Zekaria 1:4 - KITAWO MALEŊ

⁴ Wikiri wibedi paka kwarere mewin ma jotuci wac Were ma cango joywak rijo ka jowaco ama: Me apaka Rwoth pa lwak jolweny waco, mondo wire win wok i yo mewin marac, kodi tim mewin marac, to jok'owinjo, aka jok'odewo, Rwoth waco.

KITAWO MALEŊ Catholic

⁴ Wikiri wibedi paka kwarere mewin ma jotuci wac Were ma cango joywak rijo ka jowaco ama: Me apaka Rwoth pa lwak jolweny waco, mondo wire win wok i yo mewin marac, kodi tim mewin marac, to jok'owinjo, aka jok'odewo, Rwoth waco.

Zekaria 1:4 ပူးပေါင်းရင်းမြစ်များ

2 Kigana kwoŋ Kerin 30:6

Jomikwenda jokidho paka kere owodho or gi jotel pere i Yuda kodi Isiraili paka rom gi lwoŋo me: “Ji ma Isiraili, witieko both i cingi kerin ma Asiria. Onyo pama gik win bongi Rwoth, Were pa Abraham, Isaka kodi Yakobo aka go lagik bongi win.

2 Kigana kwoŋ Kerin 30:7

Wikiri wibedi paka kwarere mewin gi Joisiraili wadi win ma jok'ogeno Rwoth Were pajo. Paka winyalo neno, omiy jo gir'acula malith.

2 Kigana kwoŋ Kerin 34:21

“Kidhi wipenji ran Rwoth kodi ri jono ma jodoŋ i Isiraili gi Yuda, gima mako wac ma kitawo m'onwaŋ; kole keme pa Rwoth dwoŋ m'okonjere kwoŋ wan, rupiri kwarere mawan jok'okuro wac pa Rwoth, ma timo gimoro je m'ondiki i kitawo me.”

Ezira 9:7

Wok i hongo pa kwarere mawan tundo kiri konon wajoreco m'oasere, aka ro reco mawan wan, kerin mawan, gi jocway ri Were i wi migam mawan wapodho i cingi kerin pa jopath, othum wan, onyaga wan, aka otiŋ wan paka jotwec i wickwot paka kiri pama.

Nehemia 9:16

To kwarere mawan jobedo gi noro gi wictek, aka jokwero winjo cik perin.

Nehemia 9:26

“To ji perin jogwenyere aka jok'owinjin, jowiro dieŋey jo ri Cik perin. Joneko jotuci wac Were ma jogwoko jo, ma jowaco rijo gik bongin. Jocayin swa.

Nehemia 9:30

Ma oro kweth, ibedo moth gi jo, aka igwoko jo gi cuny perin luwo kwoŋ jotuci wac Were perin, to jok'onyalo winjo. Riameno iweyo nonin man kikengila jo.

Zabuli 78:8

aka ŋey jokiri jowocal gi kwarere pajo, ji ma wiy gin tek gi luse ma jogwenyirok, luse ma adundo pajo oyido k'oridhere, ma cuny gin oyido k'ogeno Were.

Isaya 31:6

Wire win bongi ŋata wicamo rigo sereko, awi Joisiraili.

Yeremia 18:11

Onyo, riameno, waci ri ji ma Yuda kodi joma bedo i Yerusalem: Rwoth waco ama: Neni, an ajacwec degi apayo gimarac kwoŋ win aka atimo can kwoŋ win. Wire win pama, wijoje wok kwoŋ tim mewin marac, wiwir tim mewin gi kula mewin.

Yeremia 23:22

To bedi jobedi i romo paran, nyaka di jotuco wac paran ri ji paran, aka di jowiro jo wok i yo pajo marac, kodi i tim pajo marac.”

Yeremia 25:8

Riameno me apaka Rwoth pa lwak jolweny waco: “Kwoŋbedo winjo wac paran,

Yeremia 26:5

to wiwinjo wac pa ŋecin paran jotuci wac Were m'adhiro riwin i yoto kada wikwero winjo,

Yeremia 3:12

Kidhi ititi wac me yuthenge ma yumalo, aka iwaci ni: “Gik, awi Isiraili ma kigenere.” Rwoth waco. Ak'onenin gi nge, rupiri abedo jawor. Rwoth waco. Akilamako nge cil gi cil.

Yeremia 3:14

Dwoki win, awi nyithindho ma jobanirok. Rwoth waco. Rupiri abedo jadwoŋ mewin. Alakwanyo win, acel wok i tindi madwoŋ kodi ario wok i nono, aka alakelo win i Zayon.

Yeremia 35:15

Atieko oro riwin ŋecin paran jotuci wac Were mar'amen k'awaco ni, “Wire win kisi dhano kwoŋ yo pere marac, yik win tim mewin, aka wikiri wikwoŋ werin man ka witiyo rijo, ŋey wibedi i piny m'amiyo win kodi kwarere mewin.” To wikiciko ithi win winjan.

Yeremia 4:1

Ka winodwoki, awi Isiraili, Rwoth waco. Ka widwoko bongan, ka winokwany woko amien mewin ruwaŋan, to wibedo ma wikitangatanga,

Yeremia 44:16

“Wac no je m'iwaco riwan i nyingi Rwoth, wakilawinjo.

Ezekiel 14:6

“Riameno wac ri Joisiraili ni, Rwoth Were waco ama: Ŋuti win aka wire win woko kwoŋ lamo cal mewin, wire win wiwey como waŋ win kwoŋ amien mewin je.”

Ezekiel 20:18

Awaco ri nyithindho pajo i thim ni, wikiri wikuri cik ma jonywol mewin jotimo, kosa wiluw tim pajo, kosa wikocere gi cal pajo.

Ezekiel 33:11

Waci rijo ni, Paka akwo, Rwoth Were waco, angoye gi siem i tho pa jakidakana, to ni jakidakana wowire i yo pere marac to kwo. Wire wok i yo perin marac; raŋo iripo tho, awi ot pa Isiraili?

Ezekiel 33:4

kenyo ka ŋati mogo m'owinji dwondi gwara okwer gwokirok, t'abor bino to kwanyo ŋato woko, remo pere labedo i wiy go won.

Daniel 9:6

Wakiwinjo ŋecin perin, jotuci wac Were, ma joluwo i nyingin gi kerin mawan, jodhum mawan, kwarere mawan, kodi ji ma piny.

Hoseya 14:1

Gik win, awi Isiraili, bongi Rwoth mewin, kole witieko kimudamuda ro reco mewin.

Amos 5:24

Kwanyowoko weyi win tiro womol paka pi, aka gim'otire womol paka waŋ pi ma kicwiy.

Mika 2:6

Ji jowaco ran ni, ikir'ititi riwan. Ikir'ititi kwoŋ gino je rupiri Rwoth kilakelo kwoŋ wan wickwot.

Zekaria 1:3

Riameno waci rijo ama: Me apaka Rwoth pa lwak jolweny waco: Dwoki win bongan, aka aladwoko bongi win, Rwoth pa lwak jolweny waco.

Zekaria 7:7

K'obedo gi wac pa Rwoth m'oluwo luwo i cingi jotuci wac Were ma cango, ma Yerusalem obed'iye m'okwe, kodi tindi madongo m'othoko go, yupiny ma Kanan kodi Sefela?”

Tim pa Jomoor 26:20

Atero wac me marapena i Damasiko, nyaka t'atero Yerusalem, kodi rumacen i Yuda gipi, kodi i piny pa Jopath, ni joripo ŋuto reco pajo jowowire bongi Were, gi timo gigipiny ma nyutho nike jotieko ŋuto.

Tim pa Jomoor 3:19

Am'omiyo, ŋuti win reco mewin wigik bongi Were, ŋey reco mewin worey woko, aka ŋey hongo ma kelo lothi manyen wok bongi Rwoth wobin riwin,

1 Petero 1:18

Ato wiŋeyo gim'ocul ma gonyo win woko kwoŋ kwo masisiri ma winwaŋo wok bongi kwarere mewin, aka gim'onyewo win no k'obedo gimoro ma nyekere woko paka zahabu kosa feza,