Ywakirok 2:9 - KITAWO MALEŊ

⁹ Waŋkace pere jomunyere piny, go oturo woko to reyo woko nywenye mere. Kerin pere kodi jodhum jonitie i dier nonin, jongoye gi fonji. Jotuci wac Were pere bende, jokilim menyirok wok bongi Rwoth.

KITAWO MALEŊ Catholic

⁹ Waŋkace pere jomunyere piny, go oturo woko to reyo woko nywenye mere. Kerin pere kodi jodhum jonitie i dier nonin, jongoye gi fonji. Jotuci wac Were pere bende, jokilim menyirok wok bongi Rwoth.

Ywakirok 2:9 ပူးပေါင်းရင်းမြစ်များ

2 Kerin 25:7

Joneko wot Zedekia munyo go neno gi waŋe; kenyo Nebukadineza omiyo ogol waŋ Zedekia t'itweyo go gi lijegere, aka oter go i Babilon.

2 Kigana kwoŋ Kerin 15:3

Ma hongo malac, Isiraili oyido ongoye gi Were mar'adieri, jacway ri Were i wi migam m'ofonji jo, kodi cik;

Nehemia 1:3

Jodwokan ni, “Ji ma jodwoko wok i twec jonitie gi teko kweth swa aka jonitie i wickwot. Kor ot ma Yerusalem otur aka owaŋ waŋkace mere gi mac.”

Zabuli 74:9

Wakinen ranyuth ma leŋo kendo, ongoye jatuci wac Were man kendo, aka ongoye ŋat'oŋeyo ni gime otimere kiri keraŋo.

Isaya 24:12

Osika woko tindi madwoŋ, aka waŋkace mere otur piny.

Yeremia 14:14

To Rwoth dwoko ni, “Jotuci wac Were joluwo twodo i nyingan; akioro jo, kendo akimiyo jo or kosa luwo gi jo. Jotuco menyirok ma twodo, miliel ma bukony, kodi twodo ma paro pajo.”

Yeremia 23:16

Rwoth pa lwak jolweny waco ama ri ji ma Yerusalem: Wikiri wiwinji wac ma jotuci wac Were no jowaco riwin; jowaco riwin gitwodo. Joluwo kwoŋ menyirok ma paro pajo wegi, ma k'owoki i dhok Rwoth.

Yeremia 39:2

K'abuŋwen i dwe mar'aŋwen i oro mar'apar g'acel otur kor cel ma tindi madwoŋ.

Yeremia 39:8

Jobabilon jowaŋo ot pa kere kodi udi pa ji pere, to joturo woko piny kor cel ma Yerusalem.

Yeremia 51:30

Jolweny ma Babilon jotieko weyo lweny, jodoŋ i kambi pajo. Meni pajo orumo, jotieko lokere paka mon. Ocwiny udi pajo, nywenye pajo otur woko.

Yeremia 52:14

to jolweny pere joredho piny kor udi ma tindi madwoŋ.

Ywakirok 1:3

Yuda otieko kadho i twec gi candirok, i tic arom matek. Go onyo bedo i dier nonin, aka ongoye gi kaywomirok. Joma joriemo go jotieko kikengila go, i kidamba pere.

Ywakirok 4:15

Kadhi win, wikoci, ji jokoko rijo, kadhi win, wikiri wigeyi wan. Ameno jolera wok piny man kadho i man aka jolera, aka owaci i kisi piny ni, jokilabedo ka.

Ywakirok 4:20

Ŋat'owir pa Rwoth, luya ma kwo mawan, oter woko i buce, ŋat'oyido wawaco ni, i tipo pere, walakwo i dier nonin.

Ezekiel 12:13

Alayaro bwo paran kwoŋe, aka go lamoko i iye. Alakelo go i Babilon, i lowo pa Jokaldin, kucel go kilaneno; go latho kenyo.

Ezekiel 17:20

Alayaro katimba paran kwoŋ go, aka alamako go i bwo paran. Alakelo go i Babilon t'adonjo i thumo banja gi go kenyo kwoŋbedo go k'otimo ran adieri.

Ezekiel 7:26

Teko i wi teko labino, pokopoko i wi pokopoko, jolarango menyirok wok bongi jatuci wac Were, aka fonji langoye bongi jacway ri Were i wi migam, kodi mic rieko wok bongi jodongo.

Hoseya 11:6

Abor liel i tindin madongo pajo, lareyo woko nywenye ma waŋkac mere, to cuto jo kwoŋbedo nyaliŋliŋ pajo.

Hoseya 3:4

Kole nyithindho pa Isiraili jolabedo ma ndelo kweth ma bu kere kosa jadhum, m'ongoye cowirok kosa siro, ma bu cal kosa cal aora ma ŋeyo gima latimere yuwaŋe kosa nyaliŋliŋ m'opondo.

Amos 1:5

Abino turo woko waŋkac ma tindi madwoŋ Damasiko, t'akwanyo woko ji ma jobedo i milelo Aven, kodi jadhum ma Betheden. Ibino tero ji ma Siria paka jotwec ma lweny i piny Kiri. Rwoth waco.

Kitawo mar'abic mapa Musa m'ilwoŋo ni Cik 28:36

Rwoth latero win, kodi kere mewin ma wilayero dhumo win, i piny ma fodi win kosa kwarere mewin jokuya, koro wilatic ri werin man, ma mbawo kodi tele.

Kitawo mar'abic mapa Musa m'ilwoŋo ni Cik 28:63

Paka Rwoth osangala miyo win lim kodi loko win mathoth, apaka go bende lakisangala kisika kodi reyo woko win. Go lafudho woko win wok i lowo ma wikidho lunjo.

1 Samwiri 28:6

To Saulo penjo Rwoth gir'atima, to Rwoth k'odwoko go i lek, kosa gi gima jocway ri Were i wi migam jo oro ma ŋeyo mito pa Were, kosa luwo i jotuci wac Were.