1 Korinthia 2:4 - ꞌBuuk cĩ Thõõth cĩ Nyekuci

⁴ Baa hõllõngaa aꞌnyak nyeemuut caannĩ hĩ ꞌlimman caannĩ thooꞌthiok ꞌcĩg ẽggẽẽnyĩth hĩ thooꞌthiok cĩg lũllũũmaniittak, baa hallimaniini naa ꞌtirrian cĩ Loriio,

1 Korinthia 2:4 ပူးပေါင်းရင်းမြစ်များ

Dtiicanĩ cĩg ꞌThooyyiahu 20:27

Hĩnĩngĩtĩ nga hũtũbũr naa ngaatĩ hallimaneekuung thõõth vẽlẽk cĩ Nyekuci.

Dtiicanĩ cĩg ꞌThooyyiahu 26:28

Ẽdẽcĩ Agirippa Paaulo anneek, “Occa ꞌyioko ammuhi nii ꞌthaawaa ꞌcĩ huturi ho, occa alũllũũmannaa nganĩĩt hikia hĩĩ Kristiaani nĩĩcĩ noho?”

ꞌRooma 15:13

Hala naa Nyekuc ꞌcĩ aaꞌnyĩk eet muhẽẽnĩt ꞌcĩ abũnnaa, haggatanuung ngagiit accamattoothĩk aaut ganõõna, hĩnĩngĩtĩ lemiinit cunuung. Nẽ aꞌnyĩĩk ꞌtirrian cĩ Lori ꞌcĩ Ẽllẽẽmĩth haaꞌnyuung ngagiit muhẽẽnĩt ꞌcĩ abũnnaa.

ꞌRooma 15:19

Nẽ dĩdĩ, haduha naa ꞌgõõl ꞌcĩ baa adticanĩ Krĩstõ thooꞌthiok ꞌcĩg ĩnaat eeta, ꞌtirriaanaa cĩ Lori ꞌcĩ Ẽllẽẽmĩthĩ. Baa hirrioona naa nyeemuut cĩnnĩ ꞌcĩ abũnnaa, iꞌthianaanĩ ꞌJeruꞌthalẽma ĩꞌthõng hõdõlan looc cĩ Illiriko.

ꞌRooma 16:18

Hĩnĩngĩtĩ eeta ꞌcĩg aattĩg noho, hõllõngaa adticanoothĩk Krĩstõ Makayyioohit cĩnaac, nẽẽthĩ hinnia, adticanoothĩk nẽẽg ꞌgii ꞌcĩ accamana nẽẽgĩ. Ĩggõõl nẽẽg eet ꞌcĩg aggiithi ooti thooꞌthiohĩĩ ꞌcĩg ẽmmẽdĩ.

1 Korinthia 1:17

Hĩnĩngĩtĩ baa hõllõngaa ĩꞌthõõannaa nganĩĩt Krĩstõ hikia haggameek eet baattithimo, baa anneeka nẽẽ nganĩĩt ꞌlimmaneek eet nyeemuut ꞌcĩ abũnnaa, hõllõngaa thĩ hinnia ꞌgẽẽnyĩthaa cĩ eet ꞌcĩ holli õõ haaga, hátĩ hiittiõõ ꞌtirriani cĩ hurucce cĩ Krĩstõ hõllõngaa aꞌnginoothi.

1 Korinthia 2:1

ꞌGotoonoga hĩ ngoonoga, kõr baa hakuuni naa hĩ ngagiita, baa hõllõngaa hakuu hĩ ẽẽtĩ ꞌcĩ haganeehi thõõth, hode hĩ ẽẽtĩ ꞌcĩ heggeenyi thõng, baa hakuu haduhaakuung thõõth cĩ Nyekuci ꞌcĩ ĩllõõan ꞌgẽẽnyĩth cĩ eetu.

1 Korinthia 2:13

Thõõth ꞌcĩ hõthõõꞌtha naag ko cieeni, hõllõngaa hõthõõꞌtha ꞌgẽẽnyĩthaa cĩ allimaneekeet eet umwaanĩ, nẽẽthĩ, hõthõõꞌtha ꞌgẽẽnyĩthaa cĩ allimaneekeet Lorii, ꞌlimmaanaa cĩ ẽtẽrꞌtha thooꞌthiok ꞌcĩg ĩĩn dĩdĩ cĩg Loriiak.

1 Korinthia 4:20

Hĩnĩngĩtĩ hõllõngaa ĩĩn habuccieet cĩ Nyekuci thõõth ꞌcĩ hõthõõth ũtũũga haaga, nẽẽthĩ, ĩĩn thõõth cĩ ꞌtirrianõ.

2 Korinthia 6:6

Hadiim hẽtẽrꞌtha naag haĩ hĩĩgĩn appahacaaꞌnya cĩg Nyekuci, ngaatĩ hĩĩgĩnnĩ tẽllĩg nẽ hagaacõ thõõth cĩ Nyekuci dĩdĩ, hĩ ngaatĩ hẽmmẽẽꞌthĩ ꞌcannan nẽ hĩĩtõ tarbalĩg. Aau Lorii ꞌcĩ Ẽllẽẽmĩth hĩ ngagĩĩta nẽ baa ĩĩn mĩnnanĩ cĩnaang thõõth dĩdĩ.

ꞌGalaaꞌthia 1:10

Hõllõngaa haini naa, hátĩ hatalit eeta, hadiimi naa hatal Nyekuci. Ammuku niig ainnu hadiimi naa hatalit eeta? Má baa hĩdĩman naa noho, occa ꞌyioko hõllõngaa hĩĩnĩ appahaca cĩ Krĩstõ.

Kolooꞌthe 2:4

Haduhaakuung naa thooꞌthiok iccig, hátĩ hiittiõõ ẽẽtĩ ꞌcĩ õmmõdannuung ngagiit thõõthaa ꞌcĩ aaĩ hĩcĩ ĩĩn dĩdĩ tõõ.

1 Tẽꞌthaloonika 1:5

hĩnĩngĩtĩ baa hõllõngaa haꞌnyahaakuung naag ngagiit nyeemuut ꞌcĩ abũnnaa ho utugeetini haaga, baa haꞌnyahaakuung ꞌtirriaanaa ꞌcĩ aku hĩ Lori ꞌcĩ Ẽllẽẽmĩthĩ, hĩ muhẽẽnĩt ꞌcĩ õkõmĩ. Agayyu niig ꞌgõõl baa haattiyyia naag hõrggẽẽnaa cunuung, hĩnĩngĩtĩ ngagiita.

1 Pẽẽtũrũ 1:12

Baa adukiaak ĩhõõggõ aĩ, adticanoothikuung ngagiita, hõllõngaa adticanoothĩk eleeti cĩggĩĩng ẽmmẽn. Nẽ ꞌyioko, irrioonikuung ngagiit eeta ꞌcĩg allimannuung ꞌtirriaanaa cĩ Lori ꞌcĩ Ẽllẽẽmĩth, baa ĩꞌthooyyia hẽẽtahujjieen. Nẽ baa ĩĩn nyeemuut cĩnĩĩng ko, cunuung diooni, tananga baa adiim aajĩlẽẽta aga nyeemuut tĩho.

2 Pẽẽtũrũ 1:16

Baa hõllõngaa haduhaakuung naag dtẽẽllẽn ꞌcĩg haddangaanna thõng korrioohĩĩ baag haduhaakuung makaaꞌthĩt hĩ bõdaanĩt cĩ Makayyioohit cĩnaac Yeesu Krĩstõ nẽ ngagĩĩt ꞌcĩg hĩĩgĩnna hẽbẽrĩ cĩg makaaꞌthĩt cĩnnĩ ho.

2 Pẽẽtũrũ 2:18

Athĩngõõnyan nẽẽg, hĩnĩngĩtĩ ꞌgiithẽnĩt cĩnĩĩng ko. Nẽ alũllũũman eet ꞌcĩg baag nga ũũnnĩk thooꞌthiok ꞌcĩg abathĩ thõng, ngaatĩ allimanĩ ĩhõõggõ annẽẽkĩ, aitiõõ thõõth ꞌcĩ ĩĩn ꞌriiring hõllõngaa abathĩ hatĩ adĩmannu niig thooꞌthiok ꞌcĩg adiim eleeti cugguung.