1 Korinthia 13:3 - ꞌBuuk cĩ Thõõth cĩ Nyekuci

³ Má haaꞌnyihi naa hẽlẽggĩ cĩgannĩg vẽlẽk eet ꞌcĩg ĩĩn hullaha nẽ haaꞌnyĩha ẽlẽ caannĩ hũtũũthĩ nẽ aitioonna mĩnnanĩ tõõ, aitiõõ ꞌthẽk ꞌgii ꞌcĩ hammũda naa tõõ.

1 Korinthia 13:3 ပူးပေါင်းရင်းမြစ်များ

Maatteeo 23:5

“Adĩman nẽẽg thooꞌthiok vẽlẽk, aĩ hátĩ hĩcĩtteet eeta. Ecebeek nẽẽg õlẽẽt ꞌcĩg eheedothoothĩk thooꞌthioha cĩg Nyekuci nẽ itihimit ceremwa ꞌcĩg uuttik ꞌcĩg eceboothĩk ꞌlõõrõngĩta ꞌcĩg ẽllẽẽmĩthĩ.

ꞌLuuka 18:22

Ma baa athĩhĩ Yeesu thõõth icci ho, ikia uduhaak ĩnõõnnõ ĩĩnnĩk, “Nga thĩ aitioonni nganiit ꞌgii hõdẽẽthõng tõõ, bĩĩt tũũõĩ ꞌgii vẽlẽk ꞌcĩ aꞌnyahi nẽ eꞌngereehu hullaha ꞌrabbẽẽta, nẽẽthĩ, ikia ũnũaa nganĩĩta nẽ hatĩ aꞌnyahu baliinit hẽẽtahujjieen.”

ꞌLuuka 18:28

Ma ho, ijin Pẽẽtũrũ ĩnõõnnõ ĩĩnnĩk, “Ma ꞌyioko naag ꞌcĩg hũtũngteeha ꞌgii vẽlẽk nẽ hunuyyi nganiit ko?”

ꞌLuuka 19:8

Ma urutaa cĩnnĩ, ĩtĩnga ꞌThakeeo ĩĩnnĩk Yeesu, “Makayyioohit, kõr nicci, hẽꞌngẽraahi hatĩ naa hullaha ijjio cĩgannĩg hõrggẽẽna nẽ má baa hõmmõdanaa eet umwa ꞌrabbẽẽta, hadũmani hatĩ ĩnõõnnõ tabattĩ ꞌwec.”

Yõaannẽ 12:43

Accamana makayyiooha cĩg ꞌJudeei dĩhĩthẽẽnĩt cĩ eetu hĩllõõan dĩhĩthẽẽnĩt cĩ Nyekuci.

Yõaannẽ 13:37

Nẽ ijin Pẽẽtũrũ ĩnõõnnõ tarĩ ĩĩnnĩk, “Makayyioohit, hookorit ꞌyioko hõdẽĩ, hatabi naa hadaahi, hĩnĩngĩtĩ nganiita!”

Yõaannẽ 15:13

Aitiõõ mĩnnanĩ ꞌcĩ ĩllõõan thõõth ꞌcĩ occa adaaknĩ ẽẽtĩ, hĩnĩngĩtĩ ꞌgõõnõgĩ tõõ.

Yõaannẽ 6:63

Lori ꞌcĩ aaꞌnyĩk eet rũgẽt, ĩĩn ẽlẽ iding haaga. Nẽ thooꞌthioha ꞌcĩg haduhaakuung naa ho, ĩĩn lori nẽ ĩĩn rũgẽt.

Dtiicanĩ cĩg ꞌThooyyiahu 21:13

Anneekeet hinnia Paaulo nẽẽ, “Inni urruuyyio ĩꞌthõng uduullaangu ꞌthĩnĩt caannĩ ho? Helemi naa ngaatĩ hecebiini baabuutha nẽ hadaaha, hĩnĩngĩtĩ ꞌthaar cĩg Makayyioohit Yeesu. Hẽlẽma naa ngaatĩ hadaaknĩ, hĩnĩngĩtĩ Yeesu ꞌJeruꞌthalẽma!”

ꞌGalaaꞌthia 5:26

Nẽẽthĩ ꞌyioko, occa hõllõngaa hathĩngõõnyan, nẽ hongoongoyyiõõ ngaatĩ haĩnnĩ hĩllõõan ꞌgoonogeet.

Pilippi 2:3

Ma hĩĩgĩnnu muruꞌthiook nẽ ma hathĩngõõnyaneeku ꞌgoonogu. Irritatta eleeti cugguung hĩĩtõ hĩdĩcĩg nẽ icittu ꞌgoonogu haauto hĩcĩ ĩllõõannuung ngagiita.

1 Timotteeo 4:8

Abũnnaa nẽẽꞌthẽk ngaatĩ hallimanẽẽkĩ eleeti dtiic, nẽẽthĩ hinnia, ĩllõõan dtiici cĩ Nyekuci thooꞌthiok vẽlẽk. Aaꞌnyeet rũgẽt ꞌcĩ abũnnaa baa adukiaa, hĩnĩngĩtĩ rũgẽt cĩ ꞌyioko ho, hĩ cĩ hatĩ horumwa.

Ebereei 13:9

Nẽẽthĩ, ma haaꞌnyiku ꞌlimman ꞌcĩ abathĩ higgooluung ngagiita. Mẽẽn ngaatĩ hammũdaanĩ ꞌtirrian tarbalꞌthẽẽtaa cĩ Nyekuci, hĩllõõan ꞌgeenniok ũgĩ ꞌcĩg hadahĩ. Nẽẽthĩ, aitiõõ ꞌgeennioha cieeg hõllõngaa ẽẽl eet ꞌcĩg adak ko.