1 Korinthia 4:2 - ꞌBuuk cĩ Thõõth cĩ Nyekuci

² Nẽẽthĩ ꞌyioko, adiim eeta baag aaꞌnyĩhoothĩk dtiici hidticanit dtiic cĩnĩĩng jurrung.

1 Korinthia 4:2 ပူးပေါင်းရင်းမြစ်များ

Maatteeo 25:21

“Ẽdẽcĩ makayyioohiti cĩnnĩ aĩ, ‘Ĩlaallẽ gẽrrẽẽt, ĩĩnĩ nii dticciannioohit ꞌcĩ abũnnaa ꞌcĩ athihi thõõth! Ĩdĩmanuu jurrung ngaatĩ adticaniini ꞌrabbẽẽt ꞌcĩg abadtẽc haaga hĩĩtõ mẽẽlĩg, nẽẽthĩ ꞌyioko, haaꞌnyii hatĩ naa nganiit makaaꞌthĩt ꞌcĩ aggamĩ hẽlẽggĩ ꞌcĩg mẽẽlĩg. Ijjia hiita hotholit hĩ nganĩĩt taliinit caannĩ.

Maatteeo 25:23

“Ẽdẽcĩ makayyioohiti tarĩ anneek, ‘Ĩlaallẽ gẽrrẽẽt, ĩĩnĩ nii buúk dticciannioohit ꞌcĩ abũnnaa ꞌcĩ athihi thõõth! Baa adticaniini nii ꞌrabbẽẽt ꞌcĩg abadtẽc haaga hiita hĩĩtõ mẽẽlĩg nẽ ꞌyioko, haaꞌnyii hatĩ naa nganiit makaaꞌthĩt ꞌcĩ aggamĩ hẽlẽggĩ ꞌcĩg mẽẽlĩg. Ijjia hiita hotholit hĩ nganĩĩt taliinit caannĩ!’

ꞌLuuka 12:42

Ẽdẽcĩ Makayyioohiti Pẽẽtũrũ anneek, “Dticciannioohit thĩ iina ꞌcĩ ẽggẽẽnyĩth nẽ idtican dtiic cĩ makayyioohit cĩnnĩ jurrung, ꞌcĩ aarĩk makayyioohiti hẽbẽk ꞌgõõnõgĩ nẽ aaꞌnyĩk ĩhõõggõ ꞌgẽẽn ꞌthaawaa ꞌcĩ aũlanĩ?

1 Korinthia 4:1

Nẽẽthĩ, ĩcĩttaangu nganĩĩt hĩ Appoolo hĩ dticcianniooha cĩg Krĩstõ, ꞌcĩg baag aaꞌnyĩhoothĩkeet dtiici ꞌcĩ hẽddẽẽbaka eet thooꞌthiok ꞌcĩg Nyekuci ꞌcĩg ĩllõõan ꞌgẽẽnyĩth cĩ eetu.

1 Korinthia 4:17

Hĩnĩngĩtĩ thõõth icci, hĩꞌthõõakuung naa ngagiit Timotteeo, loholeec caannĩ ꞌcĩ hammĩna nẽ aꞌthũũnnĩ thõõth cĩ Makayyiookto. Ammuhaakuung hatĩ nẽẽ ngagiit authet caannĩ ꞌcĩ hanũĩ Yeesu Krĩstõ ꞌcĩ aduhõõ hĩ thõõth ꞌcĩ hallimanĩĩ naa lothippit cĩ lemmioohu ꞌtaaũnnioohĩ vẽlẽk ĩĩcĩg hõkõõĩ naana.

1 Korinthia 4:3

Hõllõngaa haallahi naa hatĩ etteedĩkaangu niig nganĩĩt thõõth lokihooaa cĩ eetu nẽ dĩdĩ, hõllõngaa hetteedihi naa ẽlẽ caannĩ thõõth ẽmmẽn.

1 Korinthia 7:25

Ẽrẽka thõõth umwaa ꞌcĩ õthõõth Makayyioohiti, hĩnĩngĩtĩ eet ꞌcĩg nga hũꞌthũwattõõ. Nẽẽthĩ, occa haduhaakuung naa ngagiit thõõth ꞌcĩ hammuhi naana. Nẽ occa elemmu thõõth ꞌcĩ haduha naa ho, hĩnĩngĩtĩ ammaannĩkaa Makayyioohiti nganĩĩta.

2 Korinthia 2:17

Adiim eeta ꞌcĩg mẽẽlĩg ammũda baliinit, hĩnĩngĩtĩ aduhaak nẽẽg eet nyeemuut cĩ Nyekuci nẽ hõllõngaa haattiyyia naag buúk hĩ nẽẽgĩ. Hĩĩgĩnna naag ꞌthooyyiak cĩg Nyekuci dĩdĩ, nẽẽthĩ, makaaꞌthĩtaa cĩ Krĩstõ, hõthõõꞌtha naag nyeemuut cĩnaang ꞌcĩ ĩĩn Nyekuci hebereec cĩnaang.

2 Korinthia 4:2

Nẽẽthĩ hinnianĩ, haharreeka naag thooꞌthiok ꞌcĩg adĩman eeta burkiitina ꞌcĩg ĩĩn ngaaoni. Nẽ hõllõngaa hĩggõõlla eet umwa, hode hõllõngaa hũũhũyya thõõth cĩ Nyekuci. Ĩĩn Nyekuci hebereec cĩnaang ꞌcĩ aga ngaatĩ hõthõõꞌtha naag thõõth ꞌcĩ ĩĩn dĩdĩ. Haduhaanna naag thõõth ꞌcĩ ĩĩn dĩdĩ muumaa cĩ Nyekuci nẽ aga eeta vẽlẽk ꞌcĩg aduha thõõth ꞌcĩ ĩĩn dĩdĩ, thõõth icci.

Kolooꞌthe 1:7

Iita illimattaau niig nyeemuut ꞌcĩ abũnnaa hĩ ꞌgooneet cĩnaang Epavarato. Hadticanoothĩka naag Krĩstõ hĩ ĩnõõnnõ hõdẽĩ, ĩĩn nẽẽ eet ꞌcĩ abũnnaa ꞌcĩ aꞌthũũnnĩ dtiic cĩ Krĩstõ, hĩnĩngĩtĩ ngagĩĩta.

Kolooꞌthe 4:17

Uduktaak Arkippo ĩĩttĩk, “Dẽcaak dtiic baa aaꞌnyĩhoothikii nganiit ꞌthaarĩĩ cĩg Makayyiookto.”

Kolooꞌthe 4:7

Aduhaakuung hatĩ Ticiko nyeemuꞌnya cĩgannĩg vẽlẽk. Ĩĩn nẽẽ ꞌgotooneet ꞌcĩ hammĩna naa gẽrrẽẽt ꞌcĩ ĩĩn lemmioohit, dticciannioohit ꞌcĩ hadticanoothĩka Makayyioohit hõdẽĩ jurrung.