Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




1 Pẽẽtũrũ 1:12 - ꞌBuuk cĩ Thõõth cĩ Nyekuci

12 Baa adukiaak ĩhõõggõ aĩ, adticanoothikuung ngagiita, hõllõngaa adticanoothĩk eleeti cĩggĩĩng ẽmmẽn. Nẽ ꞌyioko, irrioonikuung ngagiit eeta ꞌcĩg allimannuung ꞌtirriaanaa cĩ Lori ꞌcĩ Ẽllẽẽmĩth, baa ĩꞌthooyyia hẽẽtahujjieen. Nẽ baa ĩĩn nyeemuut cĩnĩĩng ko, cunuung diooni, tananga baa adiim aajĩlẽẽta aga nyeemuut tĩho.

အခန်းကိုကြည့်ပါ။ ကော်ပီ




1 Pẽẽtũrũ 1:12
56 ပူးပေါင်းရင်းမြစ်များ  

Ma kõr niccia, õthõõth Yeesu ĩĩ, “Hadihiꞌthii naa nganiit Baaba caannĩ, Makayyioohit cĩ hẽẽtkujjieen hĩ cĩ lootu, hĩnĩngĩtĩ agunyuthi nii hẽlẽggĩ iccig vẽlẽk hĩ eet ꞌcĩg ĩĩn ꞌgeeꞌnyiak, hĩ ꞌcĩg illimattĩ vẽlẽk nẽ eteretheehu lõhõlĩ ꞌcĩg kidicig.


“Baa aaꞌnya nganĩĩt Baaba hẽlẽggĩ vẽlẽk. Aitiõõ ẽẽtĩ ꞌcĩ aga Ngeerĩnĩ tõõ, Maaꞌnyĩ dioo ꞌcĩ aga nẽ aitiõõ ẽẽtĩ ꞌcĩ aga Maaꞌnyĩ tõõ, Ngeerĩnĩ dioo ꞌcĩ aga, hĩ eet baag ẽbẽra Ngeerĩnĩ, hátĩ hagaacõ nẽẽg buúk ĩnõõnnõ.


Ẽdẽcĩ Yeesu ĩnõõnnõ anneek, “ꞌThimõõnẽ ngeertĩ Yõõna, aggatannii nganiit Nyekuci! Hõllõngaa ammũda nii thõõth icci ẽmmẽn. Eterꞌtheeki nganiit Baaba caannĩ ꞌcĩ aaĩ hẽẽtahujjieen.


Ma ho, ĩĩnnĩk Yeesu ĩhõõggõ, “Õõt illimanit eet nyeemuut ꞌcĩ abũnnaa loonyini vẽlẽk.


Haduhaakuunga, ꞌgõõlaa ꞌcĩ aaĩ hoti, atalĩ hatĩ aajĩlẽẽta cĩg Nyekuci, hĩnĩngĩtĩ ꞌthẽccannioohit hõdẽẽthõng ꞌcĩ ũtũngeek ꞌgõõl cĩ ꞌthẽccaneetu.”


Baa aduhaak Lorii ꞌcĩ Ẽllẽẽmĩth ĩnõõnnõ anneek, aitiõõ hatĩ nẽẽ hõllõngaa adaahĩ nga hĩcĩn Krĩstõ cĩ Makayyiookto.


Nĩngĩtĩ ĩꞌngaannĩ ꞌthooyyiaha õõĩ olooyyiohĩ vẽlẽk nẽ illimanit nyeemuut ꞌcĩ abũnnaa nẽ aanytĩk eet hũbũttaathõ mooriꞌthioohĩ lõkõrẽẽt vẽlẽk.


“Ma ikia Tilooyyiohiti ꞌcĩ hatĩ hĩꞌthõõakuung naa hĩ Baaba, Lori ꞌcĩ Thõõth ꞌcĩ ĩĩn dĩdĩ ꞌcĩ aku hĩ Baaba, aku hatĩ etereꞌthuung ngagiit thõõth caannĩ.


Ma baa nga õthõõth Pẽẽtũrũ thooꞌthiok iccig, ikia ulluucciak Lorii ꞌcĩ Ẽllẽẽmĩth eet vẽlẽk ꞌcĩg baag athĩhĩ nyeemuut ko.


Ma baa õhõnõõthĩ Paaulo ẽlẽk, hĩtĩngaayyia hataman hoottia Maccedoonia. Hĩnĩngĩtĩ hagayyiootha ngaatĩ aũũyyeet ngagĩĩt Nyekuci hoottia hillimatta nyeemuut ꞌcĩ abũnnaa ĩĩca.


Õdõngĩ Yeesu hẽẽtahujjieen hũũk haau attiaa cobbi ĩĩcĩ Nyekuci nẽ aaꞌnyĩk Baangẽẽtĩ ĩnõõnnõ Lori ꞌcĩ Ẽllẽẽmĩth hĩ baa aduha Nyekuci. Ĩĩn Yeesu buúk eet ꞌcĩ aaꞌnyeet ngagĩĩt Lori ꞌcĩ Ẽllẽẽmĩthĩ, ĩnõõ ꞌyioko thõõth ꞌcĩ acinnu ngaatĩ õthõõthĩ nuyyiooha thooꞌthiohĩ cũũmõ cũũmõ ho.


Ma baa alayyio lemmiooha ẽlẽk, ikia õtõmõ nĩngĩtĩ alaiini nẽẽg ko. Ma nĩngaata, ikia Lorii ꞌcĩ Ẽllẽẽmĩth hĩ ĩhõõggõ, nĩngĩtĩ arrĩcanaanĩ nẽẽg ngaatĩ irriõõnĩ nyeemuut cĩ Nyekuci ꞌtirriaana.


Baa ammũdeek aaĩ Lorii ꞌcĩ Ẽllẽẽmĩth hĩ Pẽẽtũrũ, nĩngĩtĩ aduhaakĩ nẽẽ ĩhõõggõ annẽẽkĩ, “Niig makayyiooha hĩ eet ꞌcĩg obbitig cĩg eetuk!


Ma urutaa ꞌcĩ illimattẽẽhĩ Pẽẽtũrũ hĩ Yõaannẽ eet nyeemuut ꞌcĩ abũnnaa cĩ Makayyioohit Yeesu ꞌtaaũna ĩĩca ẽlẽk, baa nẽẽ illimanit eet olooyyiohĩĩ ꞌcĩg mẽẽlĩg ĩĩcĩg Thamaria vẽlẽk nẽ oboddioothĩ ꞌJeruꞌthalẽma.


Ĩnõõ ꞌcĩ habũranẽẽkĩ naa ngaatĩ hirriõõnĩ nyeemuut ꞌcĩ abũnnaa hĩ ngagiit buúk ꞌcĩg aattiyyu ꞌRoomattĩ ho.


Aduha nyeemuut ꞌcĩ abũnnaa ho, ꞌgõõl ꞌcĩ elemmeet Nyekuci hĩĩtõ tẽllĩg muumaa cĩnnĩ. Iꞌthianaanĩ thõõth ciee nẽ ũttũbanoothĩk lemiitta. Attũbanoothĩk thõõth ciee ꞌthianaatta ĩꞌthõng decciaanĩt lemiitta. Hĩcĩ aduha ꞌBuuhi cĩ Nyekuci aĩ, “Arũgĩ hatĩ ẽẽtĩ ꞌcĩ ẽlẽmĩ Nyekuci, hĩnĩngĩtĩ lemiinit.”


Occa irrioonĩk nẽẽg eet hutuno hatĩ nga hĩꞌthooyyii nẽẽgĩ? Hĩcĩ eheeddi ꞌBuuhaa cĩ Nyekuci aĩ, “Ĩĩn occa ꞌlẽẽmĩthĩ cĩ ꞌthoo cĩg eet ꞌcĩg aꞌnyaha nyeemuut ꞌcĩ abũnnaa hutuno?”


Nẽ dĩdĩ, haduha naa ꞌgõõl ꞌcĩ baa adticanĩ Krĩstõ thooꞌthiok ꞌcĩg ĩnaat eeta, ꞌtirriaanaa cĩ Lori ꞌcĩ Ẽllẽẽmĩthĩ. Baa hirrioona naa nyeemuut cĩnnĩ ꞌcĩ abũnnaa, iꞌthianaanĩ ꞌJeruꞌthalẽma ĩꞌthõng hõdõlan looc cĩ Illiriko.


Nẽẽthĩ, baa eteretheeheet Nyekuci ngagĩĩt thooꞌthiok iccig Loriiaa cĩnnĩ. Atarraaban Lorii thooꞌthiok vẽlẽk, tananga thooꞌthiok ꞌcĩg aaddi cĩg Nyekuci.


nẽ aaꞌnyeet ngagĩĩt nyamacaar cĩnnĩ ꞌcĩ hĩĩgĩnnĩ naag cĩgĩnnĩg nẽ aarĩkeet Lori ꞌcĩ Ẽllẽẽmĩth ꞌthinneetinii cĩggaac, hẽtẽrẽtha ngaatĩ hĩĩgĩnnĩ naag cĩgĩnnĩg.


Hadiim hẽtẽrꞌtha naag haĩ hĩĩgĩn appahacaaꞌnya cĩg Nyekuci, ngaatĩ hĩĩgĩnnĩ tẽllĩg nẽ hagaacõ thõõth cĩ Nyekuci dĩdĩ, hĩ ngaatĩ hẽmmẽẽꞌthĩ ꞌcannan nẽ hĩĩtõ tarbalĩg. Aau Lorii ꞌcĩ Ẽllẽẽmĩth hĩ ngagĩĩta nẽ baa ĩĩn mĩnnanĩ cĩnaang thõõth dĩdĩ.


Baa hõllõngaa hammũda naa nyeemuut icci hĩ eet umwa haaga, baa eterꞌtheeka nganĩĩt Yeesu Krĩstõ Nyeemuut icci.


ngaatĩ eterꞌtheeka nganĩĩt ngeerĩnĩ, hátĩ huduhaak eet vẽlẽk ꞌcĩg hõllõngaa ĩĩn ꞌJudeei nyeemuut cĩnnĩ ꞌcĩ abũnnaa nẽ nga hijina eet umwaa nyeemuut icci ũdũt.


Baa tabiinit cĩ Nyekuci vẽlẽk ꞌcĩ baa adticaniini nẽẽ lothippit cĩ lemmioohu, hẽtẽrẽthaak ꞌgẽẽnyĩth cĩnnĩ ꞌcĩ aaĩ cũũmõ cũũmõ, makayyiook hĩ habuẽẽt ꞌcĩg hõllõngaa edeeꞌnyia ꞌcĩg aggam hẽẽtkujjieen.


Nẽ dĩdĩ ꞌgotoonoga hĩ ngoonoga, occa nẽẽꞌthẽk ammuhooꞌthu pĩĩrnanĩt baa harayya naag dtiic ꞌcĩ õkõmĩ waathĩn hĩ baalin, hátĩ hiittiõõ hõllõngaa haꞌnyahaaka eet umwa heciinit nga hallimannuung nyeemuut ꞌcĩ abũnnaa cĩ Nyekuci.


Aitiõõ jinẽẽnĩtĩ tõõ, ĩĩn ciee thõõth cobbi gẽrrẽẽt, ꞌcĩ ĩllõõan ꞌgẽẽnyĩth cĩ eetu lemiittaa cĩnaac. Baa arrittiaa Yeesu loota nĩnga hĩĩ eet hĩ naaga nẽ ikia ẽtẽrẽtha Lorii ꞌcĩ Ẽllẽẽmĩth aĩ, aaꞌnyĩk nẽẽ Nyekuc hatal gẽrrẽẽt nẽ ĩcĩnĩt aajĩlẽẽta buúk ĩnõõnnõ, ma nĩngaata, ikia ũũhĩ Nyekuci ĩnõõnnõ bulẽẽtta hẽẽtahujjieen. Allimanoothĩk thõõth cĩnnĩ eet loonyini vẽlẽk, nĩngĩtĩ au ẽlẽmmĩ eeta thõõth cĩnnĩ.


Baa adaahito eeta cieeg vẽlẽk nẽ nga ẽlẽmĩ thõõth baa aduhaak Nyekuci ĩhõõggõ. Baa nga hummuddia nẽẽg thõõth baa aduhaak Nyekuci ĩhõõggõ, nẽẽthĩ, baa accamanoothĩk nẽẽg ngaatĩ acĩnõõꞌthĩ thooꞌthiok tĩko ꞌrẽẽna nẽ elemita. Baa ẽlẽmĩ nẽẽg ngaatĩ ĩĩnnĩ tahan nẽ ĩĩtõ tũhayyiook loota nĩnga.


Aduha Nyekuci nẽẽ dẽẽdẽ aĩ thõõth ꞌcĩ ĩĩn dĩdĩ cieeni, ꞌgõõlaa ꞌcĩ adticanĩ thooꞌthiok ꞌcĩg mẽẽlĩg ꞌcĩg ĩnaat eeta nẽ aaꞌnyĩk eet Lori ꞌcĩ Ẽllẽẽmĩth hĩ ꞌbaaninit hĩcĩ adiim nẽẽnĩ.


Baa hĩthĩhĩt naag nyeemuut ꞌcĩ abũnnaa ho, hĩ baa athĩhĩ eeta cĩg Ĩꞌthĩraẽlĩ. Nẽ baa ũtũbũrĩt nẽẽg thõõth baa ĩthĩhĩt ẽlẽk. Ma ho, iittiõõ nyeemuut ciee hõllõngaa ẽẽl ĩhõõggõ, hĩnĩngĩtĩ hõllõngaa aꞌnyak nẽẽg lemiinit.


Nẽẽthĩ, aalla thõõth cĩ Makayyiookto ũdũt.” Nẽ ĩĩn thõõth tĩho nyeemuut ꞌcĩ abũnnaa baa allimanoothikuung ngagiita.


Baa illimanoothĩk nyeemuut ꞌcĩ abũnnaa eet ꞌcĩg adaahito, hátĩ má etteedoothĩk ĩhõõggõ thõõth, hĩnĩngĩtĩ thooꞌthiok ꞌcĩg baag ĩdĩmanit nẽẽg rũgẽtaa cĩ, arũmĩ hatĩ loriẽẽta cĩggĩĩng hĩ Nyekuc.


Ma tarĩ ho, hĩthĩha molook cĩ aajĩlẽẽt ꞌcĩg mẽẽlĩg ꞌrĩĩng ꞌcĩg ĩĩn aalibꞌnya hĩ millioꞌnya, ebenni nẽ irriamatteek dtaaba cobbi ho, hĩ hẽlẽggĩ ꞌcĩg ĩĩn ꞌwec ꞌcĩg arũgĩ ho, hĩ makayyiook ꞌcĩg ĩĩn hẽẽn ꞌramma hĩ ꞌwec ko.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ