1 Pẽẽtũrũ 1:23 - ꞌBuuk cĩ Thõõth cĩ Nyekuci

²³ Baa aaꞌnyuung Nyekuci ngagiit rũgẽt ꞌcĩ ĩĩn ngeju ꞌcĩ hõllõngaa aku ꞌgiiaa ꞌcĩ occa adaahĩ, nẽẽthĩ, aku ꞌgiiaa ꞌcĩ hõllõngaa occa adaahĩ. Baa ittirriaau niig tarĩ, nyeemuutaa cĩ Nyekuci ĩcĩ arũgĩ ũdũt.

1 Pẽẽtũrũ 1:23 ပူးပေါင်းရင်းမြစ်များ

Maatteeo 24:35

Edecciaa hatĩ hẽẽtkujjieen hĩ looc nẽ thõõth caannĩ ho, aitiõõ hatĩ hõllõngaa edecciaa ũdũt.

ꞌLuuka 8:11

“Aĩ ꞌlimmanĩ ꞌcĩ awantoothĩk ko nẽẽ, ĩthakꞌthoothĩk hinyomona ꞌcĩg athacci ho thõõth cĩ Nyekuci.

Yõaannẽ 1:13

Baa hõllõngaa ĩĩn nẽẽg lõhõlĩ cĩg Nyekuci hĩgõõng arrita eeta lõhõlĩ cĩggĩĩng, baa Nyekuc ꞌcĩ aaꞌnyĩk ĩhõõggõ hittirria hiita hĩĩtõ lõhõlĩ cĩgĩnnĩg ko.

Yõaannẽ 1:3

Baa ẽhẽnytaa hẽlẽggĩ vẽlẽk Thõõthaa nĩĩcĩ. Má baa hiittiõõ nẽẽ tõõ, aitiõõ baa ꞌgii ꞌcĩ ẽhẽnytaa tõõ.

Yõaannẽ 3:3

Ẽdẽcĩ Yeesu Nikodemo anneek, “Haduhaakii dĩdĩ, aitiõõ ẽẽtĩ ꞌcĩ occa aduhun habuccieet cĩ Nyekuci, hatĩ nga hittirria nẽẽ tarĩ tõõ.”

Yõaannẽ 3:5

Ẽdẽcĩ Yeesu ĩnõõnnõ anneek, “Haduhaakii thõõth dĩdĩ, aitiõõ ẽẽtĩ ꞌcĩ aduhun habuccieet cĩ Nyekuci, hatĩ nga hittirria maamĩ hĩ Loriiaa ꞌcĩ Ẽllẽẽmĩth tõõ.

Yõaannẽ 6:63

Lori ꞌcĩ aaꞌnyĩk eet rũgẽt, ĩĩn ẽlẽ iding haaga. Nẽ thooꞌthioha ꞌcĩg haduhaakuung naa ho, ĩĩn lori nẽ ĩĩn rũgẽt.

ꞌRooma 1:23

nẽ ũtũngteek ngaatĩ alaĩ Nyekuc ꞌcĩ abuli ꞌcĩ aalla ooo nẽ alaacõ ꞌthoourẽẽt ꞌcĩg ẽhẽnytaa haauto hĩ eeta, hĩ hĩbaallĩ hĩ idiꞌngwa cĩg moru hĩ idiꞌngwa ꞌcĩg õgõlĩt loota ꞌcĩg hatĩ adaahĩ.

Ebereei 4:12

Hĩnĩngĩtĩ arũgĩ thõõth cĩ Nyekuci nẽ attiranĩ. ꞌLẽhẽd hĩllõõan nyetuboot ꞌcĩ ꞌlẽhẽdĩ gẽrrẽẽt, ẽttẽẽd thõõth cĩ Nyekuci loriẽẽt hõdõlan lobulẽẽt hĩ õnyõ, ĩꞌthõng hũmmũda mũyan hĩ muhẽẽnĩt cĩ ꞌthinneeti cĩggaac.

ꞌJeemith 1:18

Adiimmeet Nyekuci ngagĩĩt hĩĩtõ eet cĩgĩnnĩg nẽ ĩꞌthõõa nyeemuut ꞌcĩ ĩĩn dĩdĩ haaꞌnyeet ngagĩĩt rũgẽt ꞌcĩ ĩĩn ngeju.

1 Pẽẽtũrũ 1:25

Nẽẽthĩ, aalla thõõth cĩ Makayyiookto ũdũt.” Nẽ ĩĩn thõõth tĩho nyeemuut ꞌcĩ abũnnaa baa allimanoothikuung ngagiita.

1 Pẽẽtũrũ 1:3

Hĩdĩhĩthĩt Nyekuc Maaꞌnyĩ Makayyioohit cĩnaac Yeesu Krĩstõ. Tamaatittaa cĩnnĩ ĩcobbi, aaꞌnyeet Nyekuci ngagĩĩt rũgẽt ꞌcĩ ĩĩn ngeju hĩ muhẽẽnĩt ꞌcĩ abũnnaa ꞌcĩ aalla ũdũt, ngaatĩ arũgthaanĩ Yeesu daahĩtha.

1 Yõaannẽ 3:9

Hõllõngaa occa aalla adĩman lohollia cĩg Nyekuci ꞌthẽcan. Hĩnĩngĩtĩ aaĩ ꞌtirriani cĩ Nyekuci ꞌcĩ aaꞌnyĩk ĩhõõggõ rũgẽt nẽ aaꞌnyĩk ĩhõõggõ hĩĩtõ lõhõlĩ cĩgĩnnĩg, hátĩ hiittiõõ hõllõngaa ara adĩman ꞌthẽccan.

1 Yõaannẽ 5:18

Haga naag jurrung haĩ, hõllõngaa aalla lohollia cĩg Nyekuci ẽꞌthẽcan thooꞌthiok. Hĩnĩngĩtĩ eteiini Ngeertĩ Nyekuci ĩhõõggõ nẽ hõllõngaa occa adĩman ꞌThĩttaanĩ ĩhõõggõ ꞌbuth.