore hĩ thõõth ꞌcĩ othooꞌthu ꞌgoonogu ꞌbuth hĩ thooꞌthiok vẽlẽk ꞌcĩg abathĩ.

1 Tẽꞌthaloonika 2:3

Hõllõngaa haaunna naag hallimannuung ngagiit, hátĩ hõmmõdattuung hode hallabtuung thõng.

1 Timotteeo 3:11

Nẽ ꞌgõõlaa cĩ buúk, abũnnaa iꞌngolli ngaaĩ cĩggĩĩng eet nẽ udukta thõõth ꞌcĩ ĩĩn dĩdĩ nẽ hõllõngaa õngõmĩt eeta, hode hõllõngaa ĩĩn duuttiak nẽ aanytĩk huꞌthuutti thooꞌthiok vẽlẽk ꞌcĩg abũnnaa ꞌcĩg adĩman nẽẽgĩ.

Tiito 2:3

Nẽ ꞌgõõlaa nĩĩcĩ dioo, ꞌlimman morwak buúk, haauto ꞌgõõlaa ꞌcĩ accamana Nyekuci. Aꞌnyĩĩk hiittiõõ hõllõngaa addangaak eet umwa haaga nẽ ma hahuddu mẽrtĩ gẽrrẽẽt. Aꞌnyĩĩk hillimanit thõõth ꞌcĩ abũnnaa cĩ Nyekuci.

Ebereei 12:1

Nẽẽthĩ hoti ho, irriamaneekeet ngagĩĩt lothippiti cobbi cĩ eet ꞌcĩg ĩĩn hẽbẽrĩ cĩg rũgẽt cĩ lemiitto. Hadiim hũũnnĩk naag hẽlẽggĩ vẽlẽk hĩ ꞌthẽccanẽẽt ꞌcĩg alaammeet ꞌgõõlaa ꞌcĩ hõdõlanĩ rũgẽt ꞌcĩ aalla ooo. Hetemeethit thooꞌthiok ꞌcĩg abathĩ ꞌcĩg alaammeet ngagĩĩt ngaatĩ hanũĩ ꞌlimman cĩ Yeesu.

ꞌJeemith 1:21

Nẽẽthĩ hoti ho, ũtũngĩt thooꞌthiok vẽlẽk ꞌcĩg ĩĩn ꞌriiring hĩ bathi ꞌcĩ ũdaan looc ko, ma hathĩngõõnyannu, elemit nyeemuut baa allimanoothikuung ngagiit ꞌcĩ hatĩ ẽẽlannuung ngagiita.

ꞌJeemith 3:14

Nẽ má abbĩꞌthĩĩ iniaani ꞌcĩ abathĩ hĩ thĩngõõnyani ꞌthĩnĩtaa cunni, ma hatali hode ma hammuti thõõth ꞌcĩ ĩĩn dĩdĩ.

ꞌJeemith 4:11

ꞌGotoonoga hĩ ngoonoga, ma hetteediku ꞌgoonogu thooꞌthiok. Ẽẽtĩ ꞌcĩ etteedĩk ꞌgõõnĩ thõõth, aaĩ hĩcĩ etteedĩk nyattal cĩ Nyekuci thõõth. Ma etteedihi nii nyattal thõõth, aitiõõ hõllõngaa aꞌthũũnnĩ nyattal, nẽẽthĩ, aburi ngaatĩ anũĩ ĩnõõnnõ.

ꞌJeemith 4:5

Ĩccaaddu niig thõõth ꞌcĩ aduha ꞌBuuhi cĩ Nyekuci aĩ, “Aꞌthũũnnĩ Nyekuci lori baa aarĩk nẽẽ ꞌthinneetinii cĩggaac jurrung?”

ꞌJeemith 5:9

ꞌGotoonoga hĩ ngoonoga, ma hongoongoeeku ꞌgoonogu, hode etteedoothĩkuung hinnia hatĩ ngagiit thõõtha. Hĩnĩngĩtĩ ĩbĩl ꞌgaadĩ ꞌcĩ ẽttẽẽd thõõth hattũũga.

1 Pẽẽtũrũ 2:16

Hĩnĩngĩtĩ õõgtau niig aauttu lõꞌngõõc, nẽẽthĩ, nga iiginnu appahacaaꞌnya cĩg Nyekuci noho, nẽẽthĩ, ma hadticaniinnu thõõth ꞌcĩ ooggiannu aaut lõꞌngõõc ko, ĩdĩmattĩ thooꞌthiok ꞌcĩg abathĩ.

1 Pẽẽtũrũ 2:22

Baa hõllõngaa ẽꞌthẽcan Krĩstõ thõõth umwa hode aduha õlõng.

1 Pẽẽtũrũ 3:10

Hĩnĩngĩtĩ aduha ꞌBuuhi cĩ Nyekuci aĩ, “Ammĩnannu ꞌthẽk niig rũgẽt dĩdĩ? Adiimmu ꞌthẽk niig accamanoothiku? Ma thĩ nga hothooꞌthu thooꞌthiok ꞌcĩg abathĩ nẽ ma nga hothooꞌthu thooꞌthiok ꞌcĩg ĩĩn õlõng.

1 Pẽẽtũrũ 4:2

Ẽtẽrꞌtha thõõth ciee aĩ ũtũngteehu niig hẽlẽggĩ ꞌcĩg ĩĩdĩ ꞌthinneeti cugguung nẽ idiimtu ithiktu thõõth cĩ Nyekuci rũgẽtaa cunuung vẽlẽk.

1 Pẽẽtũrũ 4:4

Nẽ ꞌyioko, ukullieek ꞌgoonogu baag gõõng ookorru ꞌjieen, hĩnĩngĩtĩ iittiõõ hõllõngaa ookorru niig hĩ ĩhõõggõ, ngaatĩ adĩmannu thooꞌthiok ꞌcĩg abathĩ nẽ odoomtuung nẽẽg ngagiit, hĩnĩngĩtĩ thooꞌthiok iccig.

Terethiinit 14:5

Eet ꞌthẽk ꞌcĩg nga hoolongit ũdũt nẽ occa hõllõngaa aꞌngaaꞌnyi haaga.