1 Korinthia 7:2 - ꞌBuuk cĩ Thõõth cĩ Nyekuci

² Nẽẽthĩ, hĩnĩngĩtĩ mẽẽlĩg thooꞌthioha ꞌcĩg ĩĩn ꞌriiring, abũnnaa aꞌnyak ẽẽtĩ ngaa cĩnnĩ nẽ aꞌnyak ngaa maac cĩnnĩ.

1 Korinthia 7:2 ပူးပေါင်းရင်းမြစ်များ

Maatteeo 5:32

Nẽẽthĩ, hanneekuung naa nẽẽ, occa õõg ẽẽtĩ ngaa, hatĩ aggamoothĩk hĩ eet umwa diooni. Nẽ ẽẽtĩ ꞌcĩ õõg ngaa cĩnnĩ, aaꞌnyĩk ĩnõõnnõ hẽꞌthẽcanõõ ngaatĩ ooginni hĩ eet umwa nẽ ẽẽtĩ ꞌcĩ attik ngaa ꞌcĩ itiggia eet umwaanĩ, adĩman nẽẽ ꞌthẽccan ꞌcĩ attihi ngaa cĩrrĩĩng.”

1 Korinthia 6:18

Iliittia thooꞌthiok ꞌcĩg ĩĩn ꞌriiring. Nẽ ꞌthẽccanẽẽta ũgẽẽgĩ vẽlẽk ꞌcĩg ẽꞌthẽcan ẽẽtĩ, aattĩg ẽllaa cĩnnĩ battaala, nẽẽthĩ, ẽẽtĩ ꞌcĩ adĩman ꞌthẽccan ꞌcĩ attihi ngaaĩ tahatak, adĩman ꞌthẽccan cĩ ẽlẽ cĩnnĩ ẽmmẽn.

1 Korinthia 7:1

Nẽẽthĩ ꞌyioko, hattacani naa thooꞌthiok baag ajinnaangu niig nganĩĩt waragaawaa cunuung. Baa ainnu niig, “Abũnnaa occa ngaatĩ hõllõngaa aꞌthũwaniini eeta?”

1 Korinthia 7:3

Adiim maac hẽlẽm thõõth cĩ ngaa cĩnnĩ hatĩ adiim oogini nẽ ngaa buúk aꞌnyĩĩk hẽlẽm maac cĩnnĩ hatĩ adiim oogini.

1 Korinthia 7:9

Nẽ má hõllõngaa ũũlũ ngaatĩ aꞌthũũnnĩ eleeti cĩggĩĩng, aꞌnyĩĩk hũꞌthũwattõõ, mẽẽn ngaatĩ aꞌthũwaniini hĩllõõan ngaatĩ abũranẽẽkĩ ꞌtihõõnĩt.

Eevvetho 5:28

ꞌGõõlaa ꞌcĩ aduhõõ thõng, adiim ammĩnan maaccwaana ngaaĩ cĩggĩĩng, haauto hĩcĩ ammĩnan nẽẽg eleeti cĩggĩĩng. Ẽẽtĩ ꞌcĩ ammĩnan ngaa cĩnnĩ, ammĩnan nẽẽ ẽlẽ cĩnnĩ buúk.

Eevvetho 5:33

Nẽẽthĩ ꞌthẽk, adiim ammĩnan maac ngaa cĩnnĩ hĩcĩ ammĩnan nẽẽ ẽlẽ cĩnnĩ, nẽ adiim iꞌngolli ngaa maac cĩnnĩ.

1 Tẽꞌthaloonika 4:4

Nẽ niig hõdẽĩ hõdẽĩ, illimanit ngaatĩ occa iꞌngoliinnu eleeti cugguung ꞌgõõlaa ꞌcĩ ẽllẽẽmĩthĩ.

1 Timotteeo 4:3

Ẽdẽnẽẽkĩ oloꞌngiaaha tĩko eet ngaatĩ aꞌthũwaniini, hĩ ngaatĩ aduhi ꞌgeenniok baag ẽhẽnyta Nyekuci, hátĩ huduhit eeta taliitta, eeta ꞌcĩg ẽlẽmĩ Nyekuc nẽ agaacõ thõõth ꞌcĩ ĩĩn dĩdĩ.