Zabuli 100:3 - KITAWO MALEŊ

³ Ŋey win ni Rwoth obedo Were! Go ocweyo wan aka wabedo apere; wabedo ji pere, aka rombo pere.

KITAWO MALEŊ Catholic

³ Ŋey win ni Rwoth obedo Were! Go ocweyo wan aka wabedo apere; wabedo ji pere, aka rombo pere.

Zabuli 100:3 ပူးပေါင်းရင်းမြစ်များ

2 Kerin 19:19

Riameno Rwoth Were mawan, akwayin, both wan kwoŋ Joasiria, ŋey nonin je ma piny jowoŋey nike in kende, awi Rwoth, iŋat'ibedo Were.”

1 Kigana kwoŋ Kerin 16:14

Go obedo Rwoth, Were mawan; or pere obedo ri piny gibe.

Yobu 10:3

Ber rin bedo gi gero? Icayo tic m'atieko timo gi cingan, aka ithiel can pa jokidakana.

Zabuli 119:73

Icweyan aka ikuran maber, miyan niaŋ ŋey afonjere or perin.

Zabuli 12:4

aka jowaco ni, “Wanwaŋo gima wamito gi lew wan, wawaco gima wamito, aka ongoye ŋata bino cero wan.”

Zabuli 149:2

Weyi Isiraili wosangala i jacwec pere, weyi wot Zayon jowofore i kere pajo!

Zabuli 46:10

Go waco ni, “Liŋ, aka iŋey ni abedo Were, adwoŋ i dier nonin, adwoŋ i piny gibe.”

Zabuli 78:52

Nyaka to telo ji pere paka rombo, to leko jo i thim paka mwendi.

Zabuli 79:13

Nyaka wan ji perin, mwendi m'ibedo jakwath pajo, walafoyin cil gi cil; to wapakin i luse je.

Zabuli 95:3

Kole Rwoth obedo Were Madwoŋ, aka Kere Madwoŋ loyo werin je.

Kitawo mar'ario mapa Musa m'ilwoŋo ni Wok 6:7

Abino loko win ji paran, aka abino bedo Were mewin. Wibino ŋeyo ni An Abedo Rwoth Were mewin k'anogony win wok i twec i Misir.

Jafonji 12:1

Poyi Jacwec perin i hongo ma soye perin, ka hongo ma teko fodi k'obino, kosa oro m'ilawac'iye ni, “Akiwinji cwe i jo.”

Isaya 63:11

Nyaka to poyo hongo macon, hongo pa Musa ŋeca pere. Aka jopenjo ni, nikune Rwoth m'owodho, jokwath rombo pere woko i nam? Nikune go m'oketho i dier jo cuny maleŋ pere?

Isaya 63:19

Watieko lokere jono ma fodi ikidhumo, paka jono ma jokilwoŋere gi nyingin.

Isaya 64:7

Ongoye ŋata lwoŋo nyingin, kosa ma temo goŋirok kwoŋin; kole ipano riwan waŋin, aka iolo wan i cingi reco mawan.

Yeremia 10:10

To Rwoth obedo Were mar'adieri; go obedo Were makwo kodi Kere ma cil gi cil. I keme pere piny yengere, aka nonin kinyal ciro nge pere.

Ezekiel 34:11

Kole Rwoth Were waco ama: An won gipi aladwaro mwendi paran.

Yohana 17:3

Aka me a kwo makirum: Nike ji jowoŋeyin, Were acel mar'adieri, kendo jowoŋey Yesu Kristo m'ioro.

2 Jokorintho 4:6

Kole Were m'owaco ni, “Lero woliel wok i mudho.” Am'omiyo lero pere liel i cuny wan, ma kelo riwan niaŋ kwoŋ dwoŋ pa Were, ma nenere i waŋ Kristo.

Joefeso 2:10

Wabedo cwec pa Were, aka ocweyo wan i Kristo Yesu, ni wabedi gi tim mabeyo, ma cango go oyiko con ni wabedi gine.

Kitawo mar'abic mapa Musa m'ilwoŋo ni Cik 32:15

Yesurun meno nyingi Yakobo man, opoŋ aka ogwenyere, okelo del aka cwe, ojwango Were m'ocweyo go, aka oŋalo Tele ma both pere.

Kitawo mar'abic mapa Musa m'ilwoŋo ni Cik 32:6

Ama apaka wilaculo Rwoth? Awi ji ma jomiŋ, ma jongoye gi rieko! Kosa go k'obedo bawin, go m'ocweyo win, m'otimo win, to bedo cakirok mewin?

Kitawo mar'abic mapa Musa m'ilwoŋo ni Cik 4:35

To riwin, onyuthi win, ŋey wiyey nike Rwoth obedo Were, aka ongoye man kendo.

Kitawo mar'abic mapa Musa m'ilwoŋo ni Cik 4:39

Riameno yey win konon aka kethi win i cuny win, nike Rwoth obedo Were i polo malo kodi i piny ka, ongoye man kendo.

Kitawo mar'abic mapa Musa m'ilwoŋo ni Cik 7:9

Ŋey win riameno nike Rwoth Were mewin obedo Were, Were ma timo adieri ma kuro cikirok kiri i luse ganin pa jono ma jomaro go aka jokuro or pere,

1 Petero 2:25

Ato oyido wicalo rombo m'orwenyo; t'onyo pama widwoko bongi Jakwath kendo Jakur ma cuny win.

1 Petero 2:9

To wibedo ji m'oyer, jocway ri Kere wi migam, nono maleŋ, ji pa Were won, ŋey winyal pako tim pa Were ma urere, go m'olwoŋo win wok i mudho donjo i lero pere maŋon ma kiwacere.

1 Petero 4:19

Am'omiyo, joma candere rupiri obedo mito pa Were rijo, joripo medo miyirok ri jacwec pajo ma genere gi medo timo gima beyo.

1 Yohana 5:20

Waŋeyo nike Wod Were otieko bino aka omiyo wan niaŋ m'omiyo waŋeyo Ŋat'obedo adieri. Kwo mawan nitie i Ŋat'obedo adieri, cungo kwoŋ Wode Yesu Kristo. Me a Were mar'adieri, won kendo a kwo makirum.