Yowel 3:2 - KITAWO MALEŊ

² Alacoko nonin je kanyacel, t'akelo jo piny i milelo pa Yekosafat. Alathumo banja rijo kenyo, ro ji paran kodi alunja paran Isiraili, kwoŋbedo jotieko kedho jo i dier nonin, jopoko Isiraili lowo paran.

KITAWO MALEŊ Catholic

² Alacoko nonin je kanyacel, t'akelo jo piny i milelo pa Yekosafat. Alathumo banja rijo kenyo, ro ji paran kodi alunja paran Isiraili, kwoŋbedo jotieko kedho jo i dier nonin, jopoko Isiraili lowo paran.

Yowel 3:2 ပူးပေါင်းရင်းမြစ်များ

2 Kigana kwoŋ Kerin 20:26

I ndelo mar'aŋwen jocokere i milelo ma Beraka to jopako Rwoth; riameno nyingi kenyo olwoŋi ni Beraka kiri konon.

Isaya 66:16

Kole Rwoth lakelo tiro g'abor pere, go laneko ji kweth ma jonwaŋere ni jobanja aka ji kweth jolatho.

Isaya 66:18

Kole aŋeyo tim pajo gi paro pajo, aka abino coko ji ma joluwo dhodhok m'opokere opokere gi nonin nyutho jo dwoŋ paran.

Yeremia 12:14

Me apaka Rwoth waco mako kwoŋ joger pa Joisiraili ma jogeyo gir'alunja ma go otieko miyo ji pere Isiraili lunjo: Acegin muko jo woko wok i lowo pajo, aka alamuko woko Joyuda wok i dier jo.

Yeremia 25:31

Derino lawinjere i tielo je ma piny, rupiri Rwoth nitie gi banja kwoŋ nonin; go donjo i thumo banja ri ji je, aka joma jotimo banja, go laneko jo, Rwoth waco.

Yeremia 49:1

Me apaka Rwoth waco ri Joamon: Joisiraili jongoye gi wot jo? Isiraili ongoye gi musika? Raŋo oyey ji ma jolamo were Molek mako adec pa Gad, aka jobedo i tindin mere.

Yeremia 50:17

Rwoth waco, “Joisiraili jocale rombo ma simbwor oriemo to jokedhere. Marapena Asiria oreyo go, aka onyo i cowe Kere Nebukadineza ma Babilon ŋinyo woko cokin pere.

Ezekiel 25:8

Rwoth Were waco ama: Rupiri Mowab otieko waco ni Yuda cale nonin man je,

Ezekiel 34:6

Okedhi rombo paran, joyiya piny wi gote je kodi i wi kisi tendere mabor. Okedhi rombo kisi kamoro je ma piny, m'ongoye ŋat'orangi kosa odwar jo.

Ezekiel 35:10

Rupiri wiwaco ni, “Nonin ario me kodi piny ario me jobino bedo aparan, aka wilaloko jo mewin.” Makada oyido Rwoth nitie kenyo.

Ezekiel 36:1

Rwoth owaco ama: Wod dhano, luw kodi gote ma Isiraili aka waco rijo jowowinji wac pa Rwoth.

Ezekiel 36:5

Riameno Rwoth Were waco ama: Aluwo i nyeko paran malieth swa kwoŋ nonin man je m'odoŋ, kodi kwoŋ Edom, ma gi kisangala madwoŋ swa kodi mbusa, jokwanyo lowo paran paka gipajo, kwoŋbedo lum mere to jonyaga.

Ezekiel 38:22

Alathumo rigo banja gi two nundu kodi nek; alamiyo koth wocwe gi pe, mac kodi tele laoy kwoŋe, jolweny pere kodi ji kweth ma jonitie gi go.

Ezekiel 39:11

Rwoth owaco ama: I ndelo no alamiyo Gog kayik i Isiraili, i milelo pa Jowoth yuwok ceŋ ma nam; bino geŋo ger pa jowoth, rupiri kenyo Gog kodi kitipa pere je ilayik'iye jo; ibino lwoŋo ni Milelo pa Hamon Gog.

Yowel 3:12

Weyi wotugila jo, weyi nonin je jowokadhi malo i milelo pa Yekosafat; kenyo alabedo thumo banja, ri nonin je thoko.

Yowel 3:14

Lwak ji kodi lwak ji, i milelo ma thumo banja! Kole ndelo pa Rwoth orikere, i milelo ma thumo banja.

Amos 1:11

Me apaka Rwoth waco: Ji ma Edom jomedere timo reco kendo, aka ro gime akibino wiro gir'acula pajo, rupiri joredho piny wade pajo Joisiraili gi toŋ, aka jok'onyutho jo wor. Nge pajo kidhumere aka jokiwey otho.

Mika 4:12

To jokuya paro pa Rwoth, jokiniaŋ can pere nike go otieko coko jo paka ŋano m'itero i kisia.

Zefania 3:8

Riameno kuran win, Rwoth waco, ri ndelo m'abino ay paka jakony. Kole ayere coko nonin, ma coko kerin, konjo kwoŋ jo keme paran, lietho ma nge paran je, kole i mac ma nyeko paran, piny gibe larere.

Menyirok ri Yohana 11:18

Keme opoŋ i cuny nonin; kole onyo ndir otundo, ma nyutho keme perin, gi thumo banja ri jom'otho. Ndiri ma miyo jotic perin, ma jotuci wac, kemba pajo, kodi ji perin maleŋ je, jomadongo kodi jomathindho je ma jolworin. Ndiri otundo ma reyo woko joma nyeko piny!”

Menyirok ri Yohana 16:14

Jobedo cuny ma nyajwogi ma jotimo gir'aura. Cuny adek me jowok kareno jokidho pa kerin i piny gipi, coko jo kanyacel ma lweny i ndelo madwoŋ mapa Were Majameni je.

Menyirok ri Yohana 16:16

Gikenyo cuny no jokelo kerin kanyacel kam'ilwoŋo i Dhoyuda ni Amagedon.

Menyirok ri Yohana 16:6

Rupiri jooyo remo pa ji maleŋ kodi apa jotuci wac Were, imiyo jo madho remo, meno ripo gi jo!”

Menyirok ri Yohana 20:8

t'idhiro go i piny bino wondo nonin je ma jonitie i thenge aŋwen ma piny, meno Gog kodi Magog, gi coko jo ri lweny, kareno welo pajo thoth pa kwoyo ma thengi wakawaka.