Zabuli 1:2 - KITAWO MALEŊ

² To nwaŋo kisangala i luwo cik pa Rwoth, aka fonjere kwoŋe wor g'odieceŋ.

KITAWO MALEŊ Catholic

² To nwaŋo kisangala i luwo cik pa Rwoth, aka fonjere kwoŋe wor g'odieceŋ.

Zabuli 1:2 ပူးပေါင်းရင်းမြစ်များ

Cakirok 24:63

Isaka okidho kiwaya i ndelo othieno, aka otiŋo waŋe malo to neno ŋamin jobino.

Ezira 7:10

Ezira oyido omiyere kisoma Cik pa Rwoth, gi timo gima cik waco, gi fonjo Joisiraili thenethene mere je.

Yobu 23:12

Or pere kingoye i dhokan, aka atieko tero wac ma wok i dhok go i cunyan.

Zabuli 104:34

Weyi go wosangala gi wer paran, kole afore i Rwoth.

Zabuli 112:1

Pak Rwoth! Jasilwany a ŋata lworo Rwoth, ŋata winjo maber luwo Or pere.

Zabuli 119:1

Josilwany a jono, ma yo pajo ongoye apuse, ma jowotho i cik pa Rwoth.

Zabuli 119:11

Aluwo cik perin i cunyan, ŋey akir'atim reco kwoŋin.

Zabuli 119:35

Telan i yo ma or perin, kole anwaŋo kisangala i jo.

Zabuli 119:72

Cik ma dhokin ber loyo ran, zahabu gi feza ganin.

Zabuli 119:92

Kabedi cik perin k'obedo cakirok ma kisangala paran, dinyo atieko tho ro candirok paran.

Zabuli 40:8

Amaro swa timo mito perin, Awi Were paran! Cik perin nitie i cunyan.”

Zabuli 88:1

Awi Rwoth, Were paran, alwoŋo ri kony ndelo gipi, aka wor aywak ruwaŋin.

Yeremia 15:16

Anwaŋo wac perin, t'acamo jo, aka wac perin olokere ran kisangala kodi noro ma cunyan. Kole alwoŋere gi nyingin, awi Rwoth, Were pa lwak jolweny.

Luka 18:7

Onyo Were ama k'oneni gir'atima ri ji pere m'oyer, ma jogoyo rigo koko wor g'odieceŋ? Wiparo ni go bino galo tektek gi konyo jo?

Luka 2:37

to doŋ citho cuka oro pere oromo piero aboro g'aŋwen. Go k'oweyo Ot pa Were, to otiyo ri Were wor g'odieceŋ munyo riyo kec gi kwayo.

Joroma 7:22

Kwo ma cunyan sangala i cik pa Were,

1 Jothesalonika 2:9

Adieri jowoti wan, wipoyo paka watiyo aka wafamba! Watiyo wor g'odieceŋ ŋey wakiri wabedi gima pek riwin munyo wafoyo Wac Manyen Maber ma wok bongi Were.

1 Timothe 4:15

Kethi tic no je i tim munyo imiyere rijo, ŋey ji je jowoneni paka tic perin kadho malo.

2 Timothe 1:3

Afoyo Were m'atiyo rigo gi paro ma cunyan m'olony, paka kwarere paran jotimo. Apoyin noknok i kwayo paran, wor g'odieceŋ.

Yosuwa 1:8

Kitawo ma cik me wokiri woeye i dhokin; ifonjere kwoŋe odieceŋ gi wor, ŋey inyal gwokirok timo paka ondiki kisi gimoro je manitie i iye. Nyaka kenyo ilaloko yo perin maber, aka lakadho kodin maber.

1 Yohana 5:3

Kole me a dwoŋ maro Were; winjo or pere. Aka or pere kitek riwan timo,