Zabuli 51:1 - KITAWO MALEŊ

¹ Maki wor kodan, Awi Were, cungo kwoŋ mar perin makiwire, cungo kwoŋ wor perin m'oasere, cidi woko reco paran.

KITAWO MALEŊ Catholic

¹ Maki wor kodan, Awi Were, cungo kwoŋ mar perin makiwire, cungo kwoŋ wor perin m'oasere, cidi woko reco paran.

Zabuli 51:1 ပူးပေါင်းရင်းမြစ်များ

2 Samwiri 11:2

Ndelo acel, i hongo m'othieno, Daudi oay i kanindo pere aka oidho malo ma ot pere. Munyo go wotho idho malo, oneno dhako moro lwokere. Dhako no oyido ŋon swa.

Nehemia 4:5

Ikir'icwaki rijo raco ma jotimo aka wiyin wokiri wowil gi reco pajo; kole joyeto wan ma wageto.”

Zabuli 106:45

Ro jo, opoyo cikirok pere, aka onyutho wor cungo kwoŋ mar pere makiwire mathoth.

Zabuli 106:7

Kwarere mawan, munyo oyido jonitie i Misir, jok'odewo kwoŋ tim perin ma gir'aura; wiy gin owil gi mar perin makiwire mathoth, aka jogwenyere kwoŋ Were Madwoŋ loyo i Nam M'obokere.

Zabuli 109:21

To in, Awi Rwoth, Rwoth paran, osa ran ro nyingin, aka bothan ro bero ma mar perin makiwire.

Zabuli 119:124

Tiyi kodan gi mar perin makiwire, aka fonjan or perin.

Zabuli 145:9

Rwoth ber ri ji je, aka nyutho mar ri gimoro je ma go ocweyo.

Zabuli 4:1

Dwokan, k'akwayin, Awi Were, kwot paran! Ikonyan munyo oyido anitie i teko. Onyo maki wor kodan idwoki kwayo paran.

Zabuli 40:11

Awi Rwoth, ikir'iwey timo ŋono ran, weyi mar perin makiwire gi timo adieri perin wokuran noknok.

Zabuli 5:7

To kwoŋbedo mar perin makiwire, aladonjo i ot perin, abino lamin i Ot perin maleŋ t'abwonere rin gi lworo.

Zabuli 51:9

Ikir'inen reco paran, ywey woko raco paran.

Zabuli 69:13

To ri an, kwayo paran rin, Awi Rwoth, i hongo ma ripo, Awi Were, i mar perin makiwire m'oasere dwokan. Gi kony perin ma genere

Zabuli 69:16

Dwokan, Awi Rwoth, kole mar perin makiwire ber; gi ŋono perin madwoŋ, wire ran.

Zabuli 77:9

Were onyo wiye owil gi timo ŋono? Onyo nge omiyo go cego woko wor ma cunye ri ji pere?”

Isaya 43:25

Kucel, Abedo Were ma cwako reco mewin ro bero paran won, aka Ak'opoy reco mewin.

Isaya 44:22

Atieko ywero woko reco perin paka pondeponde, gi reco mewin paka fumbi, dwoki bongan, kole atieko bothin.

Isaya 63:15

Ŋiy piny wok i polo, ineni, wok i kabedo perin maleŋ aka didwoŋ. Nikune kinen perin gi meni perin? Mito mar'adundo perin gi wor perin opanere kwoŋan.

Isaya 63:7

Alaluwo kwoŋ tim ma mar pa Rwoth makiwire, pak pa Rwoth, cungo kwoŋ gimoro je ma Rwoth otieko miyo wan, gi bero pere madwoŋ ri ot pa Isiraili m'otieko miyo jo ro ŋono pere, cungo kwoŋ mar pere mathoth makiwire.

Yeremia 18:23

Kucel in, awi Rwoth, iŋeyo can pajo je ma nekan. Ikir'icwaki reco pajo, ikir'icwaki reco pajo ruwaŋin. Weyi wokengila jo ruwaŋin; tiyi gi jo ka nge omakin.”

Ywakirok 3:32

Makada nende go kelo rem, go labedo gi wor, cungo kwoŋ mar pere makiwire m'oasere.

Daniel 9:18

Awi Were paran, ciki ithin iwinji, yaw waŋin ineni, candirok mawan, kodi tindi perin madwoŋ, m'ilwoŋo gi nyingin. Kole wakikwayin kwoŋbedo watimo gim'otire, to kwoŋbedo wor perin dwoŋ.

Daniel 9:9

To in Rwoth, itimo wor aka icwako, makada nende watieko gwenyirok kwoŋin.

Tim pa Jomoor 3:19

Am'omiyo, ŋuti win reco mewin wigik bongi Were, ŋey reco mewin worey woko, aka ŋey hongo ma kelo lothi manyen wok bongi Rwoth wobin riwin,

Jokolosia 2:14

Were oreyo woko gim'onwaŋo ondiki kwoŋ wan marac, gi cik mere m'oyido yenyo kwoŋ wan gigipiny kweth, to kwanyo woko kicutho munyo oguro gino kwoŋ musalaba.