1 Pẽẽtũrũ 1:19 - ꞌBuuk cĩ Thõõth cĩ Nyekuci

¹⁹ Baa eelliannu niig biyyiẽẽtĩĩ ꞌcĩg aaddi ĩcĩg Krĩstõ, mĩꞌnyõõn cĩ Nyekuci ꞌcĩ hiꞌthihi ꞌthẽccan nẽ aitiõõ nyakẽmẽẽr tõõ.

1 Pẽẽtũrũ 1:19 ပူးပေါင်းရင်းမြစ်များ

Luugithõõ 12:5

Nẽẽthĩ, hẽlẽggĩ ꞌcĩg ẽbẽraannu niig ko, adiim ĩĩn ꞌcĩg maacĩg ꞌcĩg aꞌnyak irkit hõdẽĩ nẽ abũnnaa eleeti, nẽẽthĩ, eberria ĩhõõggõ aꞌthaannĩtõõ hode ẽẽthatõõ.

Maatteeo 20:28

haau hĩ Ngeertĩ Eeto baa aku hikia hidticanoothĩk eet, hõllõngaa hidticattoothĩk eeta ĩnõõnnõ, baa aku ajalana nẽẽ rũgẽt cĩnnĩ hẽẽla eet ꞌcĩg mẽẽlĩg.”

Maatteeo 26:28

Biyyi cĩgannĩg cieegi ꞌcĩg ĩĩn lõhõt cĩ Nyekuci hĩ eet cĩgĩnnĩg. Ẽrrẽnnaa, hĩnĩngĩtĩ eet ꞌcĩg mẽẽlĩg, hátĩ hũtũngtoothĩk ꞌthẽccanẽẽta.

Yõaannẽ 1:29

Ma loohoth cĩnnĩ, udtuuha Yõaannẽ Yeesu ngaatĩ akuuni hĩ ĩnõõnnõ, nĩngĩtĩ õthõõthĩ Yõaannẽ aĩnnĩ, “Ĩcĩnĩt Mĩꞌnyõõn cĩ Nyekuci ꞌcĩ attik ꞌthẽccanẽẽt cĩg eetuk!

Yõaannẽ 1:36

Ma baa adtuuha nẽẽ Yeesu ngaatĩ õvvõõĩ nĩngaata ho, õthõõth nẽẽ ĩĩ, “Ĩcĩnĩt Mĩꞌnyõõn cĩ Nyekuci!”

Dtiicanĩ cĩg ꞌThooyyiahu 20:28

Uꞌthuutti eleeti cugguung nẽ ũtũhayyu lothippit cĩ lemmiook baag aaꞌnyuung Lorii ꞌcĩ Ẽllẽẽmĩth ngagiit ũtũhaac. Ĩĩtõ tũhayyiook cĩg lothippit cĩ lemmiook cĩg Nyekuci, baa ũũta nẽẽ biyyiẽẽtĩĩ cĩgĩnnĩg.

ꞌRooma 3:25

Baa aaꞌnyĩk Nyekuci Yeesu hikia hĩĩ ꞌgaarrieenit ꞌcĩ ũũnnõthõõthĩkĩ ꞌthẽccanẽẽta, hĩnĩngĩtĩ lemiinit biyyiẽẽtĩĩ cĩgĩnnĩg. Baa adĩman nẽẽ hoti, hẽtẽrẽtha bũnnai cĩnnĩ, hĩnĩngĩtĩ temeethi cĩnnĩ ꞌcĩ hõllõngaa uuki eet baag ĩĩcĩ oou, hĩnĩngĩtĩ ꞌthẽccanẽẽt cĩggĩĩng.

Eevvetho 1:7

Abal Nyekuci tarbalꞌthẽẽt hĩ bũnnai hĩ ꞌgẽẽnyĩth nẽ ũtũũwa oggiaanĩt cĩnaac biyyiẽẽtĩĩ cĩg Ngeerĩnĩ nẽ ũtũngeek ꞌthẽccanẽẽt cĩggaac.

Kolooꞌthe 1:14

baa õõganneet nẽẽ ngagĩĩt haaut lõꞌngõõc nẽ ũtũngeek ꞌthẽccanẽẽt cĩggaac.

1 Pẽẽtũrũ 1:2

Baa agauung Nyekuci Baangẽẽtĩ ngagiit nẽ ẽbẽraauung baa hũnũũk nẽ aaꞌnyuung Lorii cĩnnĩ ngagiit elleemit. Nẽ hĩnĩngĩtĩ thõõth icci, ĩthĩktu niig ĩnõõnnõ nẽ utuunyuung nẽẽ ngagiit biyyiẽẽtĩĩ cĩg Yeesu Krĩstõ. Aꞌnyĩĩk Nyekuc haaꞌnyuung bũnnai hĩ ganõn ꞌcĩ maka gẽrrẽẽt.

1 Pẽẽtũrũ 3:18

Hĩnĩngĩtĩ baa adaahĩ Krĩstõ tabattĩ hõdẽẽthõng, hĩnĩngĩtĩ ꞌthẽccanẽẽt cĩggaac. Baa nga hẽꞌthẽcan nẽẽ thõõth umwa ũdũt, nẽẽthĩ, baa adaahĩ nẽẽ, hĩnĩngĩtĩ ꞌthẽccanniook, hátĩ huukuung ngagiit hĩ Nyekuc. Baa aruhi nẽẽ hadaak, nĩngĩtĩ aaꞌnyĩkĩ Nyekuci ĩnõõnnõ hũrũga Loriia.

1 Yõaannẽ 1:7

Má haattĩg naag lanyita hĩcĩ aaĩ Nyekuci, hõthõl naag rũgẽt hĩ ꞌgoonogeet thõng. Nẽ ũtũũnyĩtõ biyyieeta cĩg Yeesu ꞌthẽccanẽẽt cĩggaac vẽlẽk.

1 Yõaannẽ 2:2

Ĩĩn Krĩstõ ꞌgaarrieenit ꞌcĩ attik ꞌthẽccanẽẽt cĩggaac battaala. Nẽẽthĩ, hõllõngaa attik ꞌthẽccanẽẽt cĩggaac diooni, attik ꞌthẽccanẽẽt cĩg eet cĩg lootu vẽlẽk.

Terethiinit 1:5

Aꞌnyĩĩk Yeesu Krĩstõ ꞌcĩ aduhaakeet thõõth ꞌcĩ ĩĩn dĩdĩ cĩ Maacõnĩ, haaꞌnyuung ngagiit ĩĩtõ tarbalĩg nẽ aꞌnyaktu authet ꞌcĩ aattiyyu lõꞌngõõc. Baa Yeesu ꞌcĩ atiman ngaatĩ arũgnaanĩ daahĩtha nẽ aggam habuẽẽt vẽlẽk cĩg looc nicci. Ammĩnanneet Yeesu Krĩstõ ngagĩĩt nẽ õõgaeet ꞌthẽccanẽẽtĩĩ, biyyiẽẽtĩĩ cĩgĩnnĩg.

Terethiinit 14:1

Nẽ hudtuuha Mĩꞌnyõõn abĩllĩ muuraa ꞌcĩ haĩ ꞌThion, arũmĩ hĩ eet ꞌcĩg ĩĩn aalibꞌnya ꞌmiia hõdẽĩ hĩ hẽẽn ꞌwec hĩ ꞌwec (144,000), ꞌcĩg aꞌnyak ꞌthaar cĩgĩnnĩg hĩ cĩg Maacõnĩ muumtinii cĩggĩĩng.

Terethiinit 14:5

Eet ꞌthẽk ꞌcĩg nga hoolongit ũdũt nẽ occa hõllõngaa aꞌngaaꞌnyi haaga.

Terethiinit 5:6

Ma nĩngaata, hudtuuha Mĩꞌnyõõn, abĩlĩ hõrggẽẽnaa cĩ dtaabaõ, irriamaneek hẽlẽggĩ ꞌcĩg ĩĩn ꞌwec ꞌcĩg arũgĩ, hĩ makayyiook ꞌcĩg ĩĩn hẽẽn ꞌramma hĩ ꞌwec, haau hĩ ẽẽtĩ baa aruhi. Baa aꞌnyak nẽẽ otto tũkĩramma hĩ hẽbẽrĩ tũkĩramma buúk, ꞌcĩg ĩĩn loriẽẽt tũkĩramma cĩg Nyekuci, ꞌcĩg ĩꞌthõõak nẽẽ looc vẽlẽk.

Terethiinit 5:9

Nẽ ebenit nẽẽg tẽgẽl ꞌcĩ ĩĩn ngeju ꞌcĩ aĩ, “Nganiit dioo ꞌcĩ occa õkõõĩ ꞌbuuk nẽ avvahanuu dilẽẽnĩt cĩnnĩ, hĩnĩngĩtĩ baa aruhi niina, iita eellia biyyieeta cugunnig eet hĩĩtõ eet cĩg Nyekuci habuccieeꞌnyanĩ hĩ utugeetinii ꞌcĩg õthõõth eeta vẽlẽk cũũmõ cũũmõ hĩ eet loonyini vẽlẽk.

Terethiinit 7:14

Nẽ hẽdẽca hĩĩnnĩha, “Aga niina.” Nĩngĩtĩ aduhaaka anneeka nẽẽ, “Eet baag ẽmmẽẽthĩ ꞌcannan baa obbi gẽrrẽẽt niccieegi. Ĩtĩllahit nẽẽg ceremwa cĩggĩĩng biyyiẽẽtĩĩ cĩg Mĩꞌnyõõnak.