Zefania 3:18 - KITAWO MALEŊ

¹⁸ Paka ji ma josangala i kalima, Rwoth waco, atieko kelo i gike atise ma kidamba; t'akwanyo woko wickwot perin.

KITAWO MALEŊ Catholic

¹⁸ Paka ji ma josangala i kalima, Rwoth waco, atieko kelo i gike atise ma kidamba; t'akwanyo woko wickwot perin.

Zefania 3:18 ပူးပေါင်းရင်းမြစ်များ

Ezekiel 36:24

Alakwanyo win wok i nonin, t'acoko win wok i piny je, t'adwoko win i piny mewin won.

Ywakirok 1:4

Royin ma kidho Zayon ywak, kole ongoye ŋata bino i kalimin. Waŋkace pere je odoŋ nono, jocway ri Were i wi migam pere joywak, Nyir pere jonitie i rem, aka go odoŋ i geregere.

Zefania 3:20

I hongo no alakelo win peco, i hongo m'abino cok'iye win; kole alamiyo win nyingi win kodi pak, i dier nonin je ma piny, k'anodwoki riwin lim mewin macon, kareno wineno gi waŋ win, Rwoth waco.

Hoseya 9:5

Inotim aŋo ri ndelo m'oyik'iye kalima, kodi ri ndelo ma kalima pa Rwoth?

Hoseya 1:11

Ji ma Yuda kodi Joisiraili jolacokere kanyacel, to joyero rijo wegi jatel acel; to jotero lowo, kole ndelo pa Yezirel labedo madwoŋ.

Ezekiel 34:13

Alafudho jo woko wok bongi ji t'acoko jo wok i piny, t'akelo jo i piny pajo won; aka alakwayo jo wi gote ma Isiraili, cegin gi thengi pi, kodi kama bedere ma piny.

Ywakirok 1:7

Yerusalem poyo, hongo ma litho pere kodi keco, gigipiny pere je ma welo, m'oyido obedo apere i hongo macon. Munyo ji pere jopodho i cingi jakwor, oyido ongoye ŋat'okony go, jakwor oneno to nyero podho pere.

Yeremia 23:3

Kenyo an won gipi alacoko rombo paran m'odoŋ wok i piny m'atieko kedh'iye jo, t'adwoko jo i sidwol pajo, jolanywol to jonyay.

Zabuli 43:3

Dhiri lero perin g'adieri perin, weyi jowotelan, jowodwokan i Zayon, tendere perin maleŋ, gi i ot perin, m'ibed'iye.

Ezekiel 9:4

Rwoth owaco rigo ni, “Luw i dier tindi madwoŋ, i dier Yerusalem, aka ikethi ranyuth i nyim jono ma jotuco aka joywak kwoŋ amien je m'otimi kenyo.”

Zabuli 79:4

Watieko lokirok gi nyero pa joger mawan, jonyero wan to jotero wan pa gim'ongoye kony.