Zabuli 74:2 - KITAWO MALEŊ

² Poyi ji perin, m'iyero ri in won wok con, m'itieko botho ni jowobedi nono perin alunja! Poyi got Zayon, kam'itieko bed'iye.

KITAWO MALEŊ Catholic

² Poyi ji perin, m'iyero ri in won wok con, m'itieko botho ni jowobedi nono perin alunja! Poyi got Zayon, kam'itieko bed'iye.

Zabuli 74:2 ပူးပေါင်းရင်းမြစ်များ

Zabuli 106:40

Kenyo nge pa Rwoth oay kwoŋ ji pere; aka ojok gi jo.

Zabuli 135:4

Kole Rwoth otieko yero Yakobo rigo won, Isiraili paka lim pere won.

Zabuli 33:12

Josilwany a nono ma Were pajo obedo Rwoth, ji ma go oyero paka ji pere won.

Zabuli 68:16

Raŋo ineno gi nyeko, a got ma jatunge kweth, got ma Were ogomba bed'iye, kama Rwoth labed'iye, cil gi cil?

Zabuli 77:15

Iŋat'ibotho ji perin gi cingin ma meni, wot Yakobo gi Yozefu.

Zabuli 9:11

Wer win wer ma pak ri Rwoth, ma dhumo i Zayon! Waci ri kisi piny gima go timo!

Zabuli 9:12

Were poyo jono ma jocandere, wiye kiwil gi ywak pajo, aka miyo gir'acula ri jono ma jotimo rijo raco.

Zabuli 94:14

Kole Rwoth kilajwango ji pere, go k'owey jono ma jobedo apere.

Kitawo mar'ario mapa Musa m'ilwoŋo ni Wok 15:13

Gi mar perin makiwire, itelo ji ma ibotho, gi meni perin inyutho jo yo ma kidho i lowo perin maleŋ.

Kitawo mar'ario mapa Musa m'ilwoŋo ni Wok 15:16

Jopoŋ gi lworo aka jokirin. Joneno meni perin, a Rwoth, aka jocungo m'ongoye kony gi lworo cuka ji perin joŋanjo jokadho, ji ma ibotho bedo ŋecin.

Isaya 51:11

Ameno ji ma Rwoth obotho joladwoko, to jobino i Zayon gi wer, forok ma bu gike bino bedo rijo. Jobino nwaŋo forok gi kisangala, aka kumo gi hamo bino ngoye woko.

Isaya 62:12

Aka ilalwoŋo jo ni ji maleŋ mapa Were, ji ma Rwoth obotho, aka ilalwoŋin ni m'odwar, tindi madwoŋ ma k'ojwangi.

Isaya 62:6

Awi Yerusalem, aketho jokur, i kor udi perin, odieceŋ gipi gi wor gipi; jokilaliŋ. Jono ma jopoyo Rwoth, jokiywomere.

Isaya 63:17

Awi Rwoth, raŋo imiyo warwenyo gi yo perin, aka iridho adundin mawan matek, ma wakinyali lworin? Dwoki, ro ŋecin perin, nonin ma jobedo alunja perin.

Isaya 63:9

I litho pajo je, go olimo litho, to malaika pere botho jo. I mar pere gi wor pere, go obotho jo, otiŋo jo malo to rendo joje i hongo macene.

Yeremia 10:16

Were pa Yakobo kicale jo; go ama timo kisi gimoro, aka go otieko yero nono ma Isiraili ni wobedi alunja pere; Rwoth pa lwak jolweny am'obedo nyinge.

Yeremia 51:19

Were pa Yakobo k'obedo paka jo; go a ŋat'ocweyo kisi gimoro, aka Isiraili obedo nono mar'alunja pere; Rwoth pa lwak jolweny obedo nyinge.

Tim pa Jomoor 20:28

Kure win wiwegi kodi sidwol rombo je, ma Cuny Maleŋ oketho i cingi win, ni wibedi jotel mere, ma konyo kitipa pa jom'oyeyo pa Were, ma go oloko apere gi remo pa Wode won.

Kitawo mar'abic mapa Musa m'ilwoŋo ni Cik 32:9

Adec pa Rwoth obedo ji pere, Yakobo obedo alunja pere.

Kitawo mar'abic mapa Musa m'ilwoŋo ni Cik 4:20

To Rwoth okwanyo win to wodho win wok i mac m'okur, wok i Misir, bedo ji pere won, paka wibedo pama.

Kitawo mar'abic mapa Musa m'ilwoŋo ni Cik 9:26

akwayo Rwoth k'awaco ni, “Rwoth Were, ikir'irey woko ji ma jobedo lim perin won, ji m'ibotho gi meni perin, ji m'iwodho wok i Misir gi cingin ma meni.

Kitawo mar'abic mapa Musa m'ilwoŋo ni Cik 9:29

Jobedo ji perin, alunja perin won, m'iwodho gi meni perin madwoŋ kodi cingin m'oyare.”

Tito 2:14

Yesu Kristo, m'omiyere riwan to botho wan kwoŋ reco je, to loko wan ji m'olony ma jobedo apere won aka jocowere i timo gima beyo.

Menyirok ri Yohana 5:9

Jowero wer manyen ni, “Iripo gi kwanyo kitawo gi halo woko gim'omwon gine. Kole onekin, aka gi remo perin, inyewo ri Were ji maleŋ, wok i nonin je, dhodhok je, piny je kodi ji ma piny gipi.