Zekaria 13:9 - KITAWO MALEŊ

⁹ Alaketho adec mar'adek i mac, alathodho paka ithodho feza, aka alatemo jo paka itemo zahabu. Jolalwoŋo nyingan, aka aladwoko jo. Alawaco ni, Jobedo ji paran, aka jolawaco ni, Rwoth obedo Were paran.

KITAWO MALEŊ Catholic

⁹ Alaketho adec mar'adek i mac, alathodho paka ithodho feza, aka alatemo jo paka itemo zahabu. Jolalwoŋo nyingan, aka aladwoko jo. Alawaco ni, Jobedo ji paran, aka jolawaco ni, Rwoth obedo Were paran.

Zekaria 13:9 ပူးပေါင်းရင်းမြစ်များ

2 Samwiri 7:24

Itieko loko Isiraili ji perin cil gi cil, aka in Rwoth, ibedo Were pajo.”

Yobu 23:10

To go oŋeyo woth paran je, ka go oteman, lanwaŋo ni acil paka zahabu.

Yobu 28:1

Adieri nitie kware ma feza, gi ka thodho zahabu.

Zabuli 144:15

Jokisangala a jono ma nger silwany no podho kwoŋ jo! Jokisangala a jono ma Were pajo obedo Rwoth!

Zabuli 43:4

Kenyo alakidho i migam pa Were, bongi Were m'obedo cakirok ma kisangala paran. Abino goyo dingidi t'awero ma pakin, Awi Were, Were paran.

Zabuli 50:15

Lwoŋan i hongo ma teko; alabothin, aka ilapakan.”

Zabuli 91:15

Ka jolwoŋan, abino dwoko jo, ka jobedi i teko, abino bedo gi jo. Abino botho jo t'aworo jo.

Agecin 17:3

Paka mac temo feza gi zahabu, apaka Rwoth temo cuny dhano.

Wer pa Solomon 2:16

Jamitirok paran obedo aparan, aka abedo apere, go kwayo mwendi pere i dier mawuwa m'ilwoŋo ni lili.

Isaya 43:2

K'iluwo wi pi, alabedo kodin, aka malawa, k'omwonyin; k'iluwo i mac, ik'owaŋ, aka mac m'ogaŋere k'onekin.

Isaya 48:10

Neni, atieko temo lonyo win, to makiweno paka ilonyo feza i mac, atieko temo win i kabangala ma candirok.

Isaya 58:9

Kenyo ka wikwayo, Rwoth ladwoko win, wilaywak ri kony, aka go ladwoko ni, An e. Ka wikwanyo woko okol i dier win, cimirok gi lwet win, gi luwo gimarac,

Yeremia 24:5

Me apaka Rwoth, Were pa Isiraili waco ama: Paka nyanderin ma jobeyo me, alatero paka gimaber jotwec ma jowok Yuda, m'atieko riemo jo woko wok i kabedo me kidho i piny ma Babilon.

Yeremia 30:22

Wilabedo ji paran, aka alabedo Were mewin.

Yeremia 31:33

To me a cikirok m'abino timo gi ot pa Isiraili rumacen ma ndelo no, Rwoth waco. Alandiko cik paran i jo, aka alandiko i cuny jo. Were pajo aka jolabedo ji paran.

Yeremia 32:38

Alabedo Were pajo, aka jolabedo ji paran.

Yeremia 9:6

Adica wi adica, twodo wi twodo! Jokwero ŋeyan, Rwoth waco.

Ezekiel 11:20

ŋey jowowothi i cik paran, to jokuro or paran, kodi timo. Jolabedo ji paran, aka alabedo Were pajo.

Ezekiel 14:11

ŋey Joisiraili jokiri jowokwedan, kosa jowokocere gi reco pajo. Jolabedo ji paran, aka alabedo Were pajo; Rwoth Were waco.”

Ezekiel 20:38

Alakwanyo woko jogwenyirok i dier win, kodi jono ma jotimo reco kwoŋan. Alawodho jo woko i lowo ma jobed'iye paka jopath, to jokiladonjo i lowo pa Isiraili. Kenyo wilaŋeyo ni An Abedo Rwoth.

Ezekiel 36:28

Kenyo wilabedo i piny m'amiyo kwarere mewin; aka wibino bedo ji paran, t'abedo Were mewin.

Ezekiel 37:27

Kabedo paran labedo gi jo; aka alabedo Were pajo, aka jolabedo ji paran.

Daniel 11:35

aka manok kwoŋ jono ma joriek jolakitangatanga, ma loko jo m'olonyo gi cido reco pajo cuka tundo hongo ma gike, kole obedo ri hongo m'oyik.

Daniel 12:10

Jomathoth jolacido woko reco pajo, jolaloko kwo pajo macil, ilalonyo jo, to jokidakana jolamedere timo kidakana. Ongoye jakidakana ma laniaŋ, to jono ma joriek jolaniaŋ.”

Yowel 2:32

Nyaka kisi ŋat'olwoŋ nyingi Rwoth bino both; kole wi Got Zayon kodi i Yerusalem, labedo gonyirok, paka Rwoth otieko waco, aka kwoŋ joma joboth, labedo jono ma Rwoth lwoŋo jo.

Jolevi 26:12

Alawoth i dier win, alabedo Were mewin, aka wilabedo ji paran.

Zekaria 10:6

Alaloko matek ot pa Yuda kodi ot pa Yozefu, alabotho jo, t'adwoko jo, anitie gi wor rijo, paŋini oyido akijwango jo, An, Rwoth Were pajo, aladwoko jo.

Zekaria 12:10

Alakonjo kwoŋ ot pa Daudi kodi ji ma jobedo i Yerusalem, cuny ma wor kodi ma kwayo, aka jolanenan ŋata jocwowo to joywak paka ŋata ywako wode acel g'acel. Jolabedo gi geregere rigo, paka ŋata ywako kayo pere.

Zekaria 8:8

alakelo jo bedo i Yerusalem, jolabedo ji paran, aka alabedo Were pajo, iy'adieri kodi i tiro.

Tim pa Jomoor 2:21

Aka bino bedo ni nyatoro je m'olwoŋ nyingi Rwoth bino both.

Joebulaniya 8:10

Onyo me a cikirok m'abino timo gi ji ma Isiraili ka ndelo no okadho, abino ketho cik paran i paro pajo, odoko abino ndiko cik no i cuny jo to abedo Were pajo, aka jobino bedo ji paran.

Yakobo 1:12

Jasilwany a dhano ma cwire i yeyo i ndir ma tem, rupiri ka go onyalo loyo tem, bino limo sangaria ma kwo, kemba ma Were otieko ciko jom'omaro go.

1 Petero 4:12

Jowotan m'amaro, wikiri widhier kwoŋ tem malith ma wicander'iye, paŋini gima ki ma kisi ndelo timere riwin.

Menyirok ri Yohana 21:7

Ŋat'oloy lweny bino limo gime je. Abino bedo Were pere, aka go bino bedo wodan.

Menyirok ri Yohana 8:10

Gikenyo malaika mar'adek okudho gwara pere, to micala m'ombo, maliel pa mac odingili gore piny wok i polo, aka opodho wi acel wiy adek ma wakawaka, kodi i waŋ pi.

Menyirok ri Yohana 8:11

Nyingi micala no obedo Keco. Acel wiy adek ma pi olokere makec, to ji mathoth jotho ro madho pi makec no.

Menyirok ri Yohana 8:12

Gikenyo malaika mar'aŋwen okudho gwara pere, to acel wiy adek ma waŋceŋ mukere woko, kodi acel wiy adek ma dwe, kodi acel wiy adek ma micalin; ameno colo obedo iy'acel ma wi adek maliel pajo. Lero oyido ongoye iy'acel ma wi adek mar'odieceŋ kodi acel wiy adek ma wor bende.

Menyirok ri Yohana 8:7

Malaika marapena okudho gwara pere, to pe kodi mac m'oruwere gi remo wok to oy ri piny. Acel wiy adek ma piny owaŋ, to acel wiy adek ma yen waŋ woko, to lum m'onwaŋo nyaboke pendi je waŋ woko.

Menyirok ri Yohana 8:8

Gikenyo malaika mar'ario okudho gwara pere, to gimoro ma cale got madwoŋ, maliel mac, bolere i nam.

Menyirok ri Yohana 8:9

Acel wiy adek ma nam olokere remo, acel wiy adek ma gigipiny makwo je ma pi jotho woko, to acel wiy adek ma mel je nyekere woko.