Zekaria 7:5 - KITAWO MALEŊ

⁵ Luw gi ji je ma piny kodi jocway ri Were i wi migam k'iwaco ni, “Ma oro piero ario, wiriyo kec to wiywak i dwe mar'abic kodi i dwe mar'abirio, i oro ario me, adieri obedo ran ma wiriy'iye kec?

KITAWO MALEŊ Catholic

⁵ Luw gi ji je ma piny kodi jocway ri Were i wi migam k'iwaco ni, “Ma oro piero ario, wiriyo kec to wiywak i dwe mar'abic kodi i dwe mar'abirio, i oro ario me, adieri obedo ran ma wiriy'iye kec?

Zekaria 7:5 ပူးပေါင်းရင်းမြစ်များ

2 Kerin 25:23

Munyo Joyuda ma jotel pa jolweny kodi jolweny m'oyido jok'otiŋo cingi gin ri Jobabilon jowinjo gime, joriwere gi Gedalia i Mizipa. Jotel pa jolweny me oyido jobedo Isimayil wod pa Nathania, Yohana wod pa Kareya, Seraya wod pa Tanhumeth ma wok i tindi Netopa, kodi Yezania ma wok Maka.

2 Kerin 25:25

To i dwe mar'abirio i oro no won, Isimayil wod pa Nathania aka nyakwar Elisama, ma wok peco pa kere okidho i Mizipa gi cwo apar, omonjo Gedalia to neko go. Go bende oneko Joisiraili kodi Jobabilon m'oyido jonitie kenyo.

Isaya 43:23

Fodi wikikelo ran rombo mewin ma mic awaŋa, kosa wimiyan dwoŋ gi cowirok mewin. Fodi akijoko win gi kwayo mic, kosa alaco win gi kwayo buban.

Isaya 58:3

Ji jopenjere ni, “Raŋo wariyo kec aka ikineni? Raŋo wamwole, to Rwoth kiŋey?” Neni, i ndelo ma wiriy'iye, wirango gigipiny mewin ma siemo win, aka widiyo jotic mewin je.

Yeremia 25:11

Piny me gibe lalokere gunda gi kam'ojwangi, aka nonin me jolatic ri kere ma Babilon ma oro piero ario.

Yeremia 29:10

Kole Rwoth pa lwak jolweny waco ama: “Ka oro piero ario pa Babilon orumo, nyaka t'aciko ithan riwin, alaketho i gike cikirok paran riwin t'adwoko win i kabedo me.

Yeremia 52:12

K'apar i dwe mar'abic i oro mar'apar g'abuŋwen ma dhum pa Kere Nebukadineza ma Babilon, Nebuzaradan, jamic rieko pa kere kodi jamituka pa jolweny pere, jodonjo i Yerusalem.

Daniel 9:2

i oro marapena ma dhum pere, an Daniel aniaŋ i ndiko, cungo kwoŋ wac pa Rwoth m'obino ri Yeremia jatuci wac Were, nike Yerusalem lakisika ma oro piero ario.

Hoseya 7:14

Jokiywak ran wok, iy'adundin pajo, to jodwanyere gi ywak wi kitandin pajo; iy jo mwomere ri cemo kodi vini; jogwenyere kwoŋan.

Zekaria 1:12

Malaika pa Rwoth odwoko to waco ni, “Awi Rwoth pa lwak jolweny, kiri keraŋo m'ikila mako wor gi Yerusalem kodi tindin madongo ma Yuda m'itieko mako gi jo nge oro piero ario me je.”

Zekaria 7:3

kodi penjo jocway ri Were i wi migam m'oyido jonitie i Ot pa Rwoth pa lwak jolweny kodi jotuci wac Were ni, “Anyalo ywak kodi lokirok maleŋ i dwe mar'abic paka oyido atimo ma oro kweth pama?”

Zekaria 7:4

Wac pa Rwoth pa lwak jolweny obino ran ka waco ama:

Zekaria 7:6

Kosa ka wicemo to wimedho, k'obedo riwin wegi?

Zekaria 8:19

Rwoth pa lwak jolweny waco ama: Riyo kec ma dwe mar'aŋwen, ma dwe mar'abic, ma dwe mar'abirio kodi ma dwe mar'apar, lalokere ri ot pa Yuda kisangala kodi kalima m'oyik, bero, adieri, siem, kodi mar.

Matayo 23:5

Gimoro je ma jotimo, jotimo nyaka ni ji jowoneni jo. Neni paka joyaro migowa m'iketh'iye ndiko, jojaŋo gim'ondiki i nyim gin kodi i badi jo! Aka jotimo tiendi kanzu pajo bedo de malac aka maboyo!

Matayo 6:16

Aka ka wiriyo kec, wikiri winenere pa wigut paka joma rendere. Ato jonyeko waŋ gin ŋey ji je jowoŋey nike joriyo kec. Adieri awaco riwin, ameno jotieko limo kemba pajo m'opoŋ.

Matayo 6:2

Am'omiyo ka wimiyo jacandi gimoro, wikiri wiasa nyutho kamaler, paka joma rendere jotimo i kalamo pa Joyuda kodi i royo m'okare i tindi. Jotimo ameno nike ji jowopaki jo. Adieri awaco riwin, otiek miyo jo kemba pajo m'opoŋ.

Matayo 6:5

K'ikwayo, ikir'ibedi paka joma rendere! Jomaro cungo ka jokwayo i kalamo pa Joyuda kodi i thengi royo m'okare ma tindi ŋey dhano je wonen jo. Adieri awaco riwin, ameno jotieko limo kemba pajo kicutho.

1 Jokorintho 10:31

Am'omiyo, gima witimo je, obedi ni wicemo kosa wimadho gimoro, tim win ameno ma miyo Were dwoŋ.

2 Jokorintho 5:15

Aka go otho ri ji je, nike jomakwo kiri jowoteri kwo paka apajo wegi to paka apa Kristo m'otho rijo to icerino go kwoŋ jom'otho.

Jokolosia 3:23

Gimoro je ma witimo, tim win gi cuny win acel, pa witiyo ri Rwoth, makiweno ri dhano.