1 Korinthia 2:3 - ꞌBuuk cĩ Thõõth cĩ Nyekuci

³ Baa hakuu naa hĩ ngagiit hĩ ẽẽtĩ ꞌcĩ hõllõngaa hattirani nẽ hiꞌngolli nẽ habarrita gẽrrẽẽt.

1 Korinthia 2:3 ပူးပေါင်းရင်းမြစ်များ

Dtiicanĩ cĩg ꞌThooyyiahu 17:1

Ma baa õõt uduhunit Paaulo hĩ ꞌgõõnõgĩ ꞌtaaũn ꞌcĩ haĩ Amvipoli hĩ ꞌcĩ haĩ Apollonia, õõt edeccieek ĩꞌthõng ꞌtaaũn cĩ Tẽꞌthaloonika, ngaatĩ baa aayyi ꞌCieeth cĩ Laiitto cĩ eet cĩg ꞌJudeei.

Dtiicanĩ cĩg ꞌThooyyiahu 18:1

Baa ũtũngeek Paaulo ꞌtaaũn cĩ Aathẽnĩ nẽ ũũk ꞌtaaũnaa cĩ Korinthia,

Dtiicanĩ cĩg ꞌThooyyiahu 18:12

Baa nga ĩĩn eet ꞌcĩ haĩ ꞌGallio makayyioohit ꞌcĩ aggam looc cĩ Acaia, ĩtĩngaacõ eeta cĩg ꞌJudeei ũgẽẽgĩ aggamit Paaulo nẽ ootti lokihooa,

Dtiicanĩ cĩg ꞌThooyyiahu 18:6

Ma baa iita ũtũbũrĩt eet cĩg ꞌJudeei Paaulo nẽ odoomito ĩnõõnnõ thõng, ikia utuddung nẽẽ tuduhaac ceremwaanĩĩ cĩgĩnnĩg nẽ ĩĩnnĩk ĩhõõggõ, “Eheellu hatĩ niig ꞌgii ꞌcĩ hatĩ alubaakuung ngagiit ẽmmẽn! Hõllõngaa hatĩ addangaaka eet umwaa nganĩĩta. Iꞌthianaanĩ ꞌyioko kõr nicci, hũũk hillimmana naa eet ꞌcĩg hõllõngaa ĩĩn ꞌJudeei.”

2 Korinthia 10:1

Haini naa Paaulo ammuku niig ainnu hĩĩnĩ naa teelliahit hatĩ harũmĩ hĩ ngagiita nẽ haꞌthĩlani hatĩ hayyia ꞌrẽẽna? Halayyuung naa ngagiit dĩdĩ haini ĩthĩktõ, hĩnĩngĩtĩ baa tarbal Krĩstõ nẽ alal ꞌthĩnĩt cĩ nẽẽnĩ.

2 Korinthia 10:10

Ainnu niig eeta ũgẽẽgĩ, “Aꞌngaꞌngarĩĩ waragẽẽta ꞌcĩg heheedi naa ho nẽ attiranĩ. Nẽ ma haaĩ naa hõrggẽẽnaa cunuung, aarra eeta hĩĩnĩ ꞌgiimwa haaga ꞌcĩ ẽrẽka thõõthaa. Nẽ thõõth ꞌcĩ hothoothi naa lothippita ho, hõllõngaa athĩhĩ eeta.”

2 Korinthia 13:4

Tananga baa odooddothoothĩk nẽẽ hurucceea, aaĩ hĩcĩ baa appĩĩrna ꞌtirriani cĩnnẽẽnĩ. Nẽ ꞌyioko, arũgĩ nẽẽ ꞌtirriaanaa cĩ Nyekuci. Noho, happĩĩrna hatĩ naag buúk hĩ baa Krĩstõ. Nẽẽthĩ nẽẽꞌthẽk, acinnu hatĩ harũgĩ naag hĩ ĩnõõnnõ ꞌtirriaanaa cĩ Nyekuci nẽ hatĩ hidticattoothihuung ngagiita.

2 Korinthia 13:9

Haccamanoothĩka naag hatĩ okommu niiga nẽ hippiirriawa naaga. Nẽ halaiinna naag gẽrrẽẽt haĩnna, aꞌnyĩĩk lemiinit cunuung hõkõm haau hĩ hẽẽt ꞌcĩ ĩĩga.

2 Korinthia 4:1

Nẽẽthĩ, hĩnĩngĩtĩ tamaati cĩ Nyekuci, hiita hidticatta naag dtiic cĩnnĩ, ĩnõõ ꞌcĩ hõllõngaa hũũnnĩka dtiic cĩnaang ko.

2 Korinthia 4:16

Hõllõngaa haaꞌnyĩka naag ꞌthinneeti cĩggaang hupuppudit, tananga adaaknothi eleeti cĩggaang, aalla nẽẽ ittoori kõmĩĩthĩ cĩ ꞌthinneeti cĩggaang waathinnioohĩ vẽlẽk.

2 Korinthia 6:4

Nẽẽthĩ, hẽlẽggẽẽnnĩ hĩ ꞌgoolliohĩ vẽlẽk, hadiim hẽtẽrꞌtha naag haĩ hĩĩgĩn appahacaaꞌnya cĩg Nyekuci. Baa gõõng hẽmmẽẽthĩ naag pĩĩrnanĩt hĩ ꞌcannan, tananga baa hummuddia mothiinit.

2 Korinthia 7:15

Ammĩnannuung ngagiit Tiito gẽrrẽẽt hatĩ ammuhoothi ꞌgõõl baa iꞌngoliinnu niig ĩnõõnnõ nẽ abarritu tẽẽlꞌthĩta, ngaatĩ ẽlẽmaaku niig ĩnõõnnõ hikia hĩ ngagiita.

2 Korinthia 7:5

Ma baa hiita hõdõlatta looc cĩ Maccedoonia, iita ippiirria eleeti cĩggaang gẽrrẽẽt nẽ baa hammũdaanna pĩĩrnanĩt ꞌgoolliohĩ vẽlẽk tahatak hĩ mĩrõk cĩggaang, hĩ mothiinit ꞌcĩ aaĩ ꞌthinneetinii cĩggaang.

Eevvetho 6:5

Niig appahacaaꞌnya, ĩthĩhĩt makayyiook cugguung cĩg looc nicci. Itingolli nẽ ĩthĩktu ĩhõõggõ, haau hĩcĩ occa athiknu Krĩstõ.