1 Pẽẽtũrũ 1:17 - ꞌBuuk cĩ Thõõth cĩ Nyekuci

¹⁷ Ummuhutooth ngaatĩ hõllõngaa ahalĩ Nyekuci baangẽẽtĩ cunuung cĩ hẽẽtkujjieen ꞌcĩ alayyu niig ko eeta. Etteedĩk hatĩ nẽẽ eet hõdẽĩ hõdẽĩ thõõth nẽ ũdũman ꞌgõõlaa ꞌcĩ baa thooꞌthiok ꞌcĩg adĩman ẽẽtĩ loota nĩnga. Nẽẽthĩ hoti ho, adiim iꞌngollinnu Nyekuc nga aattiyyu looccaa ꞌcĩ aattiyyu hĩcĩ iiginnu tahan ko.

1 Pẽẽtũrũ 1:17 ပူးပေါင်းရင်းမြစ်များ

ꞌThianaattõ 47:9

Ẽdẽcĩ Yakobo habu anneek, “Ẽlẽ maac ciee ĩĩn irkiꞌnyia cĩgannĩg ꞌcĩg hõvvõõyyĩ ꞌjieena ꞌmiia hõdẽĩ hĩ hẽẽn iyyio. Hĩdĩcĩg irkiꞌnyia cĩgannĩg ꞌcĩg happĩĩrnanĩĩ hõvvõõyyĩ ꞌjieena ho haaga. Hõllõngaa occa aduhõõ hĩ baag hĩbaangĩ baagannĩg õvvõ ꞌjieena hĩ ꞌyioko naa ho.”

Maatteeo 16:27

Hĩnĩngĩtĩ õkõ hatĩ aku Ngeertĩ Eeto bulẽẽttaa cĩ Maacõnĩ hĩ aajĩlẽẽt cĩgĩnnĩg nẽ hatĩ ikia ũdũman eet hõdẽĩ hõdẽĩ ꞌgõõlaa ꞌcĩ baa aattiyyi nẽẽg loota nĩnga.

Maatteeo 22:16

Ma ho, ĩꞌthooyyia nẽẽg nuyyiook cĩggĩĩng hõdẽĩ hĩ eet cĩg Ẽrõõdẽ, hiita hĩ ĩnõõnnõ. Iita uduktaak nẽẽg ĩnõõnnõ ĩĩttĩk, “ꞌLimmannioohit, hagayyi naag ĩĩnĩ eet ꞌcĩ abũnnaa nẽ allimani thõõth cĩ Nyekuci ꞌgõõlaa ꞌcĩ ĩĩn dĩdĩ. Acini nii eet vẽlẽk ꞌgõõlaa ꞌcĩ aduhõõ thõng nẽ hagayyia ngaatĩ hõllõngaa ũũhũĩ thõõth ꞌcĩ allimani, hĩnĩngĩtĩ thooꞌthiok ꞌcĩg aduhaaki eeta ꞌcĩg obbitig nganiita.

Maatteeo 6:9

“ꞌGõõl ꞌcĩ occa alaiinnu niig cieeni, “ ‘Baangeet ꞌcĩ aaĩ hẽẽtahujjieen, hubulli ꞌthaara cugunnig,

ꞌRooma 11:20

Ĩĩn nẽẽꞌthẽk thõõth niccia thõõth dĩdĩ. Nẽẽthĩ, baa eꞌngeddoothĩk nẽẽg tuu, hĩnĩngĩtĩ baa aitiõõ nẽẽg hõllõngaa ẽlẽmĩ Nyekuc nẽ aattiyyu niig ngaatĩ aattiyyu ho, hĩnĩngĩtĩ aꞌnyaku lemiinit hĩ ĩnõõnnõ. Nẽẽthĩ ma hirriannu thõng, itingolli Nyekuc.

2 Korinthia 1:2

Aꞌnyĩĩk bũnnai hĩ ganõn ꞌcĩ aku hĩ Nyekuc Baangeet cĩnaac, hĩ Makayyioohit cĩnaac Yeesu Krĩstõ haaꞌnyuung ngagiit aaut lõꞌngõõc.

2 Korinthia 5:6

Nẽẽthĩ, haanytĩk ꞌthinneeti cĩggaac hokomit. Ma nga harũgĩ naag loota nĩnga, nga ꞌthẽk hĩĩgĩn ꞌrẽẽttĩg hĩ Makayyioohit.

2 Korinthia 7:1

ꞌGotoonoga hĩ ngoonoga, hĩcĩ haꞌnyahit naag thooꞌthiok ꞌcĩg tiirik ꞌcĩg aduha Nyekuci ho, haaut ꞌrẽẽna hẽlẽggẽẽnnĩ vẽlẽk ĩcĩg occa aaꞌnyĩk eleeti hĩ loriẽẽt cĩggaac hĩĩtõ ꞌriiring. Hadiim hĩĩgĩn eet ꞌcĩg abũnnaa nẽ haꞌnyahit authet ꞌcĩ hiꞌngoliini Nyekuc.

2 Korinthia 7:11

Nẽ ĩcĩnĩt dako nõõ ꞌgii ꞌcĩ adtican Nyekuci ngaatĩ aꞌnyahaakuung ngagiit mothiinit. Adiim ẽtẽrꞌthaannu niig dĩdĩ, ngaatĩ ammĩrru niiga. Alĩĩlĩyyu niiga, akuleeku niig ꞌjieen nẽ ũmũyanuung ngaatĩ acinnu thõõth ꞌcĩ ĩĩn dĩdĩ ngaatĩ adticaniini nẽ etereꞌthiaau iittu, aũlannu niig thõõthaa cĩ vẽlẽk dĩdĩ.

ꞌGalaaꞌthia 2:6

Nẽ eeta ꞌcĩg baag aattĩg hĩ makayyiooha, baa hõllõngaa haallahi naa ĩhõõggõ, hĩnĩngĩtĩ etteedĩk Nyekuci eet thõõth ꞌgoolliohĩĩ ꞌcĩg aattiyyi nẽẽgĩ nẽ hõllõngaa ĩttoorĩk nẽẽg thõõth umwa ꞌlimmaanaa caannĩ.

Eevvetho 1:17

Hara naa hala Nyekuc Baangeet ꞌcĩ abuli cĩ Makayyioohit cĩnaac Yeesu Krĩstõ, hátĩ haaꞌnyuung Lori ꞌcĩ Ẽllẽẽmĩthĩ. Aaꞌnyuung hatĩ Lorii ꞌcĩ Ẽllẽẽmĩth ko ngagiit eggeenyit nẽ agayyu thõõth ꞌcĩ hagaĩ Nyekuc jurrung.

Eevvetho 3:14

Ma hammuhi thooꞌthiok iccig vẽlẽk, hakati huruꞌnyia nĩngĩtĩ halaĩ Baangeet,

Eevvetho 6:9

Nẽ niig makayyiooha, ĩdĩmanit niig buúk appahacaaꞌnya cugguung jurrung. Ma hadĩmannu ĩhõõggõ ꞌbuth, hĩnĩngĩtĩ agayyu niig aꞌnyak nẽẽg buúk Makayyioohit ꞌcĩ aaĩ hẽẽtahujjieen ꞌcĩ aduhõõ hĩ ꞌcĩ aꞌnyaku niiga, makayyioohit ꞌcĩ hõllõngaa ahal eeta.

Pilippi 2:12

ꞌGotoonoga hĩ ngoonoga, baa gõõng athĩkneennu niig baa gõõng harũmĩ hĩ ngagiita. Hĩ ꞌyioko hĩĩna naa ꞌrẽẽn hĩ ngagiit ko, ĩthĩktõ gẽrrẽẽt hĩllõõan. Nẽẽthĩ hoti ho, tẽẽlꞌthĩta hĩ barritẽẽtta, aaut ꞌgõõlaa ꞌcĩ ẽtẽrꞌtha aĩ, ĩĩn elliaanĩtĩ cunuung dĩdĩ.

Kolooꞌthe 3:25

Nẽẽthĩ, ẽẽtĩ ꞌcĩ adĩman thõõth ꞌcĩ abathĩ, adĩmanoothĩk hatĩ ĩnõõnnõ buúk thõõth ꞌcĩ abathĩ nẽ aitiõõ haliiniti tõõ.

Ebereei 12:28

Hĩcĩ hummuddia naag habuccieet ꞌcĩ hõllõngaa õmmõõtĩ ho, hatalit nẽ hĩdĩhĩthĩt Nyekuc ngaatĩ halaĩ ĩnõõnnõ tẽẽlꞌthĩtaa ꞌcĩ ẽllẽẽmĩthĩ hĩ bulẽẽtta.

Ebereei 4:1

Nga abũnnaa thõõth baa aduha Nyekuci aĩ ꞌcĩ hadukni nĩngĩtĩ ꞌyiommaanõ nẽ adiim harrĩcana naag, hátĩ hiittiõõ hõllõngaa abacĩ eet umwaa ngaatĩ adukni nĩngĩtĩ ꞌyiommaanõ ho hõrggẽẽnaa cunuung.

1 Pẽẽtũrũ 2:11

ꞌGotoonoga hĩ ngoonoga, haduhaakuung naa ngagiit hanneekuung, iiginnu niig eet cĩg looc ꞌcĩ ꞌrĩĩng hĩ tahana loota nĩnga. Nẽẽthĩ hoti ho, halayyuung naa ngagiit ũtũngteek hẽlẽggĩ ꞌcĩg abũraneek eleeti cugguung ꞌcĩg aruhoonnu hĩ ngagiit ko.

1 Pẽẽtũrũ 3:15

Itingolli Krĩstõ nẽ aanytĩhu hĩĩ Makayyioohit rũgẽtaa cunuung. Má ajinnuung eet umwaa thõõth cĩ lemiinit cunuung, ũkũmattoothĩk hõdõõkõthĩ, hátĩ attacanit, nẽẽthĩ, ĩdĩmanit thõõth icci tarbalꞌthẽẽta hĩ ngaatĩ iꞌngoliinnu ĩnõõnnõ.