1 Korinthia 4:4 - ꞌBuuk cĩ Thõõth cĩ Nyekuci

⁴ Tẽlla nganĩĩt ꞌthĩnĩt, nẽẽthĩ hinnianĩ, hõllõngaa haini naa hammiri thõng. Makayyioohit ꞌcĩ ẽttẽẽd thõõth caannĩ.

1 Korinthia 4:4 ပူးပေါင်းရင်းမြစ်များ

2 Korinthia 1:12

Nẽ ꞌyioko, ĩĩn ciee ꞌrianĩĩth cĩnaang nẽ aduha ꞌthinneeti cĩggaang ꞌgõõl baa harũmẽẽnĩ hĩ ngagiita nẽ dĩdĩ baa gõõng harũmĩ naag hĩ ngagiit lõꞌngõõc. Baa bũnnai cĩ Nyekuci ꞌcĩ aaꞌnyeet hĩdĩmatta noho, hõllõngaa ꞌgẽẽnyĩth cĩ looc nicci ꞌcĩ hadĩmanna noho ho.

2 Korinthia 5:10

Hĩnĩngĩtĩ aku hatĩ Krĩstõ iccioloongan dtaabawa nẽ ẽttẽẽd thooꞌthiok cĩggaac cũũmõ cũũmõ, hĩ dtiicanĩ ꞌcĩg baag adĩman ẽẽtĩ baa nga arũgĩ loota nĩnga, adĩman baa nẽẽ thooꞌthiok ꞌcĩg abũnnaa hode thooꞌthiok ꞌcĩg abathĩ.

1 Korinthia 4:5

Nẽẽthĩ hoti ho, ma hetteeddu thõõth umwa, hatĩ nga hũttũbanoothĩk kõrra, ereeyyio ĩꞌthõng hikia Makayyioohiti. Aku hatĩ appulanaak nẽẽ thooꞌthiok ꞌcĩg ammiꞌthi muguuratõõ battaali nẽ aꞌthalana muhẽẽnĩt cĩ ꞌthinneeti cĩg eetuk. Nẽ kõr niccia, ammũda hatĩ eeta hõdẽĩ hõdẽĩ dĩhĩthẽẽnĩt hĩ Nyekuc.

ꞌRooma 2:13

Hĩnĩngĩtĩ hõllõngaa eet ꞌcĩg athĩhĩ nyattal ꞌcĩg aũlan thõõth cĩnĩĩng muumaa cĩ Nyekuci, nẽẽthĩ hinnia eet ꞌcĩg aꞌthũũnnĩ nyattal dioo ꞌcĩg hatĩ adukiaa aĩ, ĩĩn eet ꞌcĩg abũnnaa.

Dtiicanĩ cĩg ꞌThooyyiahu 23:1

Baa nẽẽ akatĩ Paaulo makayyiook cĩg lokihooak hẽbẽrĩ nẽ ĩĩ, “ꞌGotoonoga hĩ ngoonoga, kõr icci hadticanoothihi naa Nyekuc thõõthaa ꞌcĩ tẽllĩ.”

Yõaannẽ 21:17

Ma ĩcĩ ĩĩn iyyio cĩnnĩ, õbõdẽẽhĩ Yeesu ijin ꞌThimõõnẽ Pẽẽtũrũ ĩĩnnĩk, “ꞌThimõõnẽ ngeertĩ Yõaannẽ, ammĩnannaa nii nganĩĩta?” Ma nĩngaata, ikia õmmõthĩ Pẽẽtũrũ gẽrrẽẽt ngaatĩ ajini Yeesu ĩnõõnnõ tabattĩ iyyio. Nĩngĩtĩ ẽdẽcĩ annẽẽkĩ, “Makayyioohit, aga nii thooꞌthiok vẽlẽk, aga ngaatĩ hammĩnanni naa nganiita.” Ẽdẽcĩ Yeesu anneek, “Tirok aꞌtha cĩgannĩg.

ꞌRooma 4:2

Má baa ẽlẽmĩ Nyekuci Abũrahaamõ, hĩnĩngĩtĩ ꞌgii ꞌcĩ baa adĩman nẽẽnĩ, occa thĩ mĩĩ baa aꞌnyak nẽẽ ꞌgiimwa ꞌcĩ irrianĩ. Nẽẽthĩ, occa hõllõngaa ꞌgõõl cĩ Nyekuci niccia.

1 Korinthia 4:3

Hõllõngaa haallahi naa hatĩ etteedĩkaangu niig nganĩĩt thõõth lokihooaa cĩ eetu nẽ dĩdĩ, hõllõngaa hetteedihi naa ẽlẽ caannĩ thõõth ẽmmẽn.