Ywakirok 1:2 - KITAWO MALEŊ

² Go ywak gi geregere wor, gi pigi waŋe i pinde, ongoye ŋat'okwey cunye, i dier jomitirok pere. Merin pere je jotiyo gi go akor, jotieko lokere jokwor pere.

KITAWO MALEŊ Catholic

² Go ywak gi geregere wor, gi pigi waŋe i pinde, ongoye ŋat'okwey cunye, i dier jomitirok pere. Merin pere je jotiyo gi go akor, jotieko lokere jokwor pere.

Ywakirok 1:2 ပူးပေါင်းရင်းမြစ်များ

Yobu 6:15

Merin paran jor'akor, paka pi ma mol kadho wok i malawa.

Yobu 7:3

Ameno apaka otiek miyan dwe ma futirok, gi wor ma rem.

Zabuli 126:5

Weyi jono ma jocwoyo gi pigi waŋ jo, jowokec gi koko ma kisangala.

Zabuli 31:11

Jokwor paran je, tektek mere joger paran, joteran gi cay, jono ma joŋeyan jolworan, ka joromo kodan i royo joringo.

Zabuli 6:6

Rem olacan, kisi wor kanindo paran dhiek gi pigi waŋan, muto ma theno wiyan bile gi ywak paran.

Zabuli 69:21

Jomiyan kwir ma neki ni cemo, aka ri riyo pi paran, jomiyan vini mawac amadha.

Agecin 19:7

K'inen kiri wade pa jacandi jodak go, t'onyo kosa merin pere jodak go nedi.

Yeremia 13:17

To ka wik'owinji, alaywak nyaliŋliŋ ro delok mewin; alaywak gi geregere aka pigi waŋan laoy kwoŋbedo okadhi gi ji pa Rwoth paka jotwec.

Yeremia 2:25

Isiraili ikir'imiy par tiendin woyure i kisia mewin kodi dwondin winjo riyo. T'iwaco ni, “Obedo gim'ongoye geno, rupiri atieko mito werin makicar, aka alaluwo jo.”

Yeremia 3:1

Ka jal moro oriemo cege to dheno weyo go to lokere cipa ŋatiman, jalo nyalo gik bonge? Nger lowo no kinyal kocirok kicutho? Itieko nindo gi cwo kweth; onyo iparo ni inyalo dwoko bongan? Rwoth waco.

Yeremia 30:14

Jomitirok mewin je wiy jo owil gi win; jokipar kada kwoŋ win. Kole atieko monjo win paka jakwor, gir'acula mewin obedo magway, kwoŋbedo kidakana mewin madwoŋ.

Yeremia 4:30

Aka in, awi ŋat'ojwangi, onyo inyutho aŋo ni iruko nanga m'obokere, ni ijaŋo kwoŋin thiwino ma zahabu, ni ireyo waŋin gi rangi? Ipile ni ilokere maŋon. Jomitirok perin jobwonin; jodwaro kwo perin.

Yeremia 9:1

Awi ka bedi wiyan oyido obedo waŋ pi, aka waŋan kama pigi waŋ jo wok'iye, ŋey anyal ywak wor g'odieceŋ ri ji paran ma jocandi m'oneki jo!

Ywakirok 1:19

Alwoŋo jomitirok paran, to jowondan, jocway ri Were i wi migam paran kodi jodongo paran, jorere i tindi madwoŋ, kareno jorango cemo, ma kuro kwo pajo.

Ywakirok 1:21

Jowinjo nike oyido aywak, m'ongoye ŋat'okwey cunyan, jokwor paran je jowinjo kwoŋ litho paran, aka josiemere nike itimo, keli ndelo m'itieko yiko, aka weyi bende jowocal an.

Ywakirok 1:9

Koco pere oyido nitie i rinda pere, go k'oparo kwoŋ gim'owok rumacen, podho pere obedo gi dhier, m'ongoye ŋat'okwey cunye. Awi Rwoth, neni, litho paran, kole jakwor otieko tiŋere malo.

Ywakirok 2:11

Waŋan oloc gi ywak, aka iyan raman. Cunyan raman, kwoŋbedo rerok pa ji paran, kwoŋbedo nyithindho kodi nyithindho ma dhoth, joloc kam'othangere i tindi.

Ezekiel 16:37

Riameno acegin coko jomitirok perin je, m'isiemere gi jo, jono je m'oyido jomitin kodi ma jodakin. Alacoko jo kwoŋin thoko iye je, aka alathango kinyoro perin rijo, ŋey jowoneni kinyoro perin je.

Hoseya 2:7

Go laŋwec riemo jomitirok pere, to k'omaki jo; ladwaro jo, to k'onwaŋ jo. Nyaka to go waco ni, “Alakadho t'agik bongi cworan marapena, rupiri oyido bero nitie ran con mere loyo pama.”

Mika 7:5

Ikir'igen jager, kosa mere. Gwokere i gim'iwaco, kada ri dhako perin.

Menyirok ri Yohana 17:13

Japar me je jonitie g'atoŋa marom, aka jobino miyo ogwaŋ meni pajo gi nyalo ma dhum.

Menyirok ri Yohana 17:16

Ogwaŋ kodi tunge apar m'ineno no, jobino dak jatim giwickwot no. Jobino timo go kicar to joweyo go kinyoro, jobino camo delkwoŋe to joreyo woko go gi mac.