1 Korinthia 9:3 - ꞌBuuk cĩ Thõõth cĩ Nyekuci

³ Thõõth ꞌcĩ heteiini naa ẽlẽ caannĩ hatĩ ajinna eeta ꞌcĩg etteedĩkaa nganĩĩt thõõth cieeni.

1 Korinthia 9:3 ပူးပေါင်းရင်းမြစ်များ

ꞌLuuka 12:11

“Nẽ ma õõ abilluung eeta ꞌCieethaa cĩ Laiitto, hode hĩ ꞌgaala cĩg looc nicci, ma homothiinnu thõõth ꞌcĩ hatĩ õõ aduhaannu,

Dtiicanĩ cĩg ꞌThooyyiahu 22:1

“ꞌGotoonoga hĩ nyakangaaꞌnya, ĩthĩhĩt da thõõth ꞌcĩ aĩ hẽẽlanĩĩ naa ẽlẽ ho.”

Dtiicanĩ cĩg ꞌThooyyiahu 25:16

“Nĩngĩtĩ hannẽẽkĩ ĩhõõggõ, aitiõõ hõllõngaa ĩĩn nyepitee cĩ ꞌRooma, ꞌcĩ occa hẽttẽẽdĩkĩĩ eet umwa thõõth, nga hibillio hĩ eet ꞌcĩg abĩllĩ ĩnõõnnõ ho, nga hẽtẽõõĩ ẽlẽ cĩnnĩ thooꞌthiohĩĩ ꞌcĩg abĩllĩ eeta ho.

1 Korinthia 14:37

Má ammuk eet umwaa aĩ hĩĩnĩ põrõvẽtaac hode aꞌnyak ꞌbaaninit cĩ Lori cĩ Ẽllẽẽmĩthĩ, aꞌnyĩĩk haga nẽẽ hĩĩ, thõõth ꞌcĩ hẽhẽẽdakuung naa ngagiit ko, ĩĩn tilooinit cĩ Makayyioohit Yeesu.

1 Korinthia 9:2

Tananga hõllõngaa hĩĩnĩ naa ꞌthooyyiahit hĩ eet ũgĩ, hĩĩnĩ ꞌthooyyiahit hĩ ngagiit dĩdĩ! Hĩnĩngĩtĩ iiginnu eet dẽẽdẽ ꞌcĩg aggamoothĩka nganĩĩt dtiici ꞌcĩ hĩĩnnĩ ꞌthooyyiahit cĩ Makayyiookto ho.

1 Korinthia 9:4

Ĩcca occa hõllõngaa haꞌnyak naag makaaꞌthĩt ꞌcĩ hũdẽẽttõ hĩ cĩ duhẽẽttõ?

2 Korinthia 13:10

Ĩnõõ ꞌcĩ hẽhẽẽdakuung naa ngagiit thooꞌthiok iccig nga haayyia ꞌrẽẽna, hátĩ ma hikia, hiittiõõ hõllõngaa hothoothikuung komiitta makaaꞌthĩtaa caannĩ, ĩĩ baa aaꞌnya Makayyioohiti. Baa aaꞌnyĩhoothĩkaa nganĩĩt makaaꞌthĩt ciee, hátĩ heelluung ngagiita nẽ baa hõllõngaa aaꞌnyĩhoothĩkaa, hátĩ hĩꞌthannuung ngagiit thõng.

2 Korinthia 13:3

Nẽ hĩcĩ adiimmu niig agayyu ngaatĩ õthõõthĩ Krĩstõ hĩ nganĩĩta, aitiõõ nẽẽ hõllõngaa appĩĩrnanĩ ꞌtirrian cĩnnĩ, hatĩ adiim ammiirannuung ngagiit ꞌthẽccanẽẽtĩĩ cugguung nẽ maka ꞌtirrianĩ cĩnnĩ hõrggẽẽnaa cunuung.

2 Korinthia 13:5

Iiyyielit eleeti cugguung hátĩ ummuddia, má aꞌnyaku lemiinit cĩ Krĩstõ ꞌcĩ ĩĩn dĩdĩ. Ĩttĩmanit eleeti cugguung nẽ má ĩllõõattu ꞌtĩmman icci, ammũdaannu hatĩ ngaatĩ aayyi Yeesu Krĩstõ hĩ ngagiita nẽ má hõllõngaa aaĩ Krĩstõ hĩ ngagiita, udhuktaau thĩ ꞌthẽk niig ꞌtĩmman icci.

Pilippi 1:17

Nẽẽthĩ, eeta ꞌcĩg iinannaa nganĩĩta, alliman nyeemuut cĩ Krĩstõ ꞌgõõlaa ꞌcĩ himmaarrianõõnna hĩ nganĩĩt ꞌlimman. Adiim aĩnanaaka nẽẽg nganĩĩt pĩĩrnanĩt, nga haaĩ baabuuthatõõ.

Pilippi 1:7

Hammuhaannuung naa ngagiit ꞌthĩnĩtaa caannĩ gẽrrẽẽt. Nẽẽthĩ hoti ho, abũnnaa hĩ nganĩĩt ngaatĩ haarikuung ngagiit vẽlẽk ꞌthĩnĩt ꞌgõõlaa cĩ. Baa otholeekaangu niig nganĩĩt bũnnai cĩ Nyekuci, baa haaĩ baabuutha, hĩ thõõth ꞌcĩ heteiini thõõth ꞌcĩ ĩĩn dĩdĩ hĩ nyeemuut ꞌcĩ abũnnaa.

2 Timotteeo 4:16

Baa õõyyĩa eeta nganĩĩt lokihooa, baa hiꞌthihi eet ꞌcĩ aku ẽẽlannaa nganĩĩt, hĩnĩngĩtĩ iirrieeha eeta vẽlẽk haau ẽmmẽn. Aꞌnyĩĩk Nyekuc hatamaatĩk ĩhõõggõ, hĩnĩngĩtĩ thõõth icci.