1 Pẽẽtũrũ 1:8 - ꞌBuuk cĩ Thõõth cĩ Nyekuci

⁸ Ammĩnannu niig Yeesu tananga nga ĩcĩnĩt ĩnõõnnõ. Tananga hõllõngaa acinnu ĩnõõnnõ ꞌyioko, elemmu niig ĩnõõnnõ nẽ accamattoothihu taliittaa ꞌcĩ aꞌnyak bulẽẽnĩt ꞌcĩ hõllõngaa athithanni.

1 Pẽẽtũrũ 1:8 ပူးပေါင်းရင်းမြစ်များ

Maatteeo 10:37

“Ẽẽtĩ ꞌcĩ ammĩnan maaꞌnyĩ hode aattĩnnĩ hĩllõõan ngaatĩ ammĩnanna nganĩĩta, hõllõngaa ĩĩn caannĩ. Nẽ ẽẽtĩ ꞌcĩ ammĩnan ngeerĩnĩ hode bũhaanyĩnĩ hĩllõõan ngaatĩ occa ammĩnanna nganĩĩta, hõllõngaa ĩĩn nẽẽ buúk eet caannĩ,

Yõaannẽ 14:15

Baa aduhaak Yeesu nuyyiook cĩgĩnnĩg anneek, “Má ammĩnannaangu niig nganĩĩta, aꞌthuunnu hatĩ thõõth ꞌcĩ haduhaakuung naana.

Yõaannẽ 14:21

Ẽẽtĩ ꞌcĩ aꞌthũũnnĩ tilooinit caannĩ, ĩnõõnnõ ꞌcĩ ammĩnannaa nganĩĩta. Nẽ ẽẽtĩ ꞌcĩ ammĩnannaa nganĩĩt ko, ammĩnan hatĩ Baaba buúk ĩnõõnnõ, hammĩnani hatĩ naa buúk eet tĩho nẽ heteretheeha ẽlẽ caannĩ ĩnõõnnõ.”

Yõaannẽ 14:24

Ẽẽtĩ ꞌcĩ hõllõngaa ammĩnannaa nganĩĩta, hõllõngaa aꞌthũũnnĩ nẽẽ ꞌlimman caannĩ. Thooꞌthioha ꞌcĩg athiknu hĩ nganĩĩt ko, hõllõngaa ĩĩn cĩgannĩg, ĩĩn thooꞌthiok ꞌcĩg Baaba baa ĩꞌthõõannaa nganĩĩta.

Yõaannẽ 16:22

Nẽẽthĩ, aaĩ hatĩ noho buúk hĩ ngagiita. Ĩĩn ꞌyioko ciee ꞌthaa ꞌcĩ ommothiinnu niiga, nẽẽthĩ, nga hatĩ hau hõmmõtõõ tarĩ nẽ thĩ hatĩ accamattoothihu nẽ aitiõõ hatĩ ẽẽtĩ ꞌcĩ aggamaannuung taliinit cunuung ko tõõ.

Yõaannẽ 20:29

Nĩngĩtĩ aduhaakĩ Yeesu ĩnõõnnõ annẽẽkĩ, “Ẽlẽmmaa nii nganĩĩt, hĩnĩngĩtĩ ĩcĩnaa thõng. Aꞌnyĩĩk haggatan Nyekuci eet ꞌcĩg ẽlẽmma nganĩĩt nga hĩcĩttaanĩ.”

Yõaannẽ 8:42

Nĩngĩtĩ annẽẽkĩ Yeesu eet cĩg ꞌJudeei, “Má baa hĩĩ Nyekuci Maaꞌnyu cunuung, occa ꞌyioko ammĩnannaangu nganĩĩta, hĩnĩngĩtĩ baa hakuu naa hĩ ĩnõõnnõ nẽ ꞌyioko nganĩĩt cieeni. Baa hõllõngaa hakuu naa ẽmmẽn, baa ĩꞌthõõannaa nẽẽnĩ.

Dtiicanĩ cĩg ꞌThooyyiahu 16:34

Ma nĩngaata, ikia aꞌnyaha ꞌgaalacĩ Paaulo hĩ ꞌThĩĩla õlõõ cĩnnĩ nẽ aaꞌnyĩk ꞌgẽẽn. Baa atalĩ nẽẽ gẽrrẽẽt, hĩnĩngĩtĩ ikia ẽlẽm nẽẽ hĩ eet cĩg halang cĩnnĩ vẽlẽk Nyekuc.

ꞌRooma 14:17

Hĩnĩngĩtĩ hõllõngaa ĩĩn habuccieet cĩ Nyekuci cĩ duhẽẽttõ hode cĩ hũdẽẽttõ, nẽẽthĩ, ĩĩn habuccieet ꞌcĩ haaꞌnyĩkĩ Nyekuc haccamanoothĩk nẽ ĩĩ ꞌcĩ haattiyyi ganõõna hĩ ꞌcĩ haattiyyi taliitta dĩdĩ. Aku thõõth ciee vẽlẽk, hĩnĩngĩtĩ Lori ꞌcĩ Ẽllẽẽmĩthĩ.

ꞌRooma 15:13

Hala naa Nyekuc ꞌcĩ aaꞌnyĩk eet muhẽẽnĩt ꞌcĩ abũnnaa, haggatanuung ngagiit accamattoothĩk aaut ganõõna, hĩnĩngĩtĩ lemiinit cunuung. Nẽ aꞌnyĩĩk ꞌtirrian cĩ Lori ꞌcĩ Ẽllẽẽmĩth haaꞌnyuung ngagiit muhẽẽnĩt ꞌcĩ abũnnaa.

1 Korinthia 16:22

Má hõllõngaa ammĩnan eet umwaa Makayyioohit, ĩccĩĩnĩ nẽẽ ẽlẽk. Anneek baaĩ nuun Makayyioohit ijjia!

2 Korinthia 1:22

nẽ aaꞌnyeet ngagĩĩt nyamacaar cĩnnĩ ꞌcĩ hĩĩgĩnnĩ naag cĩgĩnnĩg nẽ aarĩkeet Lori ꞌcĩ Ẽllẽẽmĩth ꞌthinneetinii cĩggaac, hẽtẽrẽtha ngaatĩ hĩĩgĩnnĩ naag cĩgĩnnĩg.

2 Korinthia 12:4

Nẽẽthĩ, baa õkõõĩ honoothi ĩnõõnnõ hẽẽtahujjieen ngaatĩ baa õkõ athĩknĩ hẽlẽggĩ ꞌcĩg ẽllẽẽmĩth gẽrrẽẽt, ꞌcĩg anyamanneet ngaatĩ hathithanĩ.

2 Korinthia 4:18

Hẽlẽggĩ ꞌcĩg hacĩn naag thõng ko, ĩĩn hẽlẽggĩ ꞌcĩg hõllõngaa aalla ooo nẽ hẽlẽggĩ ꞌcĩg hõllõngaa hacĩn naaga, ĩĩn hẽlẽggĩ ꞌcĩg aalla ooo. Nẽ ꞌyioko hubbuuhit hẽbẽrĩ cĩggaac, hátĩ hĩcĩnĩt hẽlẽggĩ ꞌcĩg hõllõngaa edeeꞌnyia ho, hĩnĩngĩtĩ aalla hatĩ nẽẽg ooo.

2 Korinthia 5:7

Harũgĩ naag hĩnĩngĩtĩ hẽlẽmmĩ Makayyioohit, hõllõngaa hĩnĩngĩtĩ hẽlẽggĩ ꞌcĩg hacĩn naag thõng.

2 Korinthia 9:15

Hatalit Nyekuc, hĩnĩngĩtĩ ꞌbaaninit cunuung ꞌcĩ maka gẽrrẽẽt ĩllõõan, ꞌcĩ hõllõngaa occa athithan ẽẽtĩ umwaa ũdũt!

ꞌGalaaꞌthia 5:22

Nẽẽthĩ, aaꞌnyeet Lorii ꞌcĩ Ẽllẽẽmĩth hĩmmĩnattõ, haccamattoothĩk, haaut lõꞌngõõc, haꞌnyahit ꞌthinneeti ꞌcĩg makatĩg, hĩĩtõ tarbalĩg, hũbũttaath, huꞌthuutti lemiinit,

ꞌGalaaꞌthia 5:6

Aitiõõ Yeesu Krĩstõ hõllõngaa aꞌnyak thõõth umwa hĩ eet ꞌcĩ ẽttẽẽdĩ ẽlẽ, hode nga hẽttẽẽdĩ ẽlẽ. Aaddi lemiiniti dioo ꞌcĩ hammĩnanõõnĩ naaga.

Eevvetho 3:19

Hadiimmuung naa ngagiit agaac thõõth vẽlẽk cĩ mĩnnan cĩ Krĩstõ, tananga ĩllõõan ꞌgẽẽnyĩth ꞌcĩ occa appiimanni, nẽẽthĩ hatĩ aau Nyekuci rũgẽtaa cunuung.

Eevvetho 6:24

Aꞌnyĩĩk Nyekuc hĩĩ tarbal hĩ eet vẽlẽk ꞌcĩg aalla ammĩnan Makayyioohit cĩnaac Yeesu Krĩstõ.

Pilippi 1:25

Hĩnĩngĩtĩ hagawa thõõth icci, haga naa haini haalla hatĩ harugi nẽ harũmĩ hatĩ hĩ ngagiit vẽlẽk, hátĩ heeluung ngagiit ĩtĩlĩthĩt nẽ accamattoothihu, hĩnĩngĩtĩ lemiinit cunuung,

Pilippi 3:3

Hĩnĩngĩtĩ ngagĩĩt dẽẽdẽ ꞌcĩg halayyi Loriiaa cĩ Nyekuci ꞌcĩg etteeddi ꞌthinneeti Loriia dĩdĩ. Hirrianĩ naag thooꞌthiok baag ĩdĩmaneeheet Yeesu Krĩstõ ngagĩĩt ẽlẽk. Hõllõngaa hirrian, hĩnĩngĩtĩ hẽlẽggĩ ꞌcĩg hĩdĩmanit naaga,

Pilippi 4:4

Accamattoothĩk hõdõõkõthĩ, hĩnĩngĩtĩ Makayyioohit! Hõbõdẽẽkĩ tarĩ haini, accamattoothĩk.

Ebereei 11:1

Aaꞌnyeet lemiiniti hagaac muhẽẽnĩt ꞌcĩ abũnnaa ꞌcĩ haꞌnyak naaga nẽ etereꞌtheet ꞌgii ꞌcĩ hõllõngaa hacĩnĩ.

Ebereei 11:27

Hĩnĩngĩtĩ lemiinit cĩnnĩ, ikia ũtũngeek Mũũꞌtha Ijjib. Baa adtuuha Mũũꞌtha Nyekuc ꞌcĩ hõllõngaa edeeꞌnyia nẽ hõllõngaa iꞌngolli liilii cĩ habuuo.

1 Pẽẽtũrũ 1:6

Nẽẽthĩ, accamattoothĩk dĩdĩ. Nga ꞌthẽk aayyiaa taliiniti cobbi gẽrrẽẽt ĩĩcĩ oou, tananga occa nga emmeꞌthu ꞌtĩmman ꞌgoolliohĩĩ ꞌcĩg mẽẽlĩg hĩdĩhĩdĩĩc.

1 Pẽẽtũrũ 2:7

Nẽ niig eeta ꞌcĩg elemmu ĩnõõnnõ ho, aaddi bẽẽ ciee gẽrrẽẽt. Nẽẽthĩ, hĩ eet ꞌcĩg hõllõngaa ẽlẽmĩ, “Ikia ĩĩ bẽẽ ꞌcĩ tiiri gẽrrẽẽt,”

1 Pẽẽtũrũ 5:4

Ma õbõda Krĩstõ tũhayyioohiti ꞌcĩ ĩĩn habu, ammũdaanu hatĩ dũman cĩ bulẽẽnĩt ꞌcĩ hõllõngaa edecciaa ũdũt.