Zefania 2:7 - KITAWO MALEŊ

⁷ Thengi nam labedo lim, ri jono ma jodoŋ i ot pa Yuda, labedo kakwath pajo, i udi ma Asikelon, jolanind'iye othieno. Kole Rwoth Were pajo lawendo rijo, to dwoko rijo silwany.

KITAWO MALEŊ Catholic

⁷ Thengi nam labedo lim, ri jono ma jodoŋ i ot pa Yuda, labedo kakwath pajo, i udi ma Asikelon, jolanind'iye othieno. Kole Rwoth Were pajo lawendo rijo, to dwoko rijo silwany.

Zefania 2:7 ပူးပေါင်းရင်းမြစ်များ

Cakirok 50:24

Aka Yozefu owaco ri wutmin ni, “Acegin tho, to Were bino wendo riwin to wotho win wok i piny me kelo win i piny ma go ociko Abraham, Isaka, kodi Yakobo.”

Zabuli 80:14

Wire bongi wan, Were ma jameni je! Ŋiy piny wok i polo, akinen, dew kwoŋ yath vini me!

Zabuli 85:1

Rwoth, oyido imako wor gi lowo perin, imiyo Isiraili kiyindira.

Kitawo mar'ario mapa Musa m'ilwoŋo ni Wok 4:31

Ji joyeyo, aka munyo Joisiraili jowinjo nike Rwoth oyido owendo rijo aka nike oyido otieko neno kidamba pajo, jokule piny to jolamo Rwoth.

Isaya 11:11

I ndelo no Rwoth lacoro cinge kendo madirio dwoko peco ji pere ma joboth, wok i Asiria gi Misir, wok i Pathiros, wok i Ethopiya, wok i Elam, wok i Babilon, wok i Hamath, gi wok i kigoda ma nam.

Isaya 11:14

To jolamonjo Filistia yupodho ceŋ, jolakinyaga ji kanyacel yuwok ceŋ. Joladhumo ji ma Edom gi Mowab aka ji ma Amon jolawinjo jo.

Isaya 11:16

Ameno royo layawere wok i Asiria, ri ji pere ma joboth, paka obedo ri Isiraili, i ndelo ma jowok'iye i piny ma Misir.

Isaya 14:1

To Rwoth latimo wor gi Yakobo to yero Isiraili kendo, laketho jo i lowo pajo wegi; aka jopath jolabino bedo gi jo to joriwere gi ot pa Yakobo.

Isaya 32:14

Kole ilajwango muluwir, tindi madwoŋ ladoŋ nono, tendere kodi kakur lalokere od simbwor kicutho, kisangala pa punde madudi, gi ka cemo pa mwendi.

Yeremia 23:3

Kenyo an won gipi alacoko rombo paran m'odoŋ wok i piny m'atieko kedh'iye jo, t'adwoko jo i sidwol pajo, jolanywol to jonyay.

Yeremia 29:10

Kole Rwoth pa lwak jolweny waco ama: “Ka oro piero ario pa Babilon orumo, nyaka t'aciko ithan riwin, alaketho i gike cikirok paran riwin t'adwoko win i kabedo me.

Yeremia 29:14

wilanwaŋan, Rwoth waco. Aladwoko silwany mewin t'acoko win wok i nonin je kodi kabedo je m'akedh'iye win, Rwoth waco. Aladwoko win i kabedo m'akwany'iye win t'atero win wiloka.”

Yeremia 3:18

I hongo no Joyuda jolariwere kodi Joisiraili, aka kanyacel jolabino wok i piny ma yumalo i lowo ma cango amiyo kwarere mewin mar'alunja.

Yeremia 30:3

Kole ndelo bino adieri, Rwoth waco, m'abino dwoko lim pa ji paran, Isiraili kodi Yuda. Rwoth waco, aladwoko jo i lowo m'amiyo kwarere pajo aka jolalunjo.

Yeremia 31:7

Kole Rwoth waco ama, wer malo gi kisangala ri Yakobo, aka koki gi kisangala ri Rwoth pa nonin, tuci, miy pako, aka wac ni, “Awi Rwoth, both ji perin, ma joboth i Isiraili.”

Yeremia 32:44

Ilanyewo ndelin gi pesa, t'iketho cingi jo i cikirok t'imwono aka jokony jolabedo, i lowo pa Benyamin, i kabedo m'othoko Yerusalem, kodi i tindin ma Yuda, i tindin ma piny matendere, i Sefela kodi yupiny ma Yuda. Aladwoko rijo silwany, Rwoth waco.

Yeremia 33:12

Rwoth pa lwak jolweny waco ama: I kabedo me m'othangere, m'ongoye ji kodi ogwaŋe, kodi i tindin je labedo kendo kakwath ri jokwath rombo ma kwayo mwendi pajo.

Yeremia 33:7

Aladwoko lim ma Yuda kodi lim ma Isiraili, t'ageto jo kendo paka cango con.

Yeremia 47:5

Pata otieko mako ji ma Gaza ro ywak, Asikelon oliŋ nisi. Awi ji ma jodoŋ i milelo pajo, wilaywak kiri keraŋo.

Ezekiel 39:25

Riameno Rwoth Were waco ama: Pama onyo aladwoko silwany pa Yakobo, t'atimo ŋono ri Joisiraili gibe; aka alabedo gi nyeko ri nyingan maleŋ.

Hoseya 6:11

Ri in bende, Awi Yuda, keco otundo, m'aladwok'iye silwany pa ji paran.

Obadia 1:19

Ji ma yupiny ma Yuda jobino bedo i Edom, aka ji ma yupodho ceŋ jobino mako piny Filistia. Joisiraili jobino bedo iy'adec ma Efrayim kodi Samaria, aka ji pa Benyamin jobino tero Giliad.

Mika 2:12

T'abino coko win, a Isiraili, abino coko ji pa Isiraili ma jodoŋ. Abino ketho jo kanyacel, paka rombo i sidwol, paka mwendi ma jocamo lum, paka lwak ji ma jowoy.

Mika 4:10

Dwanyere win aka wiuja ji ma Yerusalem, paka dhako ma colo nyathi. Kole onyo pama wilawok i tindi madwoŋ, to wibedo i piny m'othangere; wibino kidho i Babilon. Kenyo ibino botho win, kenyo Rwoth bino botho win, wok i cingi jokwor mewin.

Mika 4:7

Alaloko jor'aŋolo ji m'odoŋ, aka jom'oyido abolo woko, alaloko piny madwoŋ. Rwoth bino dhumo jo wi got Zayon, wok pama kadho yuwaŋe aka cil gi cil.

Zefania 2:9

Riameno, paka akwo, Rwoth pa lwak jolweny waco, Were pa Isiraili, Mowab lacale paka Sodom, aka Amon paka Gomora, lowo m'omore gi kayongo kodi buce cumbi, ladoŋ gunda kicutho. Ji paran ma jodoŋ jolakinyaga jo, to jolunjo jo.

Zefania 3:13

Joisiraili ma jodoŋ, jokilatimo komo, jokilaluwo misegey, kosa jok'oluw twodo gi lew jo kodi dhok jo. Kenyo jolapidhere to ywomere, m'ongoye ŋata lacando jo.

Zefania 3:20

I hongo no alakelo win peco, i hongo m'abino cok'iye win; kole alamiyo win nyingi win kodi pak, i dier nonin je ma piny, k'anodwoki riwin lim mewin macon, kareno wineno gi waŋ win, Rwoth waco.

Hagay 1:12

Zerubabel wod Salitiel, Yesuwa wod Yehozadak, gi ji je m'oyido joboth, jowinjo dwondi Rwoth Were pajo, kodi wac pa Hagay jatuci wac Were, paka Rwoth Were pajo ooro go; aka ji jobedo gi lworo ruwaŋ Rwoth.

Hagay 2:2

Mondo waci ri Zerubabel wod Salitiel gavana ma Yuda, Yesuwa wod Yehozadak jadwoŋ pa jocway ri Were i wi migam, kodi ji ma joboth, aka ipenji jo ni:

Luka 1:68

“Wofoy Rwoth Were pa Isiraili! Kole go olimo ji pere to botho jo.

Luka 7:16

Dhano je obwok to pako Were munyo jowaco ni, “Jatuci wac Were madwoŋ omenyere i dier wan: Were oliewo ji pere.”

Tim pa Jomoor 8:26

Malaika pa Rwoth oluwo gi Filipo ni, “Yikere ilakidho i royo ma yu Tiendan piny ma wok i Yerusalem aka laro yu Gaza.”

Tim pa Jomoor 8:40

Filipo opoyo munyo go nitie i Azoto; to wotho i tindi parom munyo fonjo Wac Manyen Maber, cuka otundo Kasareya.

Joroma 11:5

Am'omiyo bende kiri gunyo fodi nitie jom'odoŋ, ma Were oyero ro nema pere.

Ruth 1:6

Munyo hongo moro okadho, Naume owinjo ni Rwoth omiyo ji pere silwany aka omiyo jo cemo. To go gi mondiwote joyikere ay i piny Mowab dok i piny Yuda.