1 Pẽẽtũrũ 1:18 - ꞌBuuk cĩ Thõõth cĩ Nyekuci

¹⁸ Hĩnĩngĩtĩ agayyu niig baa ẽẽlannuung ngagiit Nyekuci rũgẽtaa ꞌcĩ abathĩ, ĩbaa allimanaannu hĩ maajihu cugguung baangaani. Nẽ agayyu niig baa hõllõngaa ẽẽlannuung ngagiit Nyekuci maccĩrẽẽnĩĩ hode ꞌdaaba ꞌcĩ hõllõngaa aalla ũdũt.

1 Pẽẽtũrũ 1:18 ပူးပေါင်းရင်းမြစ်များ

Maarko 8:37

Ne ꞌcĩ occa ataalõnĩ ẽẽtĩ hĩ lori cĩnnĩ?

ꞌRooma 1:21

Tananga baa aga ꞌthẽccanniooha Nyekuc, baa hõllõngaa abuluth nẽẽg ĩnõõnnõ haau hĩ Nyekuci dĩdĩ, hode anneek ĩnõõnnõ ĩlaallẽ, nẽẽthĩ, ikia ẽꞌthẽcanĩ muhẽẽnĩtĩ cĩnĩĩng nẽ abathit ꞌthinneeti cĩggĩĩng.

1 Korinthia 3:20

Nẽ tarĩ, “Aga Makayyioohiti aĩ, abathĩ muhẽẽnĩtĩ cĩ eet ꞌcĩg ẽggẽẽnyĩthĩ.”

1 Korinthia 6:20

baa uuttiannu niig thõng. Nẽẽthĩ hoti ho, itingolli Nyekuc eleetinii cugguung.

1 Korinthia 7:23

Baa ũtũũwauung Nyekuci ngagiit ẽlẽk, ma nga hau hiiginnu appahacaaꞌnya cĩg eetuk tarĩ.

ꞌGalaaꞌthia 1:4

Hĩnĩngĩtĩ athĩhĩ Yeesu Krĩstõ Nyekuc Baangeet cĩnaac, ĩnõõ ꞌcĩ aku aaꞌnyĩkĩ nẽẽ ẽlẽ cĩnnĩ hĩĩ ꞌgaarrieenit cĩ ꞌthẽccanẽẽt cĩggaac ko, hatĩ hẽẽlaeet ngagĩĩt looccaa cĩ ꞌthẽccaneetu.

Eevvetho 4:17

Hĩ nuyyioohiti cĩ Makayyiookto, haduhaakuung hanneekuung ibilli authet ꞌcĩ aattiyyu hĩ eeta ꞌcĩg aggiithi ꞌcĩg hõllõngaa aga Nyekuc.

Tiito 2:14

Baa ẽlẽmana nẽẽ ẽlẽ cĩnnĩ hadaak hĩnĩngĩtĩ ngagĩĩta, hátĩ hõõgaeet ꞌthẽccanẽẽtĩ vẽlẽk nẽ aaꞌnyeet hĩĩtõ eet cĩgĩnnĩg ꞌcĩg ũtũũnyeet nẽẽ hĩĩtõ eet cĩgĩnnĩg, ꞌcĩg hadiim hadtican thooꞌthiok ꞌcĩg abũnnaa dĩdĩ.

Ebereei 9:12

Aitiõõ hõllõngaa aduhun Krĩstõ Nĩngĩtĩ Aꞌngirannii ꞌcĩ Ẽllẽẽmĩth Gẽrrẽẽt ko, biyyiẽẽtĩĩ cĩg ẽẽthak hĩ cĩg maala ꞌcĩg ĩĩn ꞌgaarriẽẽn. Baa aduhun Krĩstõ nĩngĩtĩ nicci tabattĩ hõdẽẽthõng biyyiẽẽtĩĩ cĩgĩnnĩg, hátĩ hõõgaeet ngagĩĩt ꞌthẽccanẽẽtĩ cĩggaac ũdũt.

1 Pẽẽtũrũ 1:7

Ẽtẽrꞌtha hatĩ ꞌtĩmmanĩ ciee ngaatĩ ĩĩnnĩ lemiiniti cunuung dĩdĩ. Attĩmanni hatĩ lemiiniti cunuung hĩ ꞌdaabĩ ꞌcĩ attĩmanni ꞌgwoyyia, tananga tiir lemiiniti cunuung gẽrrẽẽt hĩllõõan ꞌdaab ꞌcĩ occa aduhoothĩk haaga. Nẽẽthĩ, má aalla õkõmmĩ lemiiniti cunuung hatĩ attĩmanni ꞌtĩmmaanaa ꞌcĩ maka, occa hatĩ aꞌnyahaakuung ngagiit dĩhĩthẽẽnĩt hĩ bulẽẽnĩt ꞌcĩ maka kõr ꞌcĩ akuuni Yeesu Krĩstõ.

1 Pẽẽtũrũ 4:3

Baa unuuktihu niig ngaatĩ aattiyyu hĩ eeta ꞌcĩg hõllõngaa aga Nyekuc. Baa iiginnu niig ꞌthẽccanniook nẽ unuyyu thooꞌthiok ꞌcĩg abathĩ ꞌcĩg abũraneeku niiga. Baa adaku karramẽẽt ꞌcĩg adĩmannu thooꞌthiok ꞌcĩg ĩĩn ꞌriiring nẽ tarĩ, uhuddieeu ũdũũtĩt tahatak. Nẽ dĩdĩ, alayyu hẽlẽggĩ ꞌcĩg aar eeta hĩĩtõ nyekuꞌnya nẽ iittiõõ hõllõngaa aꞌngaonnu buúk.

1 Yõaannẽ 3:5

Nẽ agayyu niig aĩ baa aku Krĩstõ, hátĩ hittik ꞌthẽccanẽẽt battaala nẽ aitiõõ ꞌthẽccanĩ hĩ ĩnõõnnõ tõõ.