1 Pẽẽtũrũ 1:3 - ꞌBuuk cĩ Thõõth cĩ Nyekuci

³ Hĩdĩhĩthĩt Nyekuc Maaꞌnyĩ Makayyioohit cĩnaac Yeesu Krĩstõ. Tamaatittaa cĩnnĩ ĩcobbi, aaꞌnyeet Nyekuci ngagĩĩt rũgẽt ꞌcĩ ĩĩn ngeju hĩ muhẽẽnĩt ꞌcĩ abũnnaa ꞌcĩ aalla ũdũt, ngaatĩ arũgthaanĩ Yeesu daahĩtha.

1 Pẽẽtũrũ 1:3 ပူးပေါင်းရင်းမြစ်များ

Yõõna 4:2

Nĩngĩtĩ alaĩ nẽẽ Makayyioohit annẽẽkĩ, “Baa hagawa naa thõõth icci baa ĩĩcĩ oou hĩĩna, aitiõõ hatĩ nii hõllõngaa aruhi eet cĩg ꞌtaaũn cĩ Nineve. Ĩnõõ ꞌcĩ hũũnnĩkĩĩ naa looc caannĩ dẽẽdẽ nẽ hũũha ĩĩcĩ looc cĩ Tarthithi ho. Ĩĩnĩ nii Nyekuc ꞌcĩ tarbalĩ nẽ atamaatihuu eeta nẽ emmeethi thooꞌthiok gẽrrẽẽt. Ẽtẽrꞌtha nii mĩnnan hõdõõkõthĩ nẽ hõllõngaa adiim uuki eet umwa, tananga eet cĩg looc ꞌcĩ ꞌrĩĩng.

Yõaannẽ 1:13

Baa hõllõngaa ĩĩn nẽẽg lõhõlĩ cĩg Nyekuci hĩgõõng arrita eeta lõhõlĩ cĩggĩĩng, baa Nyekuc ꞌcĩ aaꞌnyĩk ĩhõõggõ hittirria hiita hĩĩtõ lõhõlĩ cĩgĩnnĩg ko.

ꞌRooma 12:12

Aanytĩk muhẽẽnĩt cunuung ꞌcĩ abũnnaa haaꞌnyuung ngagiit accamattoothĩk. Etemeethit pĩĩrnanĩt korrioohĩĩ ꞌcĩg abathĩ nẽ ma habĩllu laiinit.

ꞌRooma 15:13

Hala naa Nyekuc ꞌcĩ aaꞌnyĩk eet muhẽẽnĩt ꞌcĩ abũnnaa, haggatanuung ngagiit accamattoothĩk aaut ganõõna, hĩnĩngĩtĩ lemiinit cunuung. Nẽ aꞌnyĩĩk ꞌtirrian cĩ Lori ꞌcĩ Ẽllẽẽmĩth haaꞌnyuung ngagiit muhẽẽnĩt ꞌcĩ abũnnaa.

ꞌRooma 4:25

Baa aaꞌnyĩk Nyekuci Yeesu hadaak, hĩnĩngĩtĩ ꞌthẽccanẽẽt cĩggaac nẽ ũrũgũtha ĩnõõnnõ daahĩtha, hátĩ helemeet Nyekuci ngagĩĩta.

ꞌRooma 5:10

Tananga baa hĩĩtõ naag mĩrõk cĩg Nyekuci, ikia aganĩꞌtheet nẽẽ ngagĩĩta, hĩnĩngĩtĩ baa adaahĩ Ngeerĩnĩ, hĩnĩngĩtĩ ngagĩĩta. Nẽẽthĩ, nga aayyiaa ꞌgiimwaa ꞌcĩ ĩllõõan ꞌgõnnaꞌthẽẽt cĩnaac. Nẽẽthĩ ꞌyioko, hĩcĩ hagayyiõõ naag hĩ Nyekuc ko, heelliaa hatĩ naag rũgẽtaa cĩ Ngeerĩnĩ.

ꞌRooma 8:11

Nẽ má aaĩ Lorii cĩ Nyekuc baa arũgtha Yeesu daahĩtha hĩ ngagiita, aaꞌnyĩk hatĩ Nyekuci baa arũgtha Krĩstõ daahĩtha eleeti cugguung ꞌcĩg occa adaahĩ ho, rũgẽt Loriiaa cĩnnĩ ĩcĩ aaĩ hĩ ngagiita.

ꞌRooma 8:24

Hĩnĩngĩtĩ muhẽẽttaa ꞌcĩ abũnnaa ho, hiita heellia naaga. Nẽẽthĩ, ma edeeꞌnyia muhẽẽnĩtĩ ꞌcĩ abũnnaa ho, iittiõõ hõllõngaa ĩĩn muhẽẽnĩt ꞌcĩ abũnnaa dĩdĩ. Nganĩ ꞌcĩ aꞌnyak muhẽẽnĩt ꞌcĩ abũnnaa ꞌgiiaa ꞌcĩ aꞌnyak nẽẽ ẽlẽk?

1 Korinthia 13:13

Nẽẽthĩ ꞌyioko, aattĩg thooꞌthioha iyyio, lemiinit hĩ muhẽẽnĩt ꞌcĩ abũnnaa hĩ mĩnnan. Nẽẽthĩ, thooꞌthiohĩĩ cĩg vẽlẽk, mĩnnan ꞌcĩ ĩllõõanĩ.

1 Korinthia 15:20

Nẽẽthĩ dĩdĩ, baa ũrũga Krĩstõ daahĩtha! Nẽ aaꞌnyeet ngagĩĩt hagaac, ngaatĩ hatĩ arũgnaanĩ eeta ũgẽẽgĩ buúk daahĩtha.

2 Korinthia 1:3

Hĩdĩhĩthĩt Nyekuc ꞌcĩ ĩĩn Maaꞌnyĩ Makayyioohit cĩnaac Yeesu Krĩstõ, ꞌcĩ ĩĩn tamaattiohit nẽ ĩĩ Baangeet, ꞌcĩ aku mammaayaniiniti vẽlẽk hĩ ĩnõõnnõ.

ꞌGalaaꞌthia 6:16

Aaꞌnyĩk hatĩ Nyekuci eet vẽlẽk ꞌcĩg anũ thõõth icci, authet ꞌcĩ aattiyyi lõꞌngõõc hĩ tamaati cĩnnĩ, tananga eet cĩg Ĩꞌthĩraẽlĩ cĩg Nyekuci.

Eevvetho 1:17

Hara naa hala Nyekuc Baangeet ꞌcĩ abuli cĩ Makayyioohit cĩnaac Yeesu Krĩstõ, hátĩ haaꞌnyuung Lori ꞌcĩ Ẽllẽẽmĩthĩ. Aaꞌnyuung hatĩ Lorii ꞌcĩ Ẽllẽẽmĩth ko ngagiit eggeenyit nẽ agayyu thõõth ꞌcĩ hagaĩ Nyekuc jurrung.

Eevvetho 1:3

Hĩdĩhĩthĩt Nyekuc Maaꞌnyĩ Makayyioohit cĩnaac Yeesu Krĩstõ ꞌcĩ aꞌnyahaakeet ngagĩĩt ꞌgattan hẽẽtahujjieen.

Eevvetho 1:7

Abal Nyekuci tarbalꞌthẽẽt hĩ bũnnai hĩ ꞌgẽẽnyĩth nẽ ũtũũwa oggiaanĩt cĩnaac biyyiẽẽtĩĩ cĩg Ngeerĩnĩ nẽ ũtũngeek ꞌthẽccanẽẽt cĩggaac.

Eevvetho 2:4

Nẽẽthĩ, hĩnĩngĩtĩ mĩnnan cĩnnĩ cobbi ꞌcĩ aꞌnyaheekeet nẽẽ ngagĩĩta, ikia Nyekuci ꞌcĩ aꞌnyak tamaati ꞌcĩ maka,

Eevvetho 3:20

Nẽ ꞌyioko, aꞌnyĩĩk bulẽẽnĩt vẽlẽk haau hĩ Nyekuc. Ĩnõõnnõ ꞌcĩ ũũlũ ngaatĩ occa adticanĩ thooꞌthiok ꞌcĩg ĩllõõan ngaatĩ occa hajini ĩnõõnnõ hode hammuhi, ꞌtirrianaa ꞌcĩ adticaniini nẽẽ eleetinii cĩggaac.

Kolooꞌthe 1:23

Nẽẽthĩ, má aallannu elemmu nẽ okomtu thõõth ꞌcĩ ĩĩn dĩdĩ, ma hẽꞌngẽlannu thõõthaa baa ĩĩn dĩdĩ ĩbaa ithiktu niig nyeemuutaa ꞌcĩ abũnnaa. Baa irrioonni nyeemuut ꞌcĩ abũnnaa ho looc vẽlẽk nẽ naa Paaulo, baa ẽbẽraawa Nyekuci hĩĩ dticciannioohit ꞌcĩ hirriooni thõõth icci.

Kolooꞌthe 1:27

Hĩnĩngĩtĩ baa adiimmuung ngagiit Nyekuci eet ꞌcĩg hõllõngaa ĩĩgĩnnu ꞌJudeei, agaac ngaatĩ ĩĩnnĩ baliiniti hĩ bulẽẽnĩt cĩ Krĩstõ cunuung buúk. Thõõth ꞌcĩ ammiꞌthi ho cieeni. Aaĩ Krĩstõ hĩ ngagiita. Aaꞌnyuung thõõth ciee ngagiit agaac ngaatĩ hatĩ othollu niig bulẽẽnĩt cĩnnĩ.

1 Tẽꞌthaloonika 1:3

Gõõng haduhaaka naag Nyekuc Baangeet hõdõõkõthĩ thõõth cĩ lemiinit cunuung hĩ dtiic cunuung cĩ mĩnnaanõ, ꞌcĩ ĩĩn dĩdĩ hĩ ĩnõõnnõ, hĩ ngaatĩ aꞌnyaku muhẽẽnĩt ꞌcĩ õkõmĩ hĩ Makayyioohit cĩnaac Yeesu Krĩstõ.

1 Tẽꞌthaloonika 4:13

ꞌGotoonoga hĩ ngoonoga, aitiõõ hõllõngaa hadiimmuung naag ngagiit ĩĩtõ eet ꞌcĩg hõllõngaa agayyu thõõth cĩ ꞌgoonogu baag adaahito ẽlẽk, hátĩ hiittiõõ hõllõngaa arruennu gẽrrẽẽt, hĩ eeta ꞌcĩg hõllõngaa aꞌnyak muhẽẽnĩt.

2 Tẽꞌthaloonika 2:16

Aꞌnyĩĩk Makayyioohit cĩnaac Yeesu Krĩstõ hĩ Nyekuc Baangeet cĩnaac ꞌcĩ ammĩnanneet ngagĩĩt bũnnaiitta cĩnnĩ nẽ aaꞌnyeet kũttan ꞌcĩ aalla ooo hĩ muhẽẽnĩt ꞌcĩ abũnnaa,

1 Timotteeo 1:14

Baa tarbal Makayyioohiti cĩnaac Yeesu Krĩstõ hĩ nganĩĩta. Baa aggatan nẽẽ rũgẽt caannĩ lemiitta, hĩ mĩnnaanaa haau hĩ loholeec cĩnnẽẽnĩ.

Tiito 2:13

nga haꞌnyak muhẽẽnĩt ꞌcĩ hẽrẽẽĩ kõr cĩ decciaanĩt cĩ lootu ꞌcĩ hatĩ edeeꞌnyianĩ bulẽẽnĩtĩ cĩ Yeesu Krĩstõ ꞌcĩ ĩĩn Nyekuc hĩ Ellioohit cĩnaac.

Ebereei 3:6

Nẽẽthĩ, ĩĩn Krĩstõ Ngeertĩ Nyekuci ꞌcĩ aggam eet cĩg Nyekuci. Nẽ hĩĩgĩn naag eet tĩko, hatĩ haalla haꞌthĩlan nẽ huꞌthuutti muhẽẽnĩt ꞌcĩ abũnnaa.

ꞌJeemith 1:18

Adiimmeet Nyekuci ngagĩĩt hĩĩtõ eet cĩgĩnnĩg nẽ ĩꞌthõõa nyeemuut ꞌcĩ ĩĩn dĩdĩ haaꞌnyeet ngagĩĩt rũgẽt ꞌcĩ ĩĩn ngeju.

1 Pẽẽtũrũ 1:13

Aaut dĩkĩĩm nẽ aanytĩk muhẽẽnĩt cunuung hũũlan. Aarrik muhẽẽnĩt cunuung ꞌcĩ abũnnaa vẽlẽk ꞌgõõlaa ꞌcĩ hatĩ ĩĩnnĩ Nyekuci tarbal hĩ ngagiit hatĩ uppwaanna Yeesu Krĩstõ.

1 Pẽẽtũrũ 1:21

Nẽ hĩnĩngĩtĩ Krĩstõ, iita elemtu niig Nyekuc nẽ aꞌnyaktu lemiinit cunuung hĩ muhẽẽnĩt ꞌcĩ abũnnaa hĩ Nyekuc baa arũgtha Krĩstõ daahĩtha nẽ aaꞌnyĩk ĩnõõnnõ bulẽẽnĩt cobbi gẽrrẽẽt.

1 Pẽẽtũrũ 1:23

Baa aaꞌnyuung Nyekuci ngagiit rũgẽt ꞌcĩ ĩĩn ngeju ꞌcĩ hõllõngaa aku ꞌgiiaa ꞌcĩ occa adaahĩ, nẽẽthĩ, aku ꞌgiiaa ꞌcĩ hõllõngaa occa adaahĩ. Baa ittirriaau niig tarĩ, nyeemuutaa cĩ Nyekuci ĩcĩ arũgĩ ũdũt.

1 Pẽẽtũrũ 2:2

Aaut hĩ ĩdõlẽẽta ꞌcĩg adiim ira ꞌcĩg tẽllĩg ꞌcĩg au hĩ Nyekuc diooni, ꞌcĩ occa eelluung ngagiit ĩtĩlĩthĩt elliaattaa cunuung,

1 Pẽẽtũrũ 3:15

Itingolli Krĩstõ nẽ aanytĩhu hĩĩ Makayyioohit rũgẽtaa cunuung. Má ajinnuung eet umwaa thõõth cĩ lemiinit cunuung, ũkũmattoothĩk hõdõõkõthĩ, hátĩ attacanit, nẽẽthĩ, ĩdĩmanit thõõth icci tarbalꞌthẽẽta hĩ ngaatĩ iꞌngoliinnu ĩnõõnnõ.

1 Pẽẽtũrũ 3:21

Ĩthakꞌthoothĩk maama cĩg tawaanak ko, baattithimo ꞌcĩ ꞌyioko ẽẽlannuung ngagiit ko. Nẽẽthĩ, ĩllõõan baattithimo tũũnyẽnĩt cĩ ꞌriiring cĩg ẽllaak. Ĩĩn baattithimo ꞌgõõl ꞌcĩ õbõdaanĩ eeta hĩ Nyekuc ꞌthinneetinii ꞌcĩg abũnnaa, hĩnĩngĩtĩ baa ũrũga Yeesu Krĩstõ daahĩtha.

1 Pẽẽtũrũ 3:5

Baa gõõng ꞌgõõl ꞌcĩ aattiyyi ngaaĩ ꞌcĩg ala Nyekuc nẽ aarrik ꞌthinneeti cĩggĩĩng hĩ ĩnõõnnõ cieeni, baa aaꞌnyĩk nẽẽg eleeti cĩggĩĩng helleemito ꞌgõõlaa ꞌcĩ athĩknĩ maaccwa cĩggĩĩng.

1 Yõaannẽ 2:29

Hĩcĩ haga naag haĩ, adĩman Krĩstõ thõõth ꞌcĩ aũlanĩ, haga naag buúk haĩ ĩĩn eeta vẽlẽk ꞌcĩg adĩman thõõth ꞌcĩ aũlan, lõhõlĩ cĩg Nyekuci.

1 Yõaannẽ 3:3

Aaꞌnyeet thõõth ꞌcĩ haarĩkĩ ꞌthinneeti thõõth icci ho, helleemit hĩcĩ ẽllẽẽmĩth Krĩstõ.

1 Yõaannẽ 3:9

Hõllõngaa occa aalla adĩman lohollia cĩg Nyekuci ꞌthẽcan. Hĩnĩngĩtĩ aaĩ ꞌtirriani cĩ Nyekuci ꞌcĩ aaꞌnyĩk ĩhõõggõ rũgẽt nẽ aaꞌnyĩk ĩhõõggõ hĩĩtõ lõhõlĩ cĩgĩnnĩg, hátĩ hiittiõõ hõllõngaa ara adĩman ꞌthẽccan.

1 Yõaannẽ 4:7

ꞌGotoonoga hĩ ngoonoga, hĩmmĩnanit eleeti cĩggaac, hĩnĩngĩtĩ aku mĩnnanĩ hĩ Nyekuc. Ẽẽtĩ ꞌcĩ aꞌnyak mĩnnan, ĩĩn nẽẽ loholeec cĩ Nyekuci nẽ aga nẽẽ Nyekuc.

1 Yõaannẽ 5:1

Ẽẽtĩ ꞌcĩ ẽlẽmĩ ngaatĩ ĩĩnnĩ Yeesu, Krĩstõ, ĩĩn nẽẽ loholeec cĩ Nyekuci nẽ ẽẽtĩ ꞌcĩ ammĩnan Maaꞌnyĩ, ammĩnan nẽẽ ngeerĩnĩ buúk.

1 Yõaannẽ 5:18

Haga naag jurrung haĩ, hõllõngaa aalla lohollia cĩg Nyekuci ẽꞌthẽcan thooꞌthiok. Hĩnĩngĩtĩ eteiini Ngeertĩ Nyekuci ĩhõõggõ nẽ hõllõngaa occa adĩman ꞌThĩttaanĩ ĩhõõggõ ꞌbuth.

1 Yõaannẽ 5:4

Aga lohollia cĩg Nyekuci vẽlẽk, ngaatĩ occa ĩllõõanĩ looc nicci ꞌthẽccaanõ ho nẽ hammũda naag ꞌlõõani icci lemiittaa cĩnaac.