Yowel 3:16 - KITAWO MALEŊ

¹⁶ Rwoth lakihola wok i Zayon, to miyo dwonde winjirok wok i Yerusalem, polo kodi piny jolayengere. To Rwoth obedo kabwok ri ji pere, kodi kapondo ri Joisiraili.

KITAWO MALEŊ Catholic

¹⁶ Rwoth lakihola wok i Zayon, to miyo dwonde winjirok wok i Yerusalem, polo kodi piny jolayengere. To Rwoth obedo kabwok ri ji pere, kodi kapondo ri Joisiraili.

Yowel 3:16 ပူးပေါင်းရင်းမြစ်များ

Zabuli 18:2

Rwoth obedo tele paran, kapondo paran aka jaboth paran. Were paran obedo tele paran, i go a kapondo paran. Kwot paran, aka meni paran ma both, kapondo paran.

Zabuli 29:11

Weyi Rwoth womiy ji pere meni! Weyi Rwoth womiy ji pere silwany gi siem!

Zabuli 61:3

kole iŋat'ibedo kapondo paran, kisul matek kwoŋ jokwor.

Agecin 18:10

Nyingi Rwoth obedo acurcur matek, jono ma jotimo gim'otire joring'iye aka jokirom gi teko.

Isaya 33:16

Jolabedo i kabedo ma malo, aka jolapondo i tele, jolabedo gi cemo kodi pi ma romo.

Isaya 33:21

To kenyo Rwoth labedo gi wan i dwoŋ pere, kenyo labedo malawin maluth gi jwombe malac, riato m'icewo gi mel madongo jok'ocewer'iye.

Isaya 42:13

Rwoth telo paka siragama, paka dhano ma jalweny, go tugila nge pere, go ywak, go koko malo, go nyutho meni pere kwoŋ jokwor pere.

Isaya 51:16

Atieko ketho wac paran i dhok win, t'akano win i tipo ma cingan, arieyo polo, t'ageto kindi piny, k'awaco ri Zayon ni, “Wibedo ji paran.”

Yeremia 16:19

Awi Rwoth, meni paran gi cel paran, kapondo paran i hongo ma teko, nonin je jolabino bongin wok i tielo gi tielo ma piny to jowaco ni: Kwarere mawan jok'olunjo gimoro kwanyowoko twodo, gigipiny masisiri m'ongoye iye magowa.

Yeremia 17:17

Ikir'ilokere ran lworo madwoŋ; ibedo kapondo paran i hongo ma teko.

Ezekiel 38:19

Rupiri i nyeko paran kodi i keme paran maliel atieko luwo: I ndelo no yengirok pa piny madwoŋ labedo i piny ma Isiraili.

Hoseya 11:10

Jolaluwo Rwoth, ma uja paka simbwor; ka go ouja, nyithindho pere jolabino ka jokirin wok yupodho ceŋ.

Amos 1:2

Amos owaco ni, “Rwoth jero wi got Zayon aka dwonde mor i Yerusalem, lum pa jokwath rombo thwo woko, aka lum ma wi got Kamel oner.”

Amos 3:8

Ŋa ma lworo kimaki ka simbwor ohola? Ka Rwoth oluwo, ŋa manyalo kwero tuco mikwenda pere?

Nahum 1:7

Rwoth ber, go obedo kapondo i ndelo ma teko; go oŋeyo jono ma jorango kapondo i go.

Hagay 2:6

Kole Rwoth pa lwak jolweny waco ama: Dicel kendo, i hongo macek, alayengo polo kodi piny, nam kodi lowo m'othwo,

Hagay 2:7

aka alayengo nonin je, ŋey lim pa nonin je labino, aka alapoŋo ot me gi dwoŋ, Rwoth pa lwak jolweny waco.

Zekaria 10:12

Alamiyo jo bedo matek i Rwoth, aka jolawoth i nyingi go. Rwoth waco.

Zekaria 10:6

Alaloko matek ot pa Yuda kodi ot pa Yozefu, alabotho jo, t'adwoko jo, anitie gi wor rijo, paŋini oyido akijwango jo, An, Rwoth Were pajo, aladwoko jo.

Zekaria 9:12

Gik win i kapondo, Awi jotwec ma jogeno, konon awaco nike alaculo win dirio.

Joebulaniya 12:26

I hongo no dwonde oyengo piny, to i hongo ma pama go ociko ni, “Odoko abino yengo ki nyaka piny kende, to polo bende.”

Menyirok ri Yohana 11:13

I hongo no won, yengirok madwoŋ ma piny otimere. Acel kwoŋ apar ma tindi oŋinyere woko, aka ji ma romo gana abirio jotho i yengirok ma piny no. Ji m'odoŋ jobwok to jopako dwoŋ pa Were ma polo.

Menyirok ri Yohana 11:19

Ot pa Were ma polo oyido oyaw to sanduku ma cikirok nener'iye. Gikenyo pilin pa lithkoth, derino, mwoc pa koth, yengirok pa piny, kodi pe m'oasere otimere.

Menyirok ri Yohana 16:18

Kenyo pilin, derino, mwoc pa lithkoth, kodi yengirok pa piny m'oasere otimere ma fodi yado onwaŋo k'otimere ye ameno wok cuka cwey dhano. Me obedo yengirok pa piny marac m'oasere!

1 Samwiri 15:29

Aka Were pa Isiraili madwoŋ kitwodi kosa kiwir paro pere; rupiri go k'obedo nyatoro manyalo wiro paro pere.”