1 Pẽẽtũrũ 1:22 - ꞌBuuk cĩ Thõõth cĩ Nyekuci

²² Baa ũtũũnytau niig ꞌthẽccanẽẽt cugguung baa elemmu thõõth ꞌcĩ ĩĩn dĩdĩ, nẽẽthĩ ꞌyioko, ammĩnanoonnu niig dĩdĩ. Nẽ adiim aallattia ĩmmĩnanit eleeti cugguung ꞌthinneetini dĩdĩ.

1 Pẽẽtũrũ 1:22 ပူးပေါင်းရင်းမြစ်များ

Yõaannẽ 15:17

Nẽ thõõth ꞌcĩ haduhaakuung naa cieeni. Ĩmmĩnanit eleeti cugguung.”

Yõaannẽ 15:3

Iittu niig tẽllĩg ẽlẽk, hĩnĩngĩtĩ thõõth aa huduhaahuung naa ngagiita.

Yõaannẽ 17:17

Ĩĩn thõõth cunni thõõth ꞌcĩ ĩĩn dĩdĩ. Nẽ aꞌnyĩĩk thõõth cunni ꞌcĩ ĩĩn dĩdĩ ho, haaꞌnyĩk ĩhõõggõ hĩĩtõ eet cugunnig.

Yõaannẽ 17:19

Hẽlẽmanaa naa ẽlẽ caannĩ, hĩnĩngĩtĩ ĩhõõggõ, hátĩ hĩĩtõ nẽẽg ooo eet cĩg thõõth ꞌcĩ ĩĩn dĩdĩ.

Dtiicanĩ cĩg ꞌThooyyiahu 15:9

Baa hõllõngaa ahal Nyekuci ĩhõõggõ hĩ ngagĩĩta, hĩnĩngĩtĩ ũtũũny nẽẽ ꞌthinneeti cĩggĩĩng hĩĩtõ tẽllĩg, hĩnĩngĩtĩ lemiinit cĩnĩĩng.

Dtiicanĩ cĩg ꞌThooyyiahu 6:7

Ma nĩngaata, ikia ĩꞌthanothoothĩk thõõth cĩ Nyekuci looc vẽlẽk, hiita hittoorri nuyyiooha hĩĩtõ mẽẽlĩg ꞌJeruꞌthalẽma nĩngĩtĩ au ẽlẽmmĩ paadĩrꞌnya ꞌcĩg mẽẽlĩg Makayyioohit Yeesu.

ꞌRooma 1:5

Hĩnĩngĩtĩ ĩnõõnnõ hĩ ꞌthaar cĩgĩnnĩg, hiita hummuddia naag bũnnai hĩ ngaatĩ hĩĩgĩnnĩ ꞌthooyyiak cĩgĩnnĩg, hátĩ hutuvvuyyia eet hõrggẽẽnaa cĩ eet ꞌcĩg hõllõngaa ĩĩn ꞌJudeei, hiita hĩthĩhĩt thõõth ꞌcĩ aku lemiitta.

ꞌRooma 2:8

Nẽẽthĩ, eeta ꞌcĩg ammĩnan eleeti cĩggĩĩng hĩ ꞌcĩg abũrĩ thõõth ꞌcĩ ĩĩn dĩdĩ nẽ ũnnẽẽcõ thooꞌthiok ꞌcĩg abathĩ, alĩĩllĩk hatĩ Nyekuci ĩhõõggõ gẽrrẽẽt.

ꞌRooma 8:13

Má arũgnu niig hĩnĩngĩtĩ ꞌthẽccanẽẽt cugguung, adaaknu hatĩnĩ, nẽẽthĩ, má ũtũngteehu niig ꞌthẽccanẽẽt cĩg ẽllaak ꞌtirriaanaa cĩ Loriio, arũgnu hatĩnĩ,

2 Korinthia 6:6

Hadiim hẽtẽrꞌtha naag haĩ hĩĩgĩn appahacaaꞌnya cĩg Nyekuci, ngaatĩ hĩĩgĩnnĩ tẽllĩg nẽ hagaacõ thõõth cĩ Nyekuci dĩdĩ, hĩ ngaatĩ hẽmmẽẽꞌthĩ ꞌcannan nẽ hĩĩtõ tarbalĩg. Aau Lorii ꞌcĩ Ẽllẽẽmĩth hĩ ngagĩĩta nẽ baa ĩĩn mĩnnanĩ cĩnaang thõõth dĩdĩ.

ꞌGalaaꞌthia 3:1

Niig ꞌgiiꞌthiaha cĩg ꞌGalaaꞌthia ho! Abuuyyuung occa ꞌthẽk ngagiit nganĩ? Baa odooddothoothĩk Yeesu Krĩstõ hurucceea hẽbẽrẽẽnnĩĩ cugguung vẽlẽk.

ꞌGalaaꞌthia 5:5

Nẽẽthĩ, aaꞌnyeet Lorii ꞌcĩ Ẽllẽẽmĩth hagaac ngaatĩ aaꞌnyeet Nyekuci hũbũttaath, hĩnĩngĩtĩ helemit naag Krĩstõ.

ꞌGalaaꞌthia 5:7

Baa elemtu niig ngaatĩ ookorru hĩ Yeesu Krĩstõ nẽ ĩĩ nganĩ ꞌcĩ occa aku ataddaannuung ngagiit ꞌgõõlaa ꞌcĩ elemmu thõõth ꞌcĩ ĩĩn dĩdĩ ho?

Eevvetho 4:3

Ĩttĩmanit ngaatĩ aꞌthuunnu rũmẽẽnĩt cĩ Lori cĩ Nyekuci ꞌthinneetinii cugguung. Ĩdĩmanit hoti, ꞌgõõlaa ꞌcĩ aattiyyu lõꞌngõõc.

Pilippi 1:9

Halayyi naa, hátĩ haala hĩtĩlĩth mĩnnanĩ cunuung hũũk ĩĩcĩ oou nẽ agayyu nẽ tarĩ ĩthĩktu jurrung.

1 Tẽꞌthaloonika 3:12

Aꞌnyĩĩk nuun Makayyioohit, hĩttõõr mĩnnan hõrggẽẽnaa cunuung, hĩ cĩ eet vẽlẽk hĩtĩlĩth hĩĩ maka gẽrrẽẽt, haau hĩcĩ hammĩnannuung naag ngagiita.

2 Tẽꞌthaloonika 1:3

ꞌGotoonoga hĩ ngoonoga, hẽbẽaneeka naag hõdõõkõthĩ ngaatĩ hanneeka Nyekuc ĩlaallẽ, hĩnĩngĩtĩ ngagiita. Hĩnĩngĩtĩ alĩthĩ lemiiniti cunuung ꞌcĩ elemmu Nyekuc hĩ mĩnnan ꞌcĩ ammĩnannu niig ꞌgoonogu hõdõõkõthĩ.

2 Tẽꞌthaloonika 2:13

Nẽẽthĩ, hadiimma naag hanneeka Nyekuc hõdõõkõthĩ ĩlaallẽ ꞌgotoonoga hĩ ngoonoga, hĩnĩngĩtĩ ammĩnannuung Makayyioohiti Yeesu ngagiita nẽ ẽbẽraauung Nyekuci ngagiit dtiicaa cĩ Lori ꞌcĩ Ẽllẽẽmĩthĩ hĩ ngaatĩ elemmu thõõth ꞌcĩ ĩĩn dĩdĩ.

1 Timotteeo 1:3

Ma baa hũũha naa ĩĩcĩ Maccedoonia, baa haduhaakii nganiit hanneekii au nõõ ꞌtaaũnaa cĩ Eevvetho, hátĩ bĩlĩ eet ꞌcĩg allimaneek eet thõõth ꞌcĩ hõllõngaa ĩĩn dĩdĩ.

1 Timotteeo 1:5

ꞌLimman eet haꞌnyahit mĩnnan ꞌthinneetini dĩdĩ nẽ aꞌnyahit ꞌthinneeti ꞌcĩg tẽllĩg hĩ lemiinit dĩdĩ.

1 Timotteeo 4:12

Ma haaꞌnyihi eet umwa hatamaaci, hĩnĩngĩtĩ aĩ nga ĩĩnĩ hĩdĩca. Aꞌnyĩĩk lemmiook hĩcĩtta hĩ nganiit ꞌgõõl ꞌcĩ anũĩ nẽẽg thõõth cĩ Nyekuci, ꞌrioona cunni, hĩ authetaa ꞌcĩ aayyi jurrung, hĩ ꞌgõõlaa ꞌcĩ ammĩnanĩĩ eet, hĩ ngaatĩ ẽlẽmmĩ thõõth cĩ Nyekuci, hĩ ꞌgõõlaa ꞌcĩ hõllõngaa adĩmani thooꞌthiok ꞌcĩg ĩĩn ꞌriiring.

1 Timotteeo 5:2

Tingõlĩ ngaaĩ ꞌcĩg obbitig, haau hĩcĩ iꞌngolli ngaanu. Cĩĩn buheeci hĩcĩ acĩnĩ ngoonogu.

2 Timotteeo 1:14

ꞌThũũtĩ thõõth cĩ Nyekuci baa aaꞌnyĩhoothikii nganiit, eliittaa cĩ Lori ꞌcĩ Ẽllẽẽmĩthĩ, ĩcĩ aaĩ eleetinitõõ cĩggaac.

Ebereei 11:8

Lemiinit ꞌcĩ baa aaꞌnyĩk Abũrahaamõ hĩthĩk Nyekuc, baa aduhaak Nyekuci ĩnõõnnõ hũtũngeek õlõ cĩnnĩ nẽ ũũk looccaa umwaanĩ ĩĩcĩ hatĩ aaꞌnyĩk Nyekuci ĩnõõnnõ hũũk hirigith. Baa ajanĩ nẽẽ weet haaga nẽ hõllõngaa aga ꞌgõõl ꞌcĩ õkõõĩ ho.

Ebereei 13:1

Aallattia ĩmmĩnanit ꞌgoonoggu haauto hĩ ꞌgotoonogu hĩ ngoonogu.

Ebereei 5:9

Nẽ ꞌgõõlaa cĩ, ikia aaꞌnyĩk ꞌcannani Yeesu hũbũna, nẽẽ aga ngaatĩ ẽẽlĩ eet vẽlẽk cĩg athĩhĩ ĩnõõnnõ ooo.

Ebereei 6:10

Aitiõõ Nyekuci hõllõngaa ahaleek eet umwa tuu, ĩnõõ ꞌcĩ hõllõngaa ataarrõꞌthĩ nẽẽ dtiicanĩ cugguung hĩ mĩnnan ꞌcĩ ẽtẽrꞌthaannu niig ngaatĩ eellu eet cĩgĩnnĩg, hĩcĩ nga aalla eellu noho ho.

Ebereei 9:14

Ummuhit dako nõõ ꞌgõõl ꞌcĩ ũũnyĩ biyyieeta cĩg Krĩstõ muhẽẽnĩt cĩ ꞌthinneeti cĩggaac, hĩnĩngĩtĩ ꞌthẽccanẽẽt ꞌcĩg hadĩman naag, hátĩ halaac Nyekuc ꞌcĩ arũgĩ ũdũt. ꞌTirrianaa cĩ Lori ꞌcĩ aalla ũdũt, ikia ẽlẽmana Yeesu ẽlẽ cĩnnĩ hĩ ꞌgaarrieenit ꞌcĩ ẽllẽẽmĩth, hĩnĩngĩtĩ ꞌthẽccanẽẽt cĩggaac.

ꞌJeemith 1:21

Nẽẽthĩ hoti ho, ũtũngĩt thooꞌthiok vẽlẽk ꞌcĩg ĩĩn ꞌriiring hĩ bathi ꞌcĩ ũdaan looc ko, ma hathĩngõõnyannu, elemit nyeemuut baa allimanoothikuung ngagiit ꞌcĩ hatĩ ẽẽlannuung ngagiita.

ꞌJeemith 4:8

Iita õbõktõ hĩ Nyekuc, hátĩ hikia nẽẽ buúk õbõktõ hĩ ngagiita. Niig ꞌthẽccanniooha, ũtũũnyĩt authet cunuung ꞌcĩ aattiyyu. Ĩtĩllahit ꞌthĩnneeti cugguung, hĩnĩngĩtĩ eꞌngerri ꞌthinneeti cugguung ngaatĩ athiknu Nyekuc hĩ looc nicci.

1 Pẽẽtũrũ 1:2

Baa agauung Nyekuci Baangẽẽtĩ ngagiit nẽ ẽbẽraauung baa hũnũũk nẽ aaꞌnyuung Lorii cĩnnĩ ngagiit elleemit. Nẽ hĩnĩngĩtĩ thõõth icci, ĩthĩktu niig ĩnõõnnõ nẽ utuunyuung nẽẽ ngagiit biyyiẽẽtĩĩ cĩg Yeesu Krĩstõ. Aꞌnyĩĩk Nyekuc haaꞌnyuung bũnnai hĩ ganõn ꞌcĩ maka gẽrrẽẽt.

1 Pẽẽtũrũ 2:17

Itingolli eet vẽlẽk nẽ ĩmmĩnattu ꞌgotoonogu hĩ ngoonogu ꞌcĩg ĩĩn lemmiook. Itingolli Nyekuc nẽ itingollieeu habu cunuung.

1 Pẽẽtũrũ 3:1

Nẽẽthĩ, má ĩĩnĩ ngaa cĩ eeto, adiim athihi thõõth cĩ maac cunni. Tananga abũrĩ nẽẽ nyeemuut cĩnaang, aaꞌnyihi hatĩ nii ĩnõõnnõ hikia hĩĩ lemmioohit ꞌgõõlaa ꞌcĩ adĩmanĩĩ thooꞌthiok ꞌcĩg abũnnaa. Iittiõõ hatĩ eet umwaa ꞌcĩ occa aduhaak ĩnõõnnõ thõõth ꞌcĩ aku ĩĩnnĩ nẽẽ Lemmioohit tõõ,

1 Pẽẽtũrũ 3:20

loriẽẽt cĩg eet baag hõllõngaa athĩhĩ Nyekuc baangaani, baa ẽrẽ Nyekuci hũtũngteek ꞌthẽccanẽẽt cĩggĩĩng waathinnioohĩĩ baag nga ẽhẽnytĩ Nõõa haahũl thõng. Baa eet turkiyyio thõng, ꞌcĩg baag eelliaa tawaanaa ĩbaa maka gẽrrẽẽt.

1 Pẽẽtũrũ 3:8

Dtuurnatta, aaut niig vẽlẽk hõdẽĩ lõꞌngõõc, ĩĩtõ tarbalĩg nẽ atamaattik ꞌgoonogu buúk, ĩmmĩnanit ꞌgotoonogu hĩ ngoonogu nẽ ma hathĩngõõnyannu.

1 Pẽẽtũrũ 4:17

Iꞌthianaaĩ Nyekuci ẽttẽẽd thooꞌthiok cĩg eet cĩgĩnnĩg ẽlẽk. Má iꞌthianaanĩ hĩ ngagĩĩt, aaĩ occa hinnia hatĩ hĩ eet ꞌcĩg abũrĩ nyeemuut cĩnnĩ ꞌcĩ abũnnaa hutuno?

1 Pẽẽtũrũ 4:8

Hĩllõõan vẽlẽk, ĩmmĩnattõ gẽrrẽẽt, hĩnĩngĩtĩ ũũny mĩnnanĩ ꞌthẽccanẽẽt ꞌcĩg mẽẽlĩg ꞌrĩng.

2 Pẽẽtũrũ 1:7

nẽ ittoorrihu ꞌgõõl ꞌcĩ haaꞌnyĩkĩ Nyekuc haccamanoothĩk ꞌgõõl ꞌcĩ hĩĩgĩnnĩ tarbalĩg hĩ ꞌgotoonogeet hĩ ngoonogeet, nẽ ittoorrihu tarbalꞌthẽẽt hĩ ꞌgotoonogeet hĩ ngoonogeet mĩnnan cĩ eet vẽlẽk.

1 Yõaannẽ 3:11

Nyeemuut baa athiknu niig baa ĩĩcĩ oou cieeni. Adiim hammĩnanõõ naaga.

1 Yõaannẽ 3:23

Adiimmeet Nyekuci ngagĩĩt helemit Ngeerĩnĩ Yeesu Krĩstõ nẽ hĩmmĩnanit eleeti cĩggaac. Thõõth baa ilootĩkeet Nyekuci ngagĩĩt hĩdĩmanit cieeni.

1 Yõaannẽ 4:12

Nga hĩcĩn eet umwaa Nyekuc. Nẽẽthĩ, má hammĩnan naag eleeti cĩggaac, aaĩ Nyekuci eleetinii cĩggaac nẽ edeeꞌnyia mĩnnanĩ cĩnnĩ ho hĩ ngagĩĩt, ꞌgõõlaa ꞌcĩ hammĩnanĩ eet ũgĩ.

1 Yõaannẽ 4:20

Má aĩ eet umwaa hammĩnani Nyekuc nẽ hõllõngaa ammĩnan ꞌgõtõnĩ hode ngõõnĩ, ĩĩn ẽẽtĩ tĩho oloꞌngiaahit. Hĩnĩngĩtĩ ẽẽtĩ ꞌcĩ hõllõngaa ammĩnan ꞌgõtõnĩ hode ngõõnĩ ꞌcĩ acĩn nẽẽnĩ, hõllõngaa occa ammĩnan nẽẽ Nyekuc ꞌcĩ nga hĩcĩn nẽẽnĩ.

1 Yõaannẽ 4:7

ꞌGotoonoga hĩ ngoonoga, hĩmmĩnanit eleeti cĩggaac, hĩnĩngĩtĩ aku mĩnnanĩ hĩ Nyekuc. Ẽẽtĩ ꞌcĩ aꞌnyak mĩnnan, ĩĩn nẽẽ loholeec cĩ Nyekuci nẽ aga nẽẽ Nyekuc.

Terethiinit 2:4

“Nẽ aaĩ ꞌgii hõdẽẽthõng ꞌcĩ nga abaccu niiga. Iittiõõ niig hõllõngaa ammĩnannaangu nganĩĩt hode ꞌgoonogu haau hĩ baa ꞌrẽẽna.