1 Pẽẽtũrũ 1:1 - ꞌBuuk cĩ Thõõth cĩ Nyekuci

¹ Waraga ꞌcĩ aku hĩ nganĩĩt Pẽẽtũrũ ꞌthooyyiahit cĩ Yeesu Krĩstõ cieeni. Heheedihi naa waraga icci eet ꞌcĩg ẽbẽra Nyekuci ꞌcĩg aattĩg hĩ tahana loonyinii cĩg Pontu hĩ ꞌGalaaꞌthia hĩ Kapadooccia hĩ Aaꞌthia hĩ Bithinia.

1 Pẽẽtũrũ 1:1 ပူးပေါင်းရင်းမြစ်များ

Maatteeo 10:2

ꞌThaarriok cĩg ꞌthooyyiak ꞌcĩg ĩĩn õmmõtõ hĩ ꞌramma ho cieegi: Hõdẽĩ ꞌThimõõnẽ ꞌcĩ haĩ ꞌthaar ũgĩ Pẽẽtũrũ, hĩ ꞌgõtõnĩ ꞌcĩ haĩ Andrea, hĩ ꞌJeemith ngeertĩ ꞌThebedeeo, hĩ ꞌgõtõnĩ ꞌcĩ haĩ Yõaannẽ.

Maatteeo 24:22

Má hõllõngaa ohodeek Nyekuci korriook tĩko hĩĩtõ huturig, aitiõõ hatĩ ẽẽtĩ ꞌcĩ arũgĩ tõõ. Nẽẽthĩ, hĩnĩngĩtĩ eet ꞌcĩg ẽbẽra nẽẽnĩ, ohodeek hatĩ nẽẽ korriook tĩko hĩĩtõ huturig.

Maatteeo 4:18

Kõr umwa, baa õvvõ Yeesu dẽmẽtaa cĩ Bũlũc cĩ ꞌGalileea. Ma ho, ĩcĩn ꞌgõtõn ꞌramma ꞌcĩg adhuheek nyelelewwa bũlũcatõõ, hĩnĩngĩtĩ baa ĩĩn nẽẽg eet ꞌcĩg aggam ulugo. Baa haĩ umwa ꞌThimõõnẽ nẽ hĩĩtõ umwa Andrea. Haĩ ꞌThimõõnẽ ꞌthaar ũgĩ Pẽẽtũrũ.

ꞌLuuka 18:7

Ĩcca occa ꞌthẽk hõllõngaa ẽẽl Nyekuci eet cĩgĩnnĩg ꞌcĩg ẽbẽra nẽẽ ẽlẽk, ꞌcĩg ĩĩlaleek ĩnõõnnõ baalin hĩ waathĩn? Ara occa hatĩ iiggiaeek ĩhõõggõ tuu?

Yõaannẽ 11:52

Nẽẽthĩ nẽẽꞌthẽk, hõllõngaa occa adaahĩ Yeesu, hĩnĩngĩtĩ eet cĩg ꞌJudeei diooni, baa adaahĩ nẽẽ, hĩnĩngĩtĩ eet cĩg Nyekuci ꞌcĩg ĩꞌthanothoothĩk looc nicci vẽlẽk, hátĩ hũlũta nẽẽ ĩhõõggõ vẽlẽk ngaatĩ hõdẽẽthõng.

Yõaannẽ 7:35

Nĩngĩtĩ ajinõõnĩ makayyiooha cĩg ꞌJudeei ẽmmẽn aĩnnĩ, “Õkõ occa hatĩ nẽẽ ĩĩna hanyamaneet hatĩ ngaatĩ hammũdaanĩ ĩnõõnnõ ho? Õkõ occa hatĩ looccaa cĩ ꞌGirihi, ĩĩ gõõng ĩꞌthanõthõõthĩkĩ eeta cĩggaac eetinii cĩg ꞌGirihi nẽ ũũk illiman eet cĩg ꞌGirihi?

Dtiicanĩ cĩg ꞌThooyyiahu 18:2

ngaatĩ baa õmmõtõõnĩ hĩ eet ꞌcĩ haĩ Akwila ꞌcĩ baa ĩĩn ꞌJudeeinit cĩ looc cĩ Pontu. Baa nga au Akwila hĩ ngaa cĩnnĩ Piriciilla looccaa cĩ Itali thõng, hĩnĩngĩtĩ baa aduhaak habuui ꞌcĩ haĩ Kalaudio eet cĩg ꞌJudeei hũtũrũũr, hũtũngteek ꞌRooma. Ma ho, ĩtĩnga Paaulo ũũk ĩcĩn Akwila hĩ Piriciilla,

Dtiicanĩ cĩg ꞌThooyyiahu 18:23

Ma urutaa ꞌcĩ aavvi nĩngaata hĩdĩhĩdĩĩc, ikia eheronoothĩk loonyin ꞌcĩg mẽẽlĩg ꞌGalaaꞌthia hĩ Virigia. Baa õkõ ẽẽl nẽẽ nuyyiook huꞌthuutti lemiinit cĩnĩĩng jurrung.

Dtiicanĩ cĩg ꞌThooyyiahu 19:10

Baa ẽtẽttẽd ꞌlimmanĩ ciee irkiꞌnyia ꞌramma, hátĩ hĩthĩhĩt eeta cĩg ꞌJudeei hĩ cĩg ꞌGirihi, ꞌcĩg aattĩg looccaa cĩ Aaꞌthia thõõth cĩ Makayyiookto.

Dtiicanĩ cĩg ꞌThooyyiahu 6:9

Nẽ baa aattĩg eeta cĩg ꞌJudeei ũgẽẽgĩ cĩg ꞌCieeth cĩ Laiitto ꞌcĩg haĩ Eet ꞌcĩg Õõgta ꞌcĩg baag abũrĩ Tẽẽvẽnõ. Baa ĩĩn ꞌJudeei cieeg ꞌcĩg au ꞌtaaũnaa cĩ Alethandria hĩ looccaa cĩ Cireene hĩ ꞌCilicia hĩ Aaꞌthia.

Dtiicanĩ cĩg ꞌThooyyiahu 8:4

Õõt illimanit nuyyiooha cĩg Makayyioohit Yeesu, ꞌcĩg baag ĩꞌthaattĩ tahatak, nyeemuut ꞌcĩ abũnnaa ꞌgoolliohĩĩ ꞌcĩg baag õõĩ nẽẽgĩ.

1 Korinthia 16:19

Ĩꞌthaayyuung lothippiti cĩ lemmiook ꞌcĩg au ꞌtaaũnnioohĩ cũũmõ cũũmõ ĩĩcĩ looc cĩ Aaꞌthia. Ĩꞌthaayyuung Akwila hĩ Piriciilla gẽrrẽẽt ꞌthaarĩĩ cĩg Makayyiookto, hõdẽĩ hĩ lemmiook ꞌcĩg õmmõtõõ ꞌcieethaa cĩnĩĩng.

2 Korinthia 1:8

Niig ꞌgotoonoga hĩ ngoonoga, hadiimmuung naag ngagiit agaac pĩĩrnanĩt baa happĩĩrnanna naag looccaa cĩ Aaꞌthia. Baa haꞌnyaka naag pĩĩrnanĩt ꞌcĩ maka gẽrrẽẽt ꞌcĩ ĩllõõan ꞌtirrian cĩnaang nẽ hiita hummukta hiita, hadaakta hatĩnĩ.

ꞌGalaaꞌthia 1:2

Nẽ hĩꞌthaayyuung naag hõdẽĩ hĩ ꞌgotoonoga hĩ ngoonoga, ngagiit lothippiꞌnya cĩg lemmiook cĩg ꞌGalaaꞌthia. Waraga ꞌcĩ eheedothoothĩk lemmiook ꞌtaaũnnioohĩĩ cĩg looc cĩ ꞌGalaaꞌthia.

Eevvetho 2:12

Baa nohota, baa erekuung ngagiit Krĩstõ. Baa iiginnu eet cĩg looc cĩrrĩĩng looccaa cĩ Ĩꞌthĩraẽlĩ nẽ hõllõngaa othollu lõhõt baa adak Nyekuci hĩ ĩhõõggõ. Baa aattiyyu niig loota nĩnga, baa aitiõõ Nyekuci hĩ ngagiit tõõ nẽ iittiõõ muhẽẽnĩtĩ ꞌcĩ abũnnaa buúk tõõ.

Eevvetho 2:19

Hĩnĩngĩtĩ thõõth icci, iittiõõ niig hõllõngaa iiginnu eet cĩg looc cĩrrĩĩng, iittu niig eet cĩg halang cĩ Nyekuci,

2 Timotteeo 1:15

Aga nii buúk, ũtũngteeha nganĩĩt eeta ũgẽẽgĩ cĩg looc cĩ Aaꞌthia, tananga Vijeelo hĩ Hermojeno buúk ũtũngteehaanĩ.

Ebereei 11:13

Baa adaahito eeta cieeg vẽlẽk nẽ nga ẽlẽmĩ thõõth baa aduhaak Nyekuci ĩhõõggõ. Baa nga hummuddia nẽẽg thõõth baa aduhaak Nyekuci ĩhõõggõ, nẽẽthĩ, baa accamanoothĩk nẽẽg ngaatĩ acĩnõõꞌthĩ thooꞌthiok tĩko ꞌrẽẽna nẽ elemita. Baa ẽlẽmĩ nẽẽg ngaatĩ ĩĩnnĩ tahan nẽ ĩĩtõ tũhayyiook loota nĩnga.

ꞌJeemith 1:1

Waraga ꞌcĩ aku hĩ ꞌJeemith, dticciannioohit cĩ Nyekuci hĩ cĩ Makayyioohit cĩnaac Yeesu Krĩstõ cieeni. Hehedihi naa waraga icci habuccieeꞌnya ꞌcĩg ĩĩn õmmõtõ hĩ ꞌramma cĩg eet cĩg ꞌJudeei ꞌcĩg ĩĩn lemmiook ꞌcĩg ĩꞌthanothoothĩk loonyin vẽlẽk.

1 Pẽẽtũrũ 2:11

ꞌGotoonoga hĩ ngoonoga, haduhaakuung naa ngagiit hanneekuung, iiginnu niig eet cĩg looc ꞌcĩ ꞌrĩĩng hĩ tahana loota nĩnga. Nẽẽthĩ hoti ho, halayyuung naa ngagiit ũtũngteek hẽlẽggĩ ꞌcĩg abũraneek eleeti cugguung ꞌcĩg aruhoonnu hĩ ngagiit ko.

2 Pẽẽtũrũ 1:1

Aku waraga ciee hĩ nganĩĩt ꞌThimõõnẽ Pẽẽtũrũ dticciannioohit hĩ ꞌthooyyiahit cĩ Yeesu Krĩstõ. Hẽhẽẽdakuung naa waraga icci ngagiit eet ꞌcĩg hõthõl lemiinit ꞌcĩ haꞌnyak naag ko. Baa aaꞌnyĩhoothĩkeet lemiiniti ciee ngagĩĩt, hĩnĩngĩtĩ bũnnai cĩ Yeesu Krĩstõ, ꞌcĩ ĩĩn Nyekuc nẽ ĩĩ Ellioohit cĩnaac.

Terethiinit 1:11

Othoothĩkaa mõlõõhĩ tĩho anneeka, “Teheedĩk ꞌbuuhatõõ thooꞌthiok ꞌcĩg acini nii vẽlẽk nẽ ĩꞌthooihuu lothippiꞌnya cĩg lemmiook ꞌcĩg ĩĩn tũkĩramma ho. ꞌThooĩk Eevvetho hĩ Thĩmĩrna hĩ Pẽrgamo hĩ Thiatira hĩ Thaardith hĩ Viladelvia hĩ Laodicea.”